راني جديدة معاكم شوفولي حل الله يخليكم

محبة الكتاب · 2013-06-03, 21:41

السلام عليكم كيف حالكم راني سجلت جديدة معاكم بعدما كنت نقرا من بعيد في الوصفات المهم مشكلتي راهو مع الشخشوخة مانعرفش نعمل الفطير يعني الاوراق اللي نعملو بيها الشخشوخة ماتجينيش مدورة دايما تتقطعلي الله يخليكم ماتقدروش تعملولي فيديو نشوف بيه كيفاش من العجين لغاية ماتترمى على النار وتبقى مدورة

silindz · 2013-06-03, 22:16

مرحبا بك اختي نشاءالله تستفادي وتفيدي المنتدى روحي اليوتيوب ضرك تلقاي وتعرفي تشكلي العجين نتاعك دائري

محبة الكتاب · 2013-06-03, 22:19

اهلا بيك حبيتبي اعطيني الله يبارك فيك عنوان انحطو في اليوتوب راهو قريب ينطق وايقولي روحي اخطيني من كثرة ماحوست فيه

zahra30 · 2013-06-03, 22:26

https://www.youtube.com/watch?v=ByyVUwRqQos شوفي هذا

محبة الكتاب · 2013-06-03, 22:57

الله يباركلك بالصح راهو ماهومش امبينين كيفاش عملوها بالخطوات

sihem nrdn · 2013-06-03, 23:26

هذه وصفة العضوة أم إياد أحمد أمين بجميع الخطوات لكن فيديو لا أعلم و بالتوفيق... ان شاء الله تستفيدي

https://www.djelfa.info/vb/showthread.php?t=1300546

silindz · 2013-06-03, 23:29

اكتبي الرقاق الجزائري ضرك يخرجلك الفيديو انا لقيتو بصح منعرفش نحملوا اكتبي وش قتلك يخرجلك هو لول

محبة الكتاب · 2013-06-04, 09:41

الله يباركلكم الكل بالصح انا راهو يتقطعلي وانا مازلت نحل فيه في الزيت راني تعقدت وينكم ياالفحلات عاونوني

محبة الكتاب · 2013-06-04, 13:55

يعني ماتقولوش هالمغبونة الجديدة اللي طاحت على روسنا خلي نسكتوها ونعطوها الطريقة هاتوها راني نجيكم دار دار وزنقة زنقة

ام طهى · 2013-06-04, 14:07

شوفي اختي تتقطعلك بالك ماكيش عجنتها مليح
لازمك تعجني حتى تولي العجينة رطبة ومبعد تقرصيها و غطيها باطوالسيري وتريحيها لانك وين تريحها تصلح اكثر تتمدد بلا ما تقطع هذا هو السر
انا كيما نجي نطيب شخشوخة نبلها في الليل و نعجنها ونخليها تبات جلربيها وادعيلي
اما طريقة تجيك مدورة بالممارسة وانتي وشطارتك عاوديها حتى تتعلمي اديريها مدورة
راني قتلك على السر تعلمتها من صديقة بسكرية هوما اللي مشهورين بالشخشوخة البسكرية

محبة الكتاب · 2013-06-04, 17:09

انجرب نخليها ترتاح كيما قلتيلي بالصح شوفي هي ياخي فيها زيت كينجرب نهزها تكون مرخية ياخي حتى تتدور في الطابلة كيهزها شكلها ايكون خريطة بلاد ما نعرفهاش

sarra95 · 2013-06-04, 17:50

ربي يعاونك اختي اني نعاني كيفك
ماما تقلي اكي تتعلمي مزاتي صغيرة
نحكيلك مرة قعدا نعاون في ماما و خويا شفني كيفاه تتقطعلي ولا يضحك عليا و يقلي يا اختي عندك وحد ليدين يقطعو كلش كون تقيسي المطلوع اتقطعيه خلي يا لفطير

محبة الكتاب · 2013-06-04, 18:01

الله ايسلمك عزيزتي هههه حتى الرجالة غير ايعلقو اعلينا ان شاء الله في منتدانا الغالي الفحلات مايخلوناش بالصح حتى لو نبقى نجرب فيه متصورة مادا فيه الزيت اول مانهزو اكيد باش تتشكل خرائط ومايبقاش دائري شفتو النظرية انتاعي الظاهر عندهم الحق الرجال يضحكوووووووووووووا