سعر كوفرولي كروشي للعرائس

kimarima · 2013-01-10, 19:27

السلام عليكم
كم سعركوفرولي كروشي مع جميع لوازمه علاقات مفاتيح مفارش ...... الخ
و هو لعروسة نخدملها فيهو معرفتش السعر شحال راهم يتخدمو مع العلم انو كبير و كامل بالكروشي
ساعدوني و شكرا جزيلا مسبقا

kimarima · 2013-01-10, 20:39

ارجوا من الاخوات مساعدتي ( راني محتاجة تعاونوني بمعرفتكم)

polyma · 2013-01-10, 20:46

mana3raf lomane 3awantak

kimarima · 2013-01-10, 21:08

معليش شكرا
ان شاء الله نلقى المساعدة

zenouba · 2013-01-10, 21:12

اختى ربى يعاونك فيه لانه صعيبة خدمت اللحاف و لوازمه انا نخدم و خدمت منهم كثير و ننصحك ادا كانت الغرزة ساهلة باش تطلع اطلبى من 500 الف الى 750الف و انا فى الحقيقة يغيضونى كى يجيو يتبكاو نطيح شوية :-)
لكن ادا الخيط المستعمل رقيق زيدى فى السومة لانها الخدمة تكون اصعب و ان شاء الله يعطيك القوة و تخلصيه و ما تنسايش صوريه و حطيه نشوفوه ♥بالتوفيق

sofiane2075 · 2013-01-10, 21:54

اختي راهم يتباعو تاع بياسات برك و قماش ميتيس درا و 2 مخاد و مسند من 950 الف الى مليون و 450الف شفتهم في الحوانت في العاصمة و 500 قليل حتى الخيط راهم زادو فيه اما ادا الخيط من عندها ما نعرف انا نخدم غير للدار الحوايج الكبار شوفي الاخت هديل الحمام بالاك عندها الجواب

amira19 · 2013-01-11, 13:08

هادا هي الفايدة كي نكون وحدة متمكنة من الكروشيه احسن من انها تحط مليون على قلبها تخدمو و تتمتع بيه باقل تكلفة

حلاوة_87 · 2013-01-11, 15:07

اختي مرة خدمت واحد وحسبتلها حق الخيط في 3
كوفرولي و2 وسايد استقاملها ب 800 الف وانتي زيدي شوفي راي لبنات وربي يوفقك

kimarima · 2013-01-11, 20:34

شكرا يا لبنات بارك الله فيكم
انا نخدملها كوفرولي+2 مخايد+نابرون تاع مايدة للصالون فيه 2 متر+6 علاقات مفاتيح+ نابرون تاع الكوافوز + 3 نابرون صغار

والله يتعب ياسر ندمت كي حكمتو و معرفتش شحال نخدمو و نجيب حقي

شكرااااااااااااااااااااااااااااااااااااااااااااااا اااااااا

ان شاء الله يزيدو يفيدوني لبنات

ليلى الجزائرية1 · 2013-01-11, 21:31

الله يعينك عليه اختي

AichaBH · 2013-01-11, 21:43

مساء الخير أختي؛ حبيت انقولك اذا مازال مابديتيش الخدمة تاع لاكوموند ننصحك تقرري السومة تاع الخدمة انتاعهم و تعطيها لمولاتهم قبل ماتبداي؛ ممكن ما تعجبهاش السومة و تتراجع أي اتبطل. أنا ما انحبش انشد الخدمة بزاف للناس اعلاجال السومة؛ معظمهم مايقدروش الوقت و التعب الي اتعبيه في الخدمة؛ عندي لوستي(أخت زوجي) اتشد لكوموند تاع الناس وادير سومة لمخايد ب 400دج؛ نابرو لاكوافيز ب300دج؛ نابرو ريحة ب50دج؛ نابرو طابل دنوي ب200دج؛
و الكفرولي!! عمرها ما تخدمو للناس لاخطرش عارفة تتعب فيه بلا فايدة.
نتمنى انكون قد افدتك ولو بالقليل؛ و ربي يكون معاك ان شاء الله!

جميلة17 · 2013-01-11, 22:42

اختي اظن ان الخدمة اتعب لذا كوفرلي 800 الف مش اقل و نابرون انتاع الصالون2متر اذا كان كلو كروشي مش اقل من 200و لخرين و الله ما نعرف......

جميلة17 · 2013-01-11, 22:44

اتعيشو اللي تخدمو لي كوفرلي ورولنا هاذ الموديلات انشوفوهم

عايدة عربية · 2013-01-12, 11:00

اطلبي السومة الي تحبي لكروشي يتعب بزاف وينقس في الشوف

kimarima · 2013-01-12, 18:26

ميرسي للبنات و الله غير عاونتوني باراكم
ان شاء الله كي نكملو نحوطولكم تشوفه
وصح عندكم الحق يتعب بزاف