تحضير الجبن في البيت

ام سوهيل · 2016-01-21, 21:07

السلام عليكم لبنات وش راكم

اليوم جبتلكم طريقة تحضير الجبن في البيت

كانت سالت اخت عليه مشفيتش على اسمها ان شاء الله تسمحلي ووعدتها بلي نطبقه ونصورلها المراحل

نبدو على بركة الله

نخدو لتر او اتنان تع لبن او رايب او حتى الحليب كيى يفسد نغلوه حتى تنفصل كتل الحليب عن الماء نحطو كسكاس او صفاية ونحطو فيها قطعة تاع قماش تكون نضيفة ونفرغو الرايب الي غليناه ونخلوه يقطر ومن بعد نلموه يولي كموصة نعلقوها في الحنفية ونخلوها تقطر مليح ونعسروها والافضل من خلوهاش حتى تبرد باش ميسعبش علينا فتح الحوبيبات من بعد

ونخدو كسرونة نحطو فيها مغرف دهان وشوية ملح عينك ميزانك وشوية بيكربونات ونخلوها دوب ومن بعد نفرغو عليها كتل الحليب الي تحسلنا عليهم ونضربو بي الخلاط الكهربائى ونضيفو قطع من الجبن الي نشروه قد ماكترنا قد مايجي مليح وخلطي جيد بي الخلاط ومن بعد نحيه من على النار وضيفي حبة بيض ووصلي الخفق حتى يتجانس الخليط فرغيه في علب او اي حاجة ودخليها للتلاجة ورح تتحصلي على جبن هايل تستعمليه في وش حبيتي حتى فى المجة للاطفال

ملاحضة

الي معندهاش قابس الكهرباء قريب للفرن كما انا عادي تنحي من النار وتخلط

والان نخليكم مع الصور توضح اكثر

وهنا بع الخفق تحصلت على هادي النتيجة مصورتش مرحلت الخفق لاني كنت لازم نستعمل يديا في زوج هههههههههههههه