الرفيس على طريقتنا

[امال7]

هذا الرفيس نحضروه فى منطقتنا و يكون كثير لذيذ و كل الناس تحبه حتى الضيوف لما يجوا يطلبوه بكثرة.
فى جفنة نضع كمية من السميد الرقيق و كمية من الفرينة و هو من الأحسن اذا كان السميد من النوعية الجيدة تضعين السميد واحدة أما هنا حطيت الفرينة و تعملى حفرت تضعين فيها الملح و فليل من السمن المذاب و تبسي ثم تصين الماء و تشكلي خبزة طيبيها فى الطاجين لما تطيب تفتيها سواء باليد و الا تفتيها بأي شةء أنا استعملت يد المهراز انتاه الخشب صغير ليسهل العملية و من بعد تضعين التمر يكون مفور و تخلطيع مع اللفتات حتى يدخل التمر كله و من بعد تضعين السمن المذاب حسب الرغبة فى الحقيقة هو يجي فيه بزاف و لكن احنا نقول حسب الرغبة و قبلها تضعين قليل من الفلفل الأحمر المرحي أنا حطيت الفلف الأحمر المرحي الحار و تضعين الخليط فى كوكوط ثقيل و تتركيه على النار حتى تتجانس كل المواد يعنى يسخن مدة قصيرة ثم يقدم مع اللبن أو الرايب و بالصحة و الهناء

[shanese hanane]

ايه هدا هو الرفيس الحقاني تبارك الله عليك

[امال7]

و فيك بركة أختي

[oum anas 69]

يشهي يعطيك الصحة ..... حنا رفيسنا لي فيه تشيشة محمصة و زبدة الحرة و الغرس
أختي أمال ذكرتي بلي فيه فلفل أحمر يعني يجي حار ؟؟؟؟؟؟

[ام مريم اسراء]

الله يبارك اختي امال 7 ربي يجعلو معروف مقبول .... طبق رائع ومع الريب منقلكش والو ... بصحتكم احنا نعملوه بفتات المسمن سجس كالشخشوخة وكاين الي يعملوه بهاد الطريقة

[مرام7]

لذيذ جدا بارك الله فيك هذا هو الرفيس الذي احبه

[امال7]

لالا أختى أم أنس مايجيش حار تجطي شوية فقط لتغيير اللون فقط

[امال7]

الله يبارك اختي امال 7 ربي يجعلو معروف مقبول .... طبق رائع ومع الريب منقلكش والو ... بصحتكم احنا نعملوه بفتات المسمن سجس كالشخشوخة وكاين الي يعملوه بهاد الطريقة

الله يسلمك أختى

[صابرة2013]

طبق راااااااااااااااااااااااااااااااااااااائع

[ام ولي]

اول مرة نسمع بيه بارك الله فيك

[أم ياسمينdz]

يمممم رفيس يشهي يعطيك الصحة

[سليلة ذات النطاقين]

يعطيك الصحة احنا عندنا نسميوه زيراوي

[امال7]

صح فى مناطق سموه زيراوي و مناطق سموه رفيس بوصلوع و مناطق سموة رفيس الكسرة

[سيرين15]

هذا الرفيس احنا كذلك نخدموه و كل الناس تطلبه و نسموه الزيراوى يعطيك الصحة أختى أمال7 و مثل مايقول المثل القديم لا تفرط فيه و الجديد حبه و تبقى أكلاتنا التقليدية هى المفضلة

[ساندي 28]

كيما الرفيس نتاعنا لكن منستعملش السمن اولا نبسس بالزيت الكسره وتطيب بعدها نستعمل الزبده او الدهان الحر ومنديروش في الكوكوت لانو يتحرق بسرعه الغرس الي فيه
شكرا اختي