ساعدوني

سنبلة الواحات · 2013-12-22, 16:59

السلام عليكم والله انا حامل وشهري افريل باذدن الله لكني حايرانة في اختيار نوع القماش لي اندير منو قنادر النفاس هل بيزو ام قطيفة ام فيزكوز ارجو الاهتمام

ام ملاك39 · 2013-12-22, 23:14

الاسلام عليكم اختي انا انصحكي بالقطيفه ربي قومك بسلامه ان شاء الله

حنينة5 · 2013-12-23, 11:20

اختي افريل يكون بارد الحال ديري قطيفة وتكون خفيفة شوي

مثل قطيفة روايال باهية وخفيفة وتصلح لافريل

الا اذا كان عندكم الجو في افريل سخون لان كل منطقة وجوها

كيف احنا في الجبال وافريل ممكن حتى يكون فيه الثلج وخاصة في اول الشهر يكون عندنا السامة وهو جو بارد جدا اكثر من الشتاء

والله اعلم

سماح 88 · 2013-12-23, 12:42

انصحك بالقطيفة وتكون خفيفة انا العام الماضي زدت في مارس وكان شتاء بارد حتى لشهر افريل وانا في القطيفة
ان شاء تزيدي وتقومي بالسلامة

أمو رامي · 2013-12-23, 14:12

الف مبروك ولعقوبة لخلاص الوحل انشاء الله انا من عندي ديري القطيفة خاطر مزال الحال شوي على الصيف وتعرفي النفاس لازم تتهلي في روحك ذوقينا الطمينة

ام اياد 01 · 2013-12-25, 15:29

افريل بارد ديري قطيفة و ديريهم بيجامات

سمراء الدنيا · 2013-12-25, 15:43

ربي يقومك بالسلامة ان شاء الله ............كيما نصحوك لبنات ديري قطيفة تساعدك في وقت النفاس ........ديرلها خياطة مريحة و سامبل و تساعدك في الرضاعة ......و ديرلها بوني من نفس الكتان و تاني جوارب راهم يخيطوهم بالقطيفة يجوك اسورتي ........من بعد نصورلك الجوارب

جوري لؤلؤة · 2013-12-26, 00:46

والله يا اختي ديري بيجامات قطيفة خفاف او اشريهم واجدين ويكونو قطن ماش قطيفة خاصة مع المنازل راهي متوفرة فيها التدفاة
كاين مديلات متوفرة في الوق مخصصة للرضاعة انا نفست العام الماضي في مارس شريت منهم والله روعة حتى الصيف تقدري تلبسيهم
ربي يقومك بالسلامة ويسلك وحلك