ساعدوني فبل فوات الأوان من فضلكم ! !

[Noah_23]

[h]

السلام عليكم اخواني
أنا الآن طالب جامعي l1 و تحصلت على الباكلوريا العام الماضي بمعدل 10.89 علوم تجريبية
الأسبوع الماضي قال لي صديق أنه يمكنني الإنضمام للجيش برتبة ضابط (تكوين أساسي) هذا الصيف إذا عندك معريفة و أنا لدي معريفة في القوات البحرية
هل أدفع ملف هذا الصيف أو أعيد باكلوريا حرة العام القادم أي ماكالاه نتعب روحي
لدي 19 سنة و العام القادم 20

ساعدوني من فضلكم

[زهراء48]

يا أخي الكريم أنصحك بالعمل في سن مبكر إذا كان لديك معرفة دير كامل مجهودك باش تدخل تكوين أساسي رغم أن المعدل ناقص ولكن رانا في زمان المعرفة وخلاص....أنا حقا فتاة ولكن صدقني هذا الرأي الأصلح وربي يوفقك يا خويا العزيز

[mechakou]

راك روطار أدخل و دير مستقبل لروحك

[amine0007]

بصح يا اخي لازملك تجيب العام نتاعك نتاع الجامعة باش تدخل ضابط وزيد ادا عندك المعريفة في البحرية غير ادخل راك تندم عليها خاصة البحرية

[t1rti ben]

يا خويا لعزيز هذا أمر مايحتاجش المشورة ..زين نيتك و اتكل على ربي ...أنا قريت 5 سنوات في الجامعة +2 عامين تاع انتظار .و ما زلت...و أنا ما نحوس يسرالك كيما أنا خويا بالرغم من أنه كاين حالات أكثر مني ...أنا وين نبان ...و زيد البحرية ممتازة و فيها دورات تكوينية بالخارج ..الخ

[Noah_23]

شكرا لكم اخواني على آرائكم
لكن بكل صراحة أنا خائف إذا لم أقبل لأن المعريفة التي عندي هي: يوتنا + سارجان شاف + كابتان
و خايف اذا هاذو ما يقضيو والو لأنها لازم معريفة من العيار الثقيل

شكرا على مشاركاتكم و آرائكم

[HAKIM HA]

السلام عليكم و رحمة الله

انا كنت في المدرسة العاليا للبحرية و بخصوص معدلك هل تعلم انه في عام 2011 حبس المعدل في 14

و انت راك تقرا في الجامعة يعني لازم تجيب العام قبل كل شيء و امر آخر اذا كان العرف لي راك تهدر عليه موش قوي يعني لازم يكون من وزارة الدفاع و هذا واش صرا مع ابن قائد المدرسة معدله 10 و باك ادبي جاه تصريح مختوم من قائد الاركان قايد صالح استثناءا لفلان يدخل هذه السنة للمدرسة العليا للبحرية لكن جرب حظك و ان كان راه باين و انا شخيصا كنت ضمن مشرفي الانتقاء ول ي معدله قل من 12 منستقبلوهش خلاص ولي معدله طالع و موش مبلع عامه منستقبلوهش خلاص و هذه طبعا اوامر قائد لجنة الانتقاء

انا حبين نحطك في الصورة باش متنغرش و تنسى قرايتك و تبقى لا هاك ولا هاك

[pabbes]

كن أسـدا قبل أن تأكلك الأســود
كن ذئبـا قبـل أن تخدعك الذئاب

[Noah_23]

السلام عليكم
أخي Hakim ha هل هذا يعني بلا ما نتعب روحي لأنني أسكن في مدينة عنابة و أنت تعرف أن عنابة - الجزائر العاصمة 600 كلم يعني نشقى في الباطل + تكون في رمضان
أو هناك أمل إذا نجحت السنة الأولى جامعي ؟؟
ساعدوني لأني رايح نهبل من التخمام + لدي بعض المشاكل العائلية لذى فأنا أفعل كل الأسباب لأذهب هذه السنة دون إعادة باكلوريا أخرى

;و شكرا لتعاونكم معي

[amine0007]

تتعب وبلاك مايقبلوكش خيرمن تبقالك في راسك وتقول كون غير روحت زيد شوف هادوك اللي تعرفهم بالاك عندهم معارف كثر منهم فالgراد

[Noah_23]

صح خويا عندك الحق نشقى و بالاك يتهلاو فيا هاذو المعارف
خير من ما نروحش أو مبعد نندم

و لي كاتبها ربي تصرا

[HAKIM HA]

المشاركة الأصلية كتبت بواسطة noah_23

السلام عليكم

أخي hakim ha هل هذا يعني بلا ما نتعب روحي لأنني أسكن في مدينة عنابة و أنت تعرف أن عنابة - الجزائر العاصمة 600 كلم يعني نشقى في الباطل + تكون في رمضان
أو هناك أمل إذا نجحت السنة الأولى جامعي ؟؟
ساعدوني لأني رايح نهبل من التخمام + لدي بعض المشاكل العائلية لذى فأنا أفعل كل الأسباب لأذهب هذه السنة دون إعادة باكلوريا أخرى

;و شكرا لتعاونكم معي

و عليكم السلام و رحمة الله

دركا راه التسجيل عن طريق الانترنت في الموقع الخاص بالجيش فرع القوات البحرية

راهم يتصلوا بيك من الهاتف الثابت تابع للمدرسة و يخبروك وقتاش تجي يعني النهار

لجنة الانتقاء تزود بالقائمة لي غادي تجي يوميا و كانت تقريبا 200 يوميا لكن مين طان يجوا توصل 60 يوميا

شخصيا مين كنت نشوف الباك كأول شيء نشوف المعدل و منشوفش الشعبة لانه راه عارف لي جاي يدفع ملفه واش هي الشعب المقبولة اي الادبيين غير مقبولين و مين نلقى المعدل مقبول رغم راه موضوح يعني لم اصادف اي مشكلة بخصوص المعدل لكن مين نلقى الباك غير جديد

نطلب منه كشف نقاط السنة الاولى جامعي و يكون ناجح ولا تقبل اي اعذار يعني مزال معطاوناش الكشف ولا مزال مدرناش الامتحان الثاني و لا ولا ولا ولا ولا و اذا غير موجود نقوله روح مع السلامة يا خويا و على فكرة موش لاني منحبش ليه يدفع و انما عارف يدفع و يطمع على الباطل برك برك لذلك كنت نقصر ليه الطريق و منخليهش يحلم في الهوا برك

يا خويا هل تعلم انه كانوا يتقلشوا على لي باك نتاعهم 12

انت تاني راني نحط فيك في الصورة باش تعرف واش راه كاين و متنغرش

[Noah_23]

شكرا لك أخي على النصائح
لكن لدي صديق راح إلى تمنفوست دون أن يعيطولو و بلا ما سجل في الموقع
قبلو عليه الدوسي لكن معدل تاعو كان 14.48/20
هل من الممكن أن يوصيو عليا هاذو المعارف باه يحكمو عليا الدوسي و لا مستحيل؟ + هل هناك أمل باش يقبلوني أو لا ؟؟
على كل الأحوال أنا سأحضر الملف و أذهب عسى أن يقبلوه مني

[Noah_23]

أرجو من جميع الإخوة الذين يملكون معلومات نافعة أن يقدمو نصائحهم و آرائهم حتى تعم الفائدة
و شكرا لكم

[HAKIM HA]

المشاركة الأصلية كتبت بواسطة noah_23

شكرا لك أخي على النصائح

لكن لدي صديق راح إلى تمنفوست دون أن يعيطولو و بلا ما سجل في الموقع
قبلو عليه الدوسي لكن معدل تاعو كان 14.48/20
هل من الممكن أن يوصيو عليا هاذو المعارف باه يحكمو عليا الدوسي و لا مستحيل؟ + هل هناك أمل باش يقبلوني أو لا ؟؟
على كل الأحوال أنا سأحضر الملف و أذهب عسى أن يقبلوه مني

ايه صح كاينة منها يعني لي كان يجي و ميكونش في داك اليوم مسجل في القائمة كنا نكتبوه اسفل القائمة و يفوت عادي مع اللي معاه

بخصوص المعارف انا كنت ضابط احتياطي و كنت نقدر ندخل اي واحد و بالقدر لي نحب لانه بكل بساطة لي كانوا يعمروا النتائج و النقاطي صحابي الظباط الاحتياط مهندسين في الاعلام الآلي يعني نقولهم فلان عطيوه نقاطي مليحة و اكيد يكون من الاوائل و هذا ما فعلته مع بنت من ولايتي حبت تدخل طبعا نصحتها و لانها مصرة و قالت معنديش العرف درت معاها الواجب و دخلت

خلاصة القول ممكن عقيد مينفعكش و ممكن اي واحد قليل في الرتبة ينفعك و المعرفة تصنع طريق في البحر

ربي يوفقك خويا