الجمارك الجزائرية تحجز كاميرا نيكون قادمة من أمريكا؟؟؟

Mahboub_222 · 2013-06-25, 17:56

السلام عليكم اصدقائي
و الله مني فاهم والوا....اشتريت كاميرا رقمية من نوع nikon complex s3300 ذات جودة عالية 16ميقا بكسل
لكن اليوم اصحاب الدياشال ...عيطولي قالولي الكاميرا تاعك راه عند الدوانا
راني حاب اعرف علاش....هي كاميرا عادية يعني علاش احتجزوها و راهم يعيطولي ..عليها؟؟؟
هل هناك قانون يمنع من دخول الاجهزة الالكترونية ...حاب افهم يا ...
هل يمكن اللي ان استرجعها لاصحاب الخبرة..
هل يحق لنا في الجزائر انا نتصوروا كي البشر في اوروبا و امريكا و لالا...؟؟
مع العلم انها قادمة من الولايات المتحدة...الى المانيا ثم اسبانيا...الى بلادي التعيسة...
تبا و الف تبا ...نحن مش تاع التجارة الالكترونية ابدا...
الدول تتقدم و احنا نرجع للوراء...

FaroukDzz · 2013-06-25, 18:08

علابالــي عجبتهم داوهــا أخــي خخخخخ إن شاء الله يبعثوهالك هي الضريبة فيها فيها

Mahboub_222 · 2013-06-25, 18:22

ضريبة شو...............؟؟؟؟؟؟؟؟؟؟؟؟؟؟؟؟؟؟؟ تبا...

FaroukDzz · 2013-06-25, 18:26

ضريبــة على الكاميــرا تاعك ما باهــا حكموهــا فيها الضريبة والله أعلم شوف شحــال هذيك الضربة الموجعــة أخـي ربي يجيــب الخير

معلم توربو · 2013-06-25, 18:40

لاحول ولا قوة الابالله
والله اخبار كيما هذو يفشلو خلاص
رانا حابين نعيشو يايها الجمارك خلونا ترنكيل
شعب مفروض عليه حصار
كل مرة يمنعو حاجة نيرجعونا كيما كوبا ....!!!

Mahboub_222 · 2013-06-25, 19:08

حصار اقتصادي يعني ؟؟؟؟؟؟

الاخ الكريم · 2013-06-25, 20:00

راهم يحوسو على التشيبة

azizo18 · 2013-06-25, 20:16

سلام عليكم يا اخي عيطلهم و استفسر و متطلقهم لانه لا يوجد قانون يمنع دخول الكاميرات الرقمية لانها كامير تاع التصوية و ليس تاع التجسس انا نقولك اجري علي روحك و تجيب حقك انشاء الله لانه لا يوجد اي قانون يمنع دخول الكاميرات

chekroud43 · 2013-06-25, 20:44

يا حبيبي
الصباح وأنا نخمم باه نشري كاميرا nikon professionel
لكن الكاميرا غير ممنوعة أنا اشتريت عدة أشياء ومن بينها ساعة تجسس وفيها كاميرا لكن لم يتم احتجازها
على كل حال اتصل بهم واستفسر عن الأمر

the-green · 2013-06-25, 21:11

كارثة هاد البلاد. ربي يكون معاك.

الحجيلية · 2013-06-25, 21:44

انا ثاني شريت كاميرا 16ميقا بكسل تم شحنها اليوم
وربي يجيب الخير
يحجزوها رايح ليهم وربي كبير

Mahboub_222 · 2013-06-25, 22:57

اخوتي انا نسكن بعيد...على جال كاميرا...نحكم 700كلم بزاف علي....الله الا تربحهم ...و الا ما فيهاش قانون يمنع دخول الكاميرات و الله غير ...نبهدلهم ...بلاد مكي...

Zahira sp · 2013-06-26, 09:32

بففف والله ماهي بلاد هاذي
نورمالمو يبعثلولك تخلص عليها باش يعطوهالك .. والى ما بعثولكش يعني داوهاا

أحبك ربّي · 2013-06-26, 09:46

أنا شريت هاتف أندرويد رائع وتابلات نكسس 7 وحكموهملي عندهم علما أنا الشحن كان فيديكس وروحت ليهم لواد السمار وبعد معاناة كبيرة أرجو لي الهاتف وأخذت الطابلات
يعني رايحين يجمركوهم ويسرقو الدراهم لي رايح تعطيهالهم بلاد حرايمية

Mahboub_222 · 2013-06-26, 20:22

اريد ان استفسر عن مكان الجمارك ..يعني عنوانهم الله يجزيكم بالخير...في العاصمة بالظبط..؟؟