اتفضلو

اماني بريئة · 2013-05-28, 16:55

السلام عليكيم ورحمة الله تعالى وبركاته
والله يا اخواتي عندي مشكل لالا غلطت عندي مشاكل ولي هي

اولا مانعرفش ندير قلاصاج ياريت تمودي وصفة مليحة وكدلك انا باتور ديلي خسر يعني اا نقدر نديرو بيدي
وحاجة تانية انا موسكوتشو ديما ماتنجحليش خطرة جي معجنة وبزاف كي نخرجها من مول تتكسر مانعرف علاه
وقولولي اسكو كي نخرجها من كوشا ثم ثم نحها من مول ولا لا نخليها حتى تبرد
واعطوني بليز وصفة تع لي صابلي تكون طرية ومليحة

وجزاكم الله خيرا

اماني بريئة · 2013-05-29, 13:43

62 مشاهدة ولا رد

ما لقيت مانقول
جزاكم الله خيرا

امة الله جويدة · 2013-05-29, 13:57

بسم الله والصلاة على رسول الله انا رح اعطيلك وصفة المسكوتشا(هكذا نقولولها فالغرب) المهم نبدو بالمقادير(5بيض+كاس سكر(او اقل شوية)+قشور الليم او البرتقال+كاس حليب+فرينة حسب الحاجة+2 ساشي خميرة كيميائية) وفي حالة ما اردتيها تكون سوداء اللون ضيفيلها 2 مغارف كبار كاكاو +ناسكافيه او قهوة مرة(بدون سكر)
للتزيين***2علب شكلاطة مينا+ مغرف زبدة +شوية حليب وذوبيهم على نار هادية +نوادكوكو(جوز الهند) للرش *او التزيين كيما تبغي ممكن بالكونفيتور ولا حتى العسل **انا دايما نديرها هاكة وتخرجلي شابة بزااف والحمد لله
الطريقة=في اناء خاص حطي البيض والسكر وضربيهم باليد او بالباتور كيما تبغي و ضيفي الزيت وواصلي الخلط وقشور الليم والحليب والرينة ديري النص وعليه حطي الخميرة ثم ضيفي الفرينة(طحين) وهنا ضيفي الكاكاو اذا بغيتي وبعد ما تكملي اذهني السني تاعك بالزيت وفرغي عليه خليط المسكوتشا وبصحتك
لا تنسي الدعاء لي جزاك الله خيرا ونتمنى نكون افدتك ان شاء الله

امة الله جويدة · 2013-05-29, 13:58

عفوا انا قصدت للزيت نص كاس او اقل شوية وليس السكر

djo761 · 2013-05-29, 16:15

السلام عليكم بالنسبة للقلاساج ''كاس حليب خاثر تصبي عليه السكر قلاسي حتان يشد روحو مع شوية عصير قارص وديري الملون لي تحبي راهي مضمونة 100 ب100 وانشاء الله يفيدوك الآخرين.

djo761 · 2013-05-29, 16:18

عفوا نسيت بلا متستعملي الباتور بيدك برك...