مشكلة ابنة خالتي

[مشكلتي]

مرحبا جميعا في الحقيقة المشكلة ليست مشكلتي بل مشكلة ابنة خالتي المهم في هذا سأبدأ القصة.


ابنة خالتي فتاة مأدبة، جميلة جدا و ممتازة في الدراسة وعمرها 13 سنة المشكلة أنه عندها (شعر زائد )في جسمها (في ذراعيها ورجليها وحتى في وجهها (عندها موستاش وتبان بزاف) ).............. . وهي تدمرت نفسيا وعادت معندهاش ثقة في نفسها وصلت بيها الحالة حتى عادت كي يوصل وقت افريل و ماي يعني السخانة ودومي منش تلبس بليمنش في السبور ومتصيفش توسوست مسكينة و أمها محبتش تنزعولها لانها سمعتها تهدر مع ختها وقالتها سمعت في الاذاعة بلي ماشي مليح تنحي الشعر ونتي صغيرة واختها قالتلها بلي راهو يبان وكذا .....


مالقات مادير ، وزيد الوحيدة اللي تقدر تهدر معاها هي أنا تقلي اسرارها قاع وانايا ما نلقى واش ندير .


..................


ونتمنى تساعدوني باش نعاونها وشكرا.

[manita]

الحل دير الحجاب 13 سنة اختي هداك هو وربي يزيد يعاونها

[~أمة الله~]

السلام عليكم ورحمةُ الله وبركاته
خيرا إن شاء الله ، أظن الأولى والله أعلم زيارة طيبية لترى إذا كان هناك خلل في الهرمونات أو شيء من هذا القبيل، فلعلها تصف لها العلاج.
ومن ثمّ ، إذا وصلت الفتاة لسن التكليف فالواجب عليها التحجب لا أنها "تصيّف ".
وأيضا ، لو تعززون ثقتها في نفسها وأنها ليست بالمشكلة بل ربما الكثيرات تعانين منها ، وفي هذا العصر الحمد لله كل الوسائل متوفرة لعلاج مثل هذه المشاكل ، المهم لا تزيدوا عليها بكثرة التلميح وامدحوا ماهو جميل فيها ، والله أعلم.

[imane-2020]

اختي كيما قالو لبنات تدير حجاب خاصة اذا كانت بصحتها
كاين وحدة كانت تخدم معايا عندها نفس المشكل الشعر فيها تقول راجل في الذقن وفي الصدر المهم راحت للطبيب قالها عندك هرمونات الذكورة بزايد انصحيها تروح للطبيب وتداوي وربي يجيب الخير ان شاء الله

[mitrochka]

لديها مشكل هرمونات و الله أعلم
قوليلها تزور طبيب

[أم عبد الرحيم2]

فعلا اراه رأي سديد تلبس الحجاب و تؤجر عليه بنية مرضاة الله لا اخفاء الشعر

[الأستاذ *قداري*]

عليها بزيارة طبيب .

[imene12]

1/ تدير الحجاب و تستر روحها .
2/ تروح للطبيب لأنو يمكن يككون مشكل هرمونات
3/ تحاول تقنع والداتها باش تسمحلها تنزع الشعر اللي فوق الشفاه و الباقي راح يتغطى بالحجاب.

[sstolga]

دير الحجاب وتستر روحها ماهيش صغيرة

[سوسو الطموحة]

الحجاب لازم ولابد بالشعر الزائد او لا لكن عليها ان تذهب للطبيب لانه اذا زادت تاخرت رايحة تزيد توسوس ويعقدها كثر وتولي مشكلة نفسية

[ام الورود]

ابنة خالي عندها نفس المشكل اعتمدت على زوج حلول الاول انها تعلمت تصنع الرجينه نتاع الشب تنحي بيها الشعر اللي يظهر قدام الناس اويحرجها والثاني انها بدات تعالج عند طبيب لانو هاد الشعر زياده فالهرمونات الذكريه
اذا كان ايهمك نعلمك طريقه الرجينه مليحه

[doba]

البنات أعطوها الحل

[منهاج]

السلام عليكم

حتى ولو دير الحجاب يبقى الموستاش يبان والناس ما ترحمش ويبقو يقولولها راجل ختي قوللها تقلع الشعر بلاكرام" فيت" منوعة بلاسير كاين "ميم "

تتباع منوعة شرائح وشمع مليحة وهي تختار لي يعجبها

[الفاتحة]

دير الحجاب وتستر روحها ، أما عن المشكلة فتتعايش معها حتى تكبر قليلا والله الموفق

[arbkhay]

ماهيش صغيرة باش امها متسمحلهاش تنحيهاااااا تخلي ناس يضحكو عليهااااا واشي هادا

ادا منحاتوش اليوم تنحيه غدواء ؟؟؟؟؟