بليز عاونوني ..... ما فهمت والو

[خولة 96]

البسملة1
السلام عليكم
ارجو من لديه الخبرة يعاوني راني ما عرفت واش ندير في هذ الفاكونس العام الجاي ان شاء الله نعقب الباك و ماعرفتش اسكو نقرا في الصيف و لا لالا و الى كل من لديه اي دروس او معلومات افيدونا و جزاكم عند الله شكرا

[chahrazed chocho]

اول حاجة روحي حوسي على روحك و نحي روتين تاع لقرايا و من بعد كي ترتاحي ديري لي كوغ في التخصص تاعك ولازم تحرصي باه العام الجاي كي تدخلي تكون عندك نبدة عن ما ستدرسينه العام الجاي و ربي يوفقك و ينجحك و يسهل عليك كل ما هو صعيب و عليك بالصلاة و الدعاء

[manel 123]

mata3bich ro7ak had lvaconce bessa7 dabri kach kararis wtal3i 3lihom bark

[~°رميصاء°~]

السلام عليكم اختي
ليس عندي مااقوله لك سوى
وفقگ الله وأنار دربگ

[صمت الرجوله]

لا يا اختي لا داعي للدراسة في عطلة الصيف
ماتخافيش و ماتتسرعيش الباك مافيه والوا
الدراسة انشاء الله تبدا عند الدخول المدرسي ,ساعة ونصف او ساعتان يوميا اكثر من كافية للتحضير للباكالوريا
بالتوقيق

[خولة 96]

شكككككرااااااا لكم جميعا

[maroua16.58]

انا ثاني من ولاية الجلفة و ديت الباك عام 2011 ب 16.85 بالنسبة لي الطريقة الي درتها هي اني في الصيف ريحت و ما قريتش بصح معا بداية العام الدراسي نظمت روحي و قريت درس بدرس (لازم ماتخليش الامور تتراكم باش تقراي مرتاحة) بعد نتائج الفصل الاول شوفي روحك وين ناقصة ودير ليتيد فيهم و لا حاولي تلقاي اللي يعاونك فيهم اقراي براحة وبلا قلق برك من بداية العام ديري خطة دراسية و هكذا تقراي مرتاحة و مليح ثاني .........اما عن الدراسة في الصيف انا ما درتهاش بصح انا نفضل الدراسة في الصيف في حالة اذا كنت ناقصة في اللغات ديري ليتيد ولا اقراي شوي لغات ( فرنسية و انجليزية ) ......بخصوص المواد الاخرى اقرايهم معا بداية العام الدراسي و خلاص راه يكفيك العام اذا نظمتي روحك .................. بالتوفيق ختي و ربي ينجحك انشاءالله _

[خولة 96]

اهلين يا مروى شكرا لك

[خولة 96]

ممكن سوال وين تقراي الطب ماشاء الله لوكان برك نجيب الباك بهذ المعدل

[maroua16.58]

هيا تلاميذ ولاية الجلفة يقراو الطب في البليدة و منهم في الجزائر لكن انا نقرا في باتنة ( مدولي طب في البليدة و انا حولت لباتنة ) ........... انشاء الله لعقوبة ليك انشاء الله وا ذا كشما تحتاجي ولا تسقسي على كاش حاجة راني هنا

[lataoui nouradine]

شوفي فلعوطلة جبدي كل المصطلحات نتاع البكلوريا وبدي تحضري وبالتوفيق انشاء الله

[sofienesofienedouaa]

يا أختى لا داعي للدراسة في فصل الصيف بالعكس يجب أن تستغلي وقتك في إزالت تعب السنة المنصرمة وبهذا تكونين قد حضرت للسنة القادمة لأن المعنويات هي التي تلعب الدور الكبير في التحضير وليست كثرة التفكير فيما هوبعيد وإن أردت الدراسة فعليك بالمطالعة في هذه الفترة ولا تنسي كتاب الله فهو المفتاح الأول والأخير

[خولة 96]

شككككككرررررررا لكم و انتظر المزيد او من لديه اي معلومة يبلغنا

[alaa ritadj]

شوفي اختي ياك يقولو سقسي المجرب.. هادي وحدة بنت خالتي ربحت الباك بمعدل 17 الله يبارك و راني رايحة نقولك كيفاش كانت دير: في الفاكونس ريحت راسها بيان و ممبعد كي جات القراية حطت راسها مع القراية و العام تاع الباك جبداته و هي تراجع و تحفظ
مي فالجمعة و السبت كانت تريح مين تكثر مين تكثر كانت تحل 1 موضوع.. وكي قرب الباك ياخي عطاوهم أسبوع راحة..فهاد الاسبوع هي ماراجعت والو ريحت بيان و مشات فوتت الباك ديالها و ربي نجحها كيما قتلك
و نتمناو اخاوتنا كامل النجاح و الله يسهل نشاء الله نكون نفعتك شوية

[خولة 96]

صح نفعتيني ياسر ماشي شوي برك جزاك الله خيرا