شحال من مره تفوري الكسكس تاعك

عطر الدنيا · 2013-05-17, 00:29

السلام عليكم
حباباتي حبيت نعرف قدام من مره تفوري الكسكس تاعك وكيفاه تعرفيه راهو صايي وجد

ام اسماعيل2009 · 2013-05-17, 04:31

انا شخصيا نغسل كي يكون تاع الدار و إذا تاع الفبريكة بخيه غير بسوية حتى يتضخم و نخليه نشف مليح و مبعد نفور حتى تشوفينه تنحو هداك التشماخ نحيه وبخيه بالماء و شوية ملح خليه حنان يشرب هداك الماء ودريلو شوية زيت و رجية يفور كي كمل نحيه ودريلو شوية زبدة و دهان رآه وجد الكسكس ارجو انني أفدتك

meryouma28 · 2013-05-17, 07:12

انا نفورو زوج مرات طبع في كل مرة نبخو بالماء وكيتشوفي الحبة زادت اعرفي بلي وجد

موج و صخر · 2013-05-17, 08:23

الكسكس يتفور مرتين
تعرفي الحبة كي ترجع طرية

مملكة لينة · 2013-05-17, 09:09

انا مرتين اومباع اندروا الملح اومباعد نردوا يفور وخلاص يوجد
والماء على حسب ماينتفخ الحبة وتولي طرية

hadjer · 2013-05-17, 09:34

انا بالنسبة للمشري

نديرلو شوي ما و زيت و نخليه حتى تشربها

نفورو مرة و من بعد نشوف البخار خرج من الكسكاس

نجبدو و شمخو خليه مريرة و نعاود فورو

ومن بعد نشمخو بشوي ماء و ملح و الى التفويرة الاخيرة

يعني ثلاثة

بصح كااين اللي مخدووم بالايد يكوون محكوم ياااااسر تجي ليه 4 /5 تفويرات

انتي ذوقي و شوفي اذا كان لين

ام راضية · 2013-05-17, 09:59

اقتباس:

المشاركة الأصلية كتبت بواسطة عطر الدنيا

السلام عليكم
حباباتي حبيت نعرف قدام من مره تفوري الكسكس تاعك وكيفاه تعرفيه راهو صايي وجد

شوفي هنا الطريقة بالتفاصيل والمكاييل الدقيقة
https://www.djelfa.info/vb/showthread.php?t=1113018

maiar · 2013-05-17, 11:57

نغسل الكسكسي و نعصرو بين يديا و نحطو يشيح فالقصعة و نفك الكعابر لي لي يتشكلو و نخليه حتى يشيح و نحطو يفور و كي نزلو و هو سخون بدا نبخ بالماء و نزيد الملح و نبقى نبخ حتى يطراو حبات الكسكس يا اما بين يديك او تدوقي و مبعد نرجو يفور للمرة الثانية و ننزل و نريحو بالزبدة

نزف الحنين · 2013-05-17, 22:05

أنا نبلو مليح بالماء ونحطو يفور 45 دقيقة وبعدها ننزله و نسقيه بالماء وحطو في وعاء كبير ونحلو باليد ونبسسه بالزيت ونحطلوا الملح ونرجعوا يفور مرة أخرى 10 دقائق وخلاص

ساندي 28 · 2013-05-17, 22:41

3 مرات اختي حتى تتنفخ الحبه وتولي طريه

*masaa* · 2013-05-17, 22:49

انا نفورو مرتين

ام مريم اسراء · 2013-05-17, 22:57

انا بصراحة 3 مرات اولا نغسلو و نعصرو و نخليه 3 دقائق و من بعد نحلو بشوية زيت و نجطو في الكيكاس يفور لما يخرج البخار منو فوق الكسكاس نحيه و نرشو بالماء فيه شوية زيت هادا السر الي تعلمتو و لازم المرة الولى مترشيه بزاف يعني ميوليش يقطر خلاص و نلمو مليح نلضو بيدي في شكل جبل و نغطيه لمدة 10 د و نعاود نحلو مليح راح تلاحظي زاد حجمو و يتزربع بيه الماء و الزيت نفورو للمرة الثانية كي يخرج البخار من فوق الطعام نحيه و نرشو مرة ثانية بماء فيه قطرات زيت و في نفس الوقت نذوب الملح بيدي و نرش ملييح يعني نشمخو و متخافيش مادامك مشمختيهش بزاف المرة الاولى مراحش يتحل نلمو في شكل جبل و نلضو مليح هكا باش كل الجبات تتشرب و يتوازن الملح و نخليه المدة الي حبيتيها تعرفي كلما طولتي راح ينشف مليح كتولي رايحة تحطيه فوريه للمرة الثالثة احنا نسموها مرحة التوجاد جووست ميسخن مليح باش نسمقوه بالزبدة او السسمن و الزبدة خير راح يجيك خفيف
سر التفوار الاول انو مترشيش بزاف في الرشة الاولى----- و ال2 انك تحطي قيس بشون نتاع زيت في ماء الرش ---- ثالثا كلما يرتاح راح تتحصلي على نتيجة مليحة ---- و لازم تكثري الماء في الكسكاس باش يفور بالخف و لا قدر الله متنشفش الفدرة
تقبلي تحياتي جربيها و رديلي الخبر

nada leila · 2013-05-22, 22:27

السلام عليكم اخواتي

راني رايحة نعطيكم طريقة جديدة ورايحين تعتمدو عليها وترحمو عليا

هده الطريقة عملنها في عرس بنتي ونبدا بسم الله

ناخد المسفوف الرقيق وندهنوه بالزيت ونعملوه يفور مليح 20د

ونكونو موجدين الماء يغلي كيفور المسفوف نديروه في ماعون يكون كبير شوية علي خاطر يزيد في الحجم نكبو عليه الماء

الغليان حتى نعوم عليه ونخليه يشرب هداك الماء

ومرة مرة نحركوه بالملعقة تاع اللوح من بعد بايدينا

وخليها تنشف وكي تبغي تقدميها فوريها مرة واحدة ودهنينا بالزبدة

وقدميها على طريقتك والله العضيم غير ولاة طريقتي المعتمدة

وليكلاها يقولي وريني الطريقة البنة و الهشاشة

ساهلة ماهلة بلا 3 تاع التبخيرات والله على ما اقول شهيد

دعيوة الخير والشفاء جربوها بكمية قليلة وردو عليا الخبر

متأملة · 2013-05-22, 22:40

حنا نفوروه 3 مرات المرة لولة نحوه ونرشوه بالما ونرجعوه يفور والمرة الزاوجة نحوه ونرشوه بالما ونديرو الملح ونرجعوه يفور ونحوه هكذا يكون وجد الحبة راه يزيد حجمها وتولي طرية نتمنى نكون افدتك

touta2010 · 2013-05-22, 22:44

المعاودة باليد اهم من التفوار انا مسفوف ثلاث وطعام بالمرق مرتين ج