ام كوثر زعفت منك **** وعلاش بخلتيني

[~ حراير ~]

السلام عليكم و رحمة الله تعالى و بركاته

اختي العزيزة ام كوثر انا للأسف الشديد مانعرفش نقول الشعر لكن عندي قلب ديما يدعيلك و يدعي لعضوات منتدى الجلفة بالخير و الهناء عن ظهر الغيب

انا اليوم لايمة عليك لأنك ما خبرتينيش انه الخبز الساهل و البنين الي طيبتو من قبل هو كان موضوعك عن وصفة لأم اماني

فقوليلي برك بخلتيني نشكرك و نوفيك حقك و حق ام اماني ؟؟؟
فنقول لكل من قرأ تطبيقي المميز خبز ساهل في هاد الرابط

هاهو الموضوع الأصلي منين هزيتو https://www.djelfa.info/vb/showthread.php?t=1278842
https://www.djelfa.info/vb/showthread.php?t=1238239

شوفي باش نشكرك مليح هاني وش طيبت اليوم





والله والله قطن من داخل خفة و بنة و سهولة في الطياب



هاد الخبز تلقاوه هناhttps://www.djelfa.info/vb/showpost.p...&postcount=462

و نقلك علاواش راح نشكرك لأنه اولا هنيتيني من مقابلة الطجين في الصيف و احنا منطقتنا صحراوية يتسما نعجن و نلوح للفور و هو يدبر راسو

و نشكرك لأنه والدتي ربي يحفظها عجبها الخبز و خلاص أغرمت به

و ثاني رب البيت عجبو قالي انه يشبه لخبز والدته ربي يرحمها
يتسما راني لقيتلو الطريق منين نحتاج حاجة نطيبهولو و نقلو هاو خبز ميمتك


ام كوثر و عضوات منتدى الجلفة