قراتان الكوووووووووووورجات

[nadia75]

السلام عليكم
حبيت نشاركم بهذه الوصفة لان الاغلبية ما يحبوش الكورجات وانا كنت واحدة منهم لكن مع هذه الوصفة الكل سيحب الكورجات
1* نقطع الكورجات شرائح رقيقة طوليا و نقليها

2* نحضر الحشو : بصلة صغيرة مقطعة رقيق + الزيت فوق النار حتى تذبل +لحم مرحي +فلفل وملح +معنوس حتى ينضج اللحم

3* نحضر البيشاميل + جبن شاف

نأخذ مول ندهن بالزبدة ونرش فليلا من شابلور ونضع طبقة من الكورجات ,فوقها قليل من البيشاميل

ثم طبقة اللحم وقليل من البيشاميل

نضع طبقة اخرى من الكورجات

وفي الاخير البيشاميل ونرش قليل من الشابلور

وندخلها الفرن حوالي 20 د ثم نحمرها من الفوق

اتمنى الوصفة تعجبكم وتجربوها لانها خفيفة وبنينة
تحياتي