هلموا ............رفيس خبز الدار

[sissou nrdn]

هذا الرفيس رانا تعلمناه في السنوات الاخيرة فقط ما هوش من منطقتنا المكون الرئيسي نتاعو هو خبز الدار
خبز الدار يكون قليل الزيت : 2 كيلات سميد, 1كيلة فرينة, ملعقة اكل و نصف خميرة, 2ملعقة اكل حليب غبرة و ملعقة اكل
سكر, ملح , شوية ماء زهر و تعجنيها بالماء ثم تخليها تخمر
بعد ذلك اعجنيها مليح تكون طرية مليح و ديريها تخمر في بلاطو بعدها طيبيها بلا ما ديريلها الصفار من الفوق ثم خليها
تبرد مليح
نحي القشرة نتاع الخبز و ارحيها في الروبو اما القلب نتاعو سكرفجيه في la rappe نتاع البصل الجهة الخشينة
[IMG][/IMG]
نروحو الان للتفوير: رشي الخبز المرحي بفنجان حليب ثم ديريه يفور شوية ثم عاودي نحيه و رشيه بفنجان ماء زهر
( فنجان نتاع قهوة) و زيدي الفورة الثانية
[IMG][/IMG]
بعد ذلك سمغيه بالزبدة 3 او 4 ملاعق اكل و زيدي عليه السكر الارطب على حسب ذوقك في الحلو و خلطي جيدا
ضعيه في صحن و زينيه بالمكسرات انا استعملت شرائح اللوز و السكر الارطب من الفوق
[IMG][/IMG]
[IMG][/IMG]
جربوه راه يجي خفيف بزاف و بنين يالا تفضلو بسم الله