نصائح للمقبلين على الخدمة العسكرية

[TAREKCH34]

ا

السلام عليكم ورحمة الله
إلى كل من اجتاز الخدمة العسكرية
أفيدونا بنصائحكم كيف تسير الأمور في الثكنات

[* عبد الجليل *]

انا ثاني راني نستنا نشوفوا ونسمعوا حكاية المجربين ربي يكون معانا كامل

[mouh 05]

قليل لي فوت الهملة الوطنية و شكرها يا اخي مجرد مضيعة للوقت 18 بزاف من العمر تروح هكذاك

[TAREKCH34]

هام بداو الردود هيا خاوتي فيدونا

[belgacem-213]

إحذروا من الترونزيت راهوا تمرميدة كبيرة إحدذروا الله لا تربحهم في الدول الأوروبية الخدمة الوطنية شهر ونحنا 18 شهر رايحة باطل من حياتنا الله لا تربحهم.
آذا كامل جراير تيقنتورين عرفتها رايحة تحصل في روسنا نحنا .الله لا تربحك يا بلعور هههههههه
هم يضحك وهم يبكي.

[جمال الدين]

أول شئ انصحك بأن تتجنب الإلتحاق بالترونزيت إستقل حافلة مهترئة أو إذهب واقفا في الحافلة ولاتركب الطائرة العسكرية

في الثكنة إعلم بأن الملابس المدنية لاوجود لها داخل الثكنة طيلة فترة التربص إلا الألبسة التي تلبس تحت البذلة العسكرية فبعض الثكنات تسمح بها و آخرى لاتسمح بها
ـ الهاتف النقال ممنوع طيلة فترة التربص و إن وجد ندك فإعلم بأنك ستقوم بكسره و أنت تضحك تحت أقدام رجلك و بحضور فصيلتك
ـ لاتسلم هاتفك النقال إلى المكلف بجمع الأشياء المدنية و إحتفظ به عندك و حاول أن تصنع له مكانا في السترة الداخلية كي لايقبض عندك
ـ لاتكثر من مخالطة العسكر
ـ الصديق يجب أن تجربه مثلا أطلق إشاعة عن طريقه و إنتظر أن تسمعها من الآخرين كأن تقول له بأنك سمعت قائد الثكنة يتحدث عن أنه سيتم تسريحنا هذا الأسبوع يوم كذا وماشابه ذلك من الإشاعات أو أن تخبره بأن لك هاتف نقال تخبئه مثلا في المرحاض أو ماشابه ذلك و إنتظر حالة حصول التفتيش فستعرف بأنه موطار كما يقال بالثكنة
ـ النقود خذ على حسب حاجتك لأنه لايمكن لك صرفها إلى في نادي الثكنة الخروج إلى خارج الثكنة أمر مقضي فيه لمدة 3 أشهر على الأقل

و ربي يكون معاك إن شاء الله

[okbafrance7]

يا اخي بداية رايحين يفوتوكم على الطبيب ...وهادي مرحلة خرطي في خرطي لانو مول المعرفة يمنع و لوكان صحيح و الزوالي يقبلوه ولوكان مريض..ممبعد مايكمل العدد رايحين يلبسوكم .....ممبعد يبدا التدريب مدة 45 يوم النهوض على 4.30 رياضة ثم فطور ثم التدريب الاساسي العسكري ...المهم فيها شوية معاناة وجوع والم....ممبعد ال45 يوم تبدا الدراسة مع استمرار التدريب خاصة لدفعة مارس لتزامنها مع تخرج الدفعات للمتعاقدين في نهاية جوان.وهكدا حتى نهاية قترة التربص مدة ستة اشهر.

ملاحظات
-ادي معاك المصروف تحتاجوا خاصة المدخنين لانه منحة التربص تقبض بعد 3 اشهر من الالتحاق.
-راح يشبع فيك الكرفي بصح توالف والكرفي هو كل انواع التنظيف من رفع الاوساخ غسل الاطباق و الكنس و المسح بجميع انواعه.
-ماراحش تخرج برميسو اي عطلة الا بعد 100 يوم.
-ادي معاك كل متطلبات النظافة صابون ...اخ
والمهم انه يفوتوا الايام في رمشة عين و بالتوفيق انشاء الله.

[WALID20141]

يا جماعة هل نوع التدريبات صعب ارجوا دكر البعض منها

[* عبد الجليل *]

واه خويا في ميزك صعبة وشاقة الله يسلكنا كامل من هاد المحنة

[hichemhad]

شا راه جاينا !!!!!

[* عبد الجليل *]

الله يستر برك من اللي جاي الله يجيرنا

[جندع]

التدريب ماهوش صعيب المشكلة في الواحد كان يمارس الرياضة ساعة على ساعة في السيفيل مي كي تروح لتم تفرض عليك رياضة يومية وجريان وبرنامج ماكنش موالف ديرو راح تتعب في البداية 45 الاولى مي مبعد يبدى ينقص الضغط تدريجيا


بعد ما تعديو على الطبيب وتكونو مقبولين يعني راك apt و يمدولكم زوج زور و مغرف وطاس تاع حديد هههههههههه ويمدولكم اللباس العسكري الكومبات زوج اطلب لطاي تاعك وكان مدوهالك كبيرة بدلها وريكلامي على خاطر كي يلقاو واحد يحكم برك يحتموهالو كبيرة كي تلبسها ههههههههه يشبعوعليك ضحك و الرونجاص جيب لابوانتير تاعك متجيبش قل ولا مزير شوية او يهلكك في رجليك

يقسموكم الى فصائل 1-2-3-4-5 ........الخ

يعينو كل فصيلة قائد تعها كل سمانة يتبدل

ومجموع الفصائل يسميوه كتيبة ولا سرية يعينولو قائد الكتيبة هو لي يعطيهم الشعار ويقودهم في عملية الجري والسير ويعطيهك الشعارات وهوما يرجعو عليه

مبعد يعلموكم كيفاه تلبسو الكومبا والرونجاص الهيئة يعني و تتعلمو الاستعداد ةالاستراحة والتحية العسكرية والجرية تاع العسكر (السرعا) هههههه تغلب راح طيبو في البداية السرعا مع شعار الصعقة هههههههههه والاستعداد يكرهوكم بيه يخليك في وضعية استعداد لازم ماتتحركش مي انتوما لا زم تعرفو كيفاه تتحركو في الوقت المناسب باه ميشوفوكمش ويطبق عليك عقوبة من العقوبات المعروفة في العسكر كاين ايامات كحلة تكره النهار لي رحت فيه للعسكر

[جندع]

ال 45 يوم او التدريب القاعدي الغرض منو هو باه تتعسكر تتعلم العسكريات ويشوفو قدرة التحمل عندك

[momoenssea]

واش راه يستنا فيكم بصح يجوزوها الرجاااااااااااااااااااااااااااااااااال

[WALID20141]

يا خوتي ارجوا من لديه الخبرة يتكلم الباقي ما يخلعناش