ماهو الفرق بين الزعتر والزعيترة

[ام ظافر]

اخواتي ماهو الفرق بين الزعتر والزعيترة واستعمالات كل واحدة من هذه المنكهات

[majda archi]

ياختي زعتر هو الاورغانو او لي زوريغون ويستعمل في صلصة البيتزا وصلصة العكرونة ويضاف فالاخير حيث تضعيه بين كفيك وتحكيه فوق لاصوص يخليه ممممممممممم بنييينة.

اما زعيترة فتغلى وتشرب مثثل تيزان او شاي

[ام ظافر]

المشاركة الأصلية كتبت بواسطة majda archi

ياختي زعتر هو الاورغانو او لي زوريغون ويستعمل في صلصة البيتزا وصلصة العكرونة ويضاف فالاخير حيث تضعيه بين كفيك وتحكيه فوق لاصوص يخليه ممممممممممم بنييينة.

اما زعيترة فتغلى وتشرب مثثل تيزان او شاي

الف شكر ليك اختي ماجدة
انا الزعتر نعرفو ونطيب بيه لاصوص الحمرا خاصة البيتزا وكذلك هو يتشرب مثل التاي مفيد في حالة الالم تاع الدورة
لكن الزعيترة ما نعرفهاش وقالولي تبنن لاصوص خير من الزعتر

[حلم جميل]

انا اللي نعرفو العكس ,الزعتر اللي يتشرب تيزان خاصة في الشتا لخاطر يدفي ومليح للصدر.والزعيترة نديرها في البيتزا و لي صوص روج .هنا ف سطيف مانلقاهاش بزاف و يجيبوهالي من العاصمة ديما كاينة جديدة,انا نيبسها ونخبيها,صورتهالك و محبتش تتحملي.مبعد نعاود.

[zitoukar]

الزعتر مفيد للانفلونزا اماالزعيترة من التوابل

[ليساء11]

الزعتر اللي يتشرب تيزان زعيترة ويستعمل في صلصة البيتزا وصلصة العكرونة

[ام نسمة]

انا ثاني ماكنتش نعرف الزعيترة خلاص كنت حاسبتها الزعتر يدلعوه زعيترةهههه لحد ما مرة اخبرني وحد العجوز يبيع الحشاوش واشتريتها عليه واصبحت استعملها بشكل يومي لاطباقي فهي ذات نكهة رائعة استعملها في عمل صلصات المعجنات وتجي لذيذة جدا مع الدجاج في الفرن مع بطاطا تقريبا كل طبق استعمل فيه دجاج نستعملها حتى هي

[miri_27]

الزعتر ياأختي هو الي يديروه تيزانة و فيه فوائد كثير و هو مدر للبول و الريح حاشاكم اما الزعيترة على حسب علمي يستعمل في الأكل فيه بنة شابة بزاف هذا كل ما اعرف عزيزتي

[hadjira195]

الزعتر اللي يتشرب تيزان زعيترة ويستعمل في صلصة البيتزا وصلصة العكرونة

[أم ياسين الزهراء]

الزعتر يصلح تيزانة ويصلح حتي في البيتزا وهو حار او قاطع طعمتو ويقولو ماشي مليح للحامل يطيح الحمل

والزعيترة تصلح للبيتزا والعجائن ونديرها حتي في عجينة البيتزا

[إلهام07]

حبيبتي الزعتر راهو يشرب تيزان
اما الزعيترة عشبة تستعمل للطهي ، مليحة خاصة مع الأشياء المحمرة في الفرن مثل اللحم او الجاج أو البطاطا
وأيضا مليحة في صلصة الحراء نتاع البيتزا
أنت ماعليك كي تحبي تشريها روحي للي يبيعو لحشاوش ، تلقايها راهم يعرفوها قوليلو برك الزعيترة

[دعاء القلوب]

الزعتر لي نديروه تيزان اما الزعيترة نديروها للطياب تزيد فالبنة سورتو شربة فريك تطلق بنة هايلة انا ماجربتهاش مي اخت زوجي طيب بيها اممممممممممممممم

[المستغفرة]

المشاركة الأصلية كتبت بواسطة hadjira195

الزعتر اللي يتشرب تيزان زعيترة ويستعمل في صلصة البيتزا وصلصة العكرونة

هادا واش حابة نقول

[maloo]

شكـــــــــــــــــــــــــــــرا

[lilyann]

شكرا على المعلومة