زوجي مادي

خديجة 1010 · 2013-05-09, 12:43

لسلام عليكم ورحمة اللعه وبركاته
حباباتي راني نكتب ودمعتي على خدي زوجي مادي بزاف تصورو خاتم الزواج شريناه نص بنص و حوايج الفاليزة شريتهم ب 5 ملاين من عندي قالي نرجعهملك ماضفت والو نهار الفاتحة فالي يخصوني دراهم اعطيتلو نص تع الشرط على اساس مور الفاتحة يرجعهم ما شفت والو نهار مشرالي حاجة ولا تفكرتي بهدية كي نقولو يقولي معنديش كي تقرج نشريلك ونديرلك وراني خايفة كي نكمل الخدمة يولي يطمع في شهريتي ولا ينيحهالي عللا هاد الشيئ فررت انو نحبس الخدمة وهو يدبر راسو مين يصرف عليا هادا واجب عليه
ادعولي ربي يفرج كربتي

nabila3883 · 2013-05-09, 12:59

ربي يفرج عليك اختي ....الدنيا هادي مرة عليا و مرة عليك اذا كان الثقل على ظهر واح تكون صعيبة
اختي اذا كنت متاكدة بلي راه محتاج صح و الخدمة قيس قيس هاذي دنيا صعيبة و لازم تتعاونو
و اذا اختي شفتي بلي راه غير يطمع فيك هاذي عادة ولازم تفهميك بالعقل ........و توني صريحة معاه
لانو الصراحة تفتح ابواب السعادة ....
و لي فيه الخير يجيبو ربي انشاءالله

أم لجيـن · 2013-05-09, 14:58

ربي يفرج عليك واحسن قرار اتخذتيه انك تتوقفي عن العمل لانو يشوف فيك

الرڨيڨ · 2013-05-09, 15:06

يا اختي صحيح ان الدنيا صعبة و التكاليف كثيرة لكن الدين لم يكلف المراة بالنفقة ابدا هذا ما تاتي به المساواة بين الرجل و المراة
فللمراة واجباتها كرعاية الزوج و الاولاد ...الخ و للرجل واجبات كالنفقة و ....الخ
ليست ملزمة ابدا بالنفقة و لا العمل حتى لو كان زوجها محتاجا و في نظري هذا انسان غير مسؤول و طماع و ستتعذبين معه بعد الزواج اقول لك عن واقع

ربي يفرج وصلي استخارة و ادعي الله عزوجل

sali-sali · 2013-05-09, 17:38

ربي يفرج عليك اختي

lalib40 · 2013-05-09, 18:40

من اجل من تعملين

kaderkader1541 · 2013-05-10, 00:15

مرارا و تكرارا
قلناها
مراة عاملة زواجها
من رجل
طماع
لا يغار

lamin1700 · 2013-05-10, 00:31

ربي يفرج عليك اختي
القرار ليك يخصكي انتي
ماتسرعيش اوزنيها مليح مليح
وشكرا

موج و صخر · 2013-05-10, 10:27

ربي يفرج عليك اختي
تخافي لو كان تحبسي ، ينتقم منك و يزيد يخليك في حالة....
إذا حبيتي : اعملي سنة بدون مرتب ، و قولي بطلت الخدمة و شوفي ما هي النتائج

بين الحقيقة و السراب · 2013-05-11, 12:55

اقتباس:

المشاركة الأصلية كتبت بواسطة خديجة 1010

زوجي مادي بزاف تصورو خاتم الزواج شريناه نص بنص و حوايج الفاليزة شريتهم ب 5 ملاين من عندي قالي نرجعهملك ماضفت والو نهار الفاتحة فالي يخصوني دراهم اعطيتلو نص تع الشرط على اساس مور الفاتحة يرجعهم ما شفت والو نهار مشرالي حاجة ولا تفكرتي بهدية كي نقولو يقولي معنديش كي تقرج نشريلك ونديرلك وراني خايفة كي نكمل الخدمة يولي يطمع في شهريتي ولا ينيحهالي عللا هاد الشيئ فررت انو نحبس الخدمة وهو يدبر راسو مين يصرف عليا هادا واجب عليه
ادعولي ربي يفرج كربتي

!

لذا يُستحسن أن يتّفق ولي أمر الفتاة مع الخطيب أو أهله ..
المشكلة ليست في كونه لا يستطيع تلبية تلك الحاجيات بقدر ما هي في تقديم الوعود ثمّ إخلافها !
يا إمّا عنده و يستطيع أو لا .. و انتهى !!

- ما غلطوش لي قالو الطّمع يفسّد الطّبع .. أفٍّ من النهار اللّول داخلين على نية ناقصة !! -

وفّقك الله لكلّ خير