شخص لا أعرفه يطاردني

[مشكلتي]

ارجوك نزل الموضوع بسرعة بلييز

السلام عليكم

راني نكتب و يدي يرجفو والله العلي العضيم


نهار الاحد فوتنا بيام موسيقى في متوسطتنا

على ذيك جاو كامل الطلاب لينا يعني نتاع المتوسطات كامل


وحد البنت تشوف فيا بغات تضربني بدلت البلاصة و درت روحي معلاباليش

لكن المفاجئة ...........

جاء ليا وحد الجان طوييييييييل قالي سمعي انت علاه هدرت فيا قتلو انا هدرت فيك

لالا انا منعرفكش اصلا


سبني و بهدلني قدام صحاباتي وراح

انا خفت و فوت المورال هابط

نسيتها كامل لكن اليوم (الاربعا)

جا وين نقرا و قالي اذا حكمتك ....................

يا جماعة راني خايفة على روحي

متقولوليش قولي لخوك و لا باباك منديرهاش علابالي تصرا مشكلة اكبر و

قلت لماما و وعدتني متقولش لبابا

صحاا انتوما قوليلي كيفاه نفهو بلي مهدرتش فيه انا اصلا منعفوش يا جماعة والله منعر جامي شفتو
ساعدوني كيفاه نديييير

[nouna l maghbouna]

ماتهدريش معااه اصلا
هذا يعتبر تهديد خطير
يا اختي راكي صغيرة قولي لباباك او خوك عادي جدا
و ماتخافي ما والوا ما عندو مايدير
المهم انتي ماتمشيش وحدك و امشي غير في الاماكن العامة و ماتنساييييش قولي لباباك
وفقك الله

[mokhto01]

يجب على الوالد ان يعرف هدا ضرورى جدا

[كلتومة01]

حبيبتي في بالي لمشكلة مشي مع جون مع هديك لبنت لي شافتك ...وحكاتلو وراه يديفوندي عليها فكري بالاك هدرتي فيها ولا ........
+
لحاجة لولى لازم تخبري داركم وعلاش تخافي مدام مدرتي والو .وتمشاي فلاماكن لي فيها لغاشي .ولا ادا تعرفي واحد كونفيونص خبريه بلا ما يدير مشاكل ...وما لازمش تسكتي ..راهي تزيد تتازم

[sali-sali]

اختى خبري واحد من العائلة هكدا احسن

[الدكتور شهاب الدين]

سلام
الحل سهل جدا
الان إدهبي إلى والدتكـ وأخبريها بأن
تخبر أخوكــ ليتكفل بالأمر أو أبوكـــ ....................الآن
* يستطيع حتى أبوكـ أن يرفع قضيـــة على والد الطفل بسبب التعدي على الفتــاة
وهدا لكي يكون عبرة لمن يعتبر.
وأعدكــ إن رفع به قضية سيأتي هو ووالده طالبا العفو منك

المشاركة الأصلية كتبت بواسطة مشكلتي

صحاا انتوما قوليلي كيفاه نفهو بلي مهدرتش فيه انا اصلا منعفوش يا جماعة والله منعر جامي شفتو
ساعدوني كيفاه نديييير

لايحق لكـ الكلام معه إطلاقــا. لأن هدا يزيده غرورا وتجاوزا لحدوده معك.
إدن لاتترددي ........
وليس عيبــا إن إعتدى عليــك أحد بل العيب أن تتركيه يعتدي.
وبالخصوص أنت فتـــاة يحق لكـ الإستعانة بعائلتكـ دون حرج في متل هده الأمور .

هيــــأ أنهي هده المسألــة و أخبري أمك بأن تخبرهم الان وإرجعي إلى النت وأكملي أشغــالكـ.......
إن لم تخبريهمــ فسينعكس عليك سلبا من حيت الدراسة والتفكير ما سيفعله بكـ ...... هيــا هيــــــا ...

في تفكيرك أنت لو تخبريهم يحدث مشكل كـانزاع عنيف (تشاجر ...سكين...)
فقط أنبهكـ لشيئ هده الأمور تأتي صعبة عليكــ في مخيلتك فقط
أمــا بالنسبة لوالدك فتأتيه دعـــابـــة
...

بالتوفيق لكــــ....
سلام.......

[حضنية28]

متتكلميش معاه خلاص ولازم تقولي لباباك ولا خوك يضعلو حد لانو اذا متوقفش راح يتمادى بزاف

[* الحلم سكر *]

السلام عليكم
اختي رايي من راي الاخوة لازم يتدخل رجل و اكيد لازم والدك هو اللي يتدخل
موفقة و خبرينا واش جديد ان شاء الله تطمنينا لي كلش فات بخير و انتهى المشكل

[سماح 2]

يااااااا عجب
اووووو كاينه عبااد والله ماا تخااف ربي
حاولي البقااء مع زميلااتك في المدرسه ولا تفارقيهم
دالك احسن لك

[حنين الروح *]

أكبر غلطة رايحة تديريها كون تهدري معاه وتحبي تفهمي واش درتي وعلاش قالك هكدا لأنك ببساطة ما درتي والو

عاجلا غير آجل دون خوف ولا تردد قولي لباباك اذا موجود اذا غايب قولي لخوك .. وننصحك الاب خير لانه رايحة يتصرف بعقلانية اكثر من الاخ اللي ممكن يروح يضربو ولا يدير تصرف طائش تتفر فيه .. وما تخافيش من باباك ضرك يفرح بيك ويقول بنتي فحلة تعرف صلاحها وصارحتني قبل ما يطور الامر.. تحياتي وبالتوفيق في امتحانات شهادة التعليم المتوسط

[sstolga]

قولي لبابك وماتخافيش مدام مادرتي والووبابك قوليلو افضل من انو كشما يدير هذا الولد لي مايخافش ربي وبابك يلومك ويقلك عله ماقلتيليشوكما قال الخ Der Chiheb يمكن يرفع عليه قضية يعود يجي يطلب فالسماح هو وبابه وانا جاتني الطفلة هاديك لي المشكلة معها
وامشي في الطرق العامرةومع البنات ومتنسايش تقولي لبابك ولا لي اخوكي

[سمسار92]

والله تحيري والشرطة وش قاعدة دير قوليلهم اعطلهم واصفاتو

[z.abdo]

هذا غباء منك يجب أن تخبر أحد أخوتك وكذالك الشرطة

[homme libre 05]

راكي صغيرة
قولي للوالد او اخوك او احد افراد العائلة والمشكلة ستحل
تبقاي هاكا راحا تلقايها غير تزيد وتكبار ومع لخر تحصلي

[abdelmalekmhdf]

تبحثين عن الحل هنا و لا تريدين اخبار والدك
يا اختي احذري عليك ان تخبري والدك و هو سيعرف ما العمل
ما فيها لا مشاكل و لا اي شئ. المشاكل تاتي عندما لا تخبري والدك خصوصا اذا سمع الخبر من جهة اخرى او بعد فوات الاوان