نصيحة لاتخاذ قرار

[مشكلتي]

السلام عليكم و رحمة الله و بركاته
في البداية اعلم انني مخطئة و لقد عدت الى الله و تبت و لكن اريد منكم رايكم بكل جراة
انا فتاة ابلغ من العمر 25 سنة استاذة و الحمد لله تقدم لخطبتي ابن عمتي منذ 3سنوات
كيما نقولوا ادا الكلمة و بدات علاقتي به منذ تلك الكلمة حيث هو يتيم الاب و الام و اخوه هو من اتصل بوالدي بالهاتف مع العلم ان مواصفاته ليست قياسية يعني لا يصلي و لطالما دعوت ربي ان يرزقني بزوج متدين
و فيه صفة الكذب بسبب و دون سبب و دائما اكشف كذبه و لا يبالي المهم بعد هذه المدة اتكلم معه و اقول لماذا لا نكمل اجراءات الخطوبة و هو كل مرة يماطل و يمالطل و الاعذار كلاتي : اصبري يجي خويا من الخدمة ,. اصبري نخدم ننستالي مليح , اصبري نسبغ ..............و كلام من هذا القيبل و لكن هذا الاسبوع قررت ان انفصل عنه بعد ان استخرت الله و وجدت انني مرتاحة و لكنت الشيطان يوسوس لي انني ظلمته و لماذا لم اصبر و احيانا ارى بانني استحق الافضل فما رايكم

[محبة عبد الرحمان]

يا اختي كيف تريدين الزواج من رجل لا يصلي و يكذب فوق هذا نصيحة مني فكري ملييييييييييح قبل ما تتزوجي بيه و استخيري الله فهو العالم

[hansali_33]

حرام عليك 3 سنوات و أنت معه توالفك و توالفته و إستطعت أن تمحي ذكريات و علاقة حب 3 سنوات بكل هذه البساطة المرأة لتحب راجل هي لتغيره إلى الأحسن على الأقل إعطه فرصة لكي يصلح نفسه هذا الراجل دنيا ظلمته بموت والديه وأنت كملت عليه

[nouna l maghbouna]

المشاركة الأصلية كتبت بواسطة hansali_33

حرام عليك 3 سنوات و أنت معه توالفك و توالفته و إستطعت أن تمحي ذكريات و علاقة حب 3 سنوات بكل هذه البساطة المرأة لتحب راجل هي لتغيره إلى الأحسن على الأقل إعطه فرصة لكي يصلح نفسه هذا الراجل دنيا ظلمته بموت والديه وأنت كملت عليه

معك حق يا اخي لكن راهو راجل و الراجل معروف بكلمتوا علاه بنات الناس لعبة???
3 سنوات مكفاتوش يبني المستقبل تاعو ???
راهي 25 سنة تقعد تستنى في واحد مزال يتمسخر و مادار والوا ??
و راهي تقول (بعد ان استخرت الله و وجدت انني مرتاحة)
يعني ماكانتش مرتاحة معاه
من الافضل تخطيه و تشوف حياتها
وفقك الله اختي

[sali-sali]

السلام عليك
انتي احكي معاه اخر مرة وفهميه مليح
قوله السلبيات لي فيه...و 3 سنين علاش ماتصلحش

ربي يهديه

[TOKYO]

حسب راي ادا كنت انت رزينة و تشوفي روحك تقدري تعاونيه و تساعديه للبدء صلاته و قراءة القران وووو وعلاه ما تعطيهش فرصة
علاه ما تكسبيش اجر و ثواب و ربي قادر يهديه مكاش لي ما غلطش كاين لي مثلك و زوجتهم هيا من وقفت معاهم و عاونتهم
ربما ما لقاوش ظروف او محيط كل واحد كيفاه تربي و كبر
ضرك الكل واحد و عقليته و قرار الاول و الاخير ليك و نطلبو له ربي يهديه و يهدينا كامل و بالتوفيق

[سراب06]

انت الان انفصلت عنه وانتهى الامر لاكن في حالة ما اذا
عاد لطلب يدك من اهلك اشترطوا عليه الصلاة وان لا يمسكوا عليه كذبة وان يسرع في اجراآت الزواج
واذا كتب رب وكنت من نصيبه قفي بجانبه وحثيه على الصلاة لانها تنهى عن الفحشاء والمنكر .
والان لا تؤنبي نفسك فاحسن ما صنعت رب معاك

[haytoo82]

ربي يهديه ويدلك للراي الصواب شخص لا يصلي صعيبة شوي لكن هو من النوع الي يقتنع وسهل التعامل معاه ولا والو يعني المعدن اذا كان مليح ربما تكون الهداية على يديك ولما لا بصح نقلك حاجة اذا شفتيه يسعى باه يوفر مال العرسى ويوجد وفارح بيك حاجة واذا كان ماعلابالوش من ضرك تتفرقو احسن وهذه ننصح فيك عن تجربة

[Napia]

المشاركة الأصلية كتبت بواسطة محبة عبد الرحمان

يا اختي كيف تريدين الزواج من رجل لا يصلي و يكذب فوق هذا نصيحة مني فكري ملييييييييييح قبل ما تتزوجي بيه و استخيري الله فهو العالم

[doba]

ربي يسهلك أختي

[طائرة الشرق]

كم صعب هو قرار الزواج و اختيار الشخص هو الأصعب

[sarah1424]

MAYSALICH?????ana hada charti lawal wallah rajel yssali stt f masjid hada manetmanna
wzeda yekdeb
rabbi yehdih choufi wech ykharjek

[om chiraz]

السلام عليكم جميعا
شوفي اختي من قناعتي انا ندي واحد ميصليش و منديهش يكدب
قناعتي الشخصية ميصليش غدوة من غدوة يولي يصلي خلاصت هاد المشكلة
بينصح يكدب يقعد يكدب حتى يولي شيخ مراناش نشوفو فيهم كبار و كدابين و القصص في هذا المنوال كثيرة
عندي بنت خالتي داتو من الملاهي ميخرجش ولا المساجد ميخرجش علا هدا قتلك قناعتي
و ديجا استادة و مثقفة بلا منعرف الميزات لوخرين لفيك و يزيد يروطاردي
اسمحيلي تستهلي ماخير و لا ماجاش لخير تندبي عليهم بيهم ولا بيهم عايشة عايشة الور اشرطي و زيدي و ربي معاك ياك ماشي حرام ههه

[المنديل الابيض]

اختي انسان لا يصلي لا خير فيه الا اذا كان من اصل مليح لان كل انسان يرجع لاصله
حذريه اولا ان لم تجدي اية استجابة فالانفصال افضل كما ان علاقتكم غير شرعية (علاه تبداي حياتك بالحرام)
و الكذب هي اسوأ صفة في الانسان كيفاه راح ديري فيه الثقة
راجل يكذب !!!! عيب كبير كيفاه راح يكون قدوة لاولادو
ربي يريح بالك و ينور طريقك

[abdelmalekmhdf]

المشاركة الأصلية كتبت بواسطة مشكلتي

السلام عليكم و رحمة الله و بركاته
في البداية اعلم انني مخطئة و لقد عدت الى الله و تبت و لكن اريد منكم رايكم بكل جراة
انا فتاة ابلغ من العمر 25 سنة استاذة و الحمد لله تقدم لخطبتي ابن عمتي منذ 3سنوات
كيما نقولوا ادا الكلمة و بدات علاقتي به منذ تلك الكلمة حيث هو يتيم الاب و الام و اخوه هو من اتصل بوالدي بالهاتف مع العلم ان مواصفاته ليست قياسية يعني لا يصلي و لطالما دعوت ربي ان يرزقني بزوج متدين
و فيه صفة الكذب بسبب و دون سبب و دائما اكشف كذبه و لا يبالي المهم بعد هذه المدة اتكلم معه و اقول لماذا لا نكمل اجراءات الخطوبة و هو كل مرة يماطل و يمالطل و الاعذار كلاتي : اصبري يجي خويا من الخدمة ,. اصبري نخدم ننستالي مليح , اصبري نسبغ ..............و كلام من هذا القيبل و لكن هذا الاسبوع قررت ان انفصل عنه بعد ان استخرت الله و وجدت انني مرتاحة و لكنت الشيطان يوسوس لي انني ظلمته و لماذا لم اصبر و احيانا ارى بانني استحق الافضل فما رايكم

يا اختي كيف تتمسكين بالسراب انت تضيعين حياتك بالارتباط بكذا رجال. صدقيني انذل صفة يمكن ان تلتصق بالرجل هي الكذب انا اعرف الرجل اذا نوى فتاة للحلال فلا يماطل و يدعها بين بين. انت الان معلقة ربما يريد احد ان يتقدم اليك لكن اذا سمع بانك تقريبا مخطوبة فانه يتراجع يعني بهذا ستبقين اسيرة قراره.
بما انك صليت الاستخارة فتاكدي ان اي قرار تتخذينه هو الصواب ان شاء الله
ربي يسهلك اختي