مشكلتي شرب الخمر

[مشكلتي]

السلام عليكم و رحمة الله تعالى و بركااته ... اخواني اخواتي والله واللها واللها راني في مشكلة و معندي غير انتوم نحكييلكم لانو معندي لا اخوة لا اخوات لا اصدقاء انا وحيدة فالدنيا هاذي

حكايتي والله يحبس المخ قدامها ارجوووووووووووكم ساعدوني راني قريب نموت من البكاء و ليت هيكل عضمي

حكايتي انو في قريبنا لكن يسكن في مدينة بعيدة علينا من مدة 7 سنين كانت ممكن اول مرة و انا كبيرة نشوفوا اعجبت بيه تقدروا تقولوا حب من اول نضرة و هو كذلك .... مقرب ليا ما قريبت ليه كل واحد مشا في طريقوا و صورتوا مفارقتنيش بالطول بردت صورتوا لاني منسمع عليه ولا خبر


بعد مدة 7 سنين تلاقينا في الفايس بووك تخيلوا موقفي حسيت الدنيا ضحكتلي و زاادت ضحكتلي يوم صارحني بلي راه يحبني لا و فوق هذا هو انسان قمة فالاخلاث و الصلاة و كل شيئ

الوالدة تاعو تحبني اكثر من ولادها و هو و اختوا كامل يحبوني عايلتهم .. تكلمت نعايا ماماه و قاتلي حابين نخطبوك لولدنا انا صارحتها قلتلها حتان نكمل قرايتي كل بيتهم يعتبروني مرت اخوهم و انا والله برغم انهم يخطبوني الا اني محبيتش غيرو


المشكل اللي راه مرضني انوا صارحني بشيئ حلفلي واحد ميعرفوا و كان مصارحنيش بيه مكنتش رايحة نعرفوا ( أسفة على الكتابة لاني والله راني نبكي و نكتب ) المهم المشكل هذا صارحني بأنوا في صغروا جاه طيش و شرب الشراب مشربش الكمية اللي يولي مراهش حاس بالدنيا لكن المهم شرب .. برغم انه يصلي و والله كل صلاواتوا فالمسجد و خلوق و يصلي احسن من الشباب تاع هذا الجيل يصلي حتى احسن مني هو وعدني بلي اخر مرة شرب فيها كانت اخر مرة و حلفلي انوا ما يزيد يحطو في فمو لما قلتلوا انو راك تعرف اني نكره اللي يشرب و اني منقبلش بيك قالي علابالي و برغم نحبك مقدرتش نخبيها عليك و حتى ايلا مقبلتيش بيا استريني و انا والله نبقى نحبك غير انتي




سؤالي ارجوكم انا حاااااااااااااااااائرة اولا هو معندوش ذنب الظروف ( لانو يتيم مكانش اللي ينصحوا و يقولو حرام و حلال )

الوالدة تاعو من البيت متحرجش علمتهم الصلاة لكن امور الشراب ممكن مكانش علابالوا بالحكم صدقوني نحبوا و كي صارحني زاد حبي ليه لكن معرفتش ربي يحاسبني ولا لا وكان نتزوج بيه لاني نعرف بأنه كان يشرب .... والله يقولي حاب ندخل للجنة معاك و هو اللي علمني الصلاة في وقتها مرات نقول ربي بعتني ليه و ربي يغفر انا علاش منغفرش و مرات نخاااف .... ارجوكم راني وحيدة و صغيرة انصحوني بالحل اللي رايحة نمشي عليه هو



................

[جواد رامي]

إن من أراد التوبة لا بد أن يتمكن من تحقيق العبادة لله بقلبه وجوارحه، فهي الحصن الحصين الذي من دخله كان من الآمنين "من يتوكل على الله يجعل له مخرجاً ويرزقه من حيث لا يحتسب". أما طريقة نصح شارب الخمر، فيمكن أن نرسل إليه طالب علم حكيم، ونعرفه عليه ثم يمنعه، وكذلك تخويفه من العاقبة السيئة وأن الخمر أم الخبائث، فيمكن أن يقتل، ويزني، ويضيع شرفه وأسرته وماله، ويصح من عداد المحاربين لله في الدنيا وله النار في الآخرة، وبئس المصير,,,...يوصى بالصحبة الصالحة. وبالله التوفيق.

[صُبح الأندلس]

أسأل الله أن يهديه أختي فهو أمام الناس و حتى أمامك ملك منزل أو نبي مرسل و لكنه يعصي الله هذه المعصية الكبيرة و ما يزيدها إثما أنه يظهر الطاعة أمام الناس و يفعل المعصية بينه و بين الله و هل أهلك الناس إلا ذنوب الخلوات
إياك أن تستهيني بالأمر و تقولي هو يصلي أحسن مني لا و الله فالصلاة التي لا تنهى شارب الخمر عن خمره ليست صلاة
أما إن تاب توبة نصوحا فاصفحي و انسي و أعينيه على نفسه

[nina love]

الله يهديه أختي...ربي حنين كريم وبين يديه قلوب العباد يقلبها كيف ما يشاء،،أدعلي له ربي يعفوووو ويتوووب عليه،،،

[أمة الله 12]

سفسي عليه مليح, اذا حقا على خلق و دين, اعتبري الحكاية هفوة و انسيها كأنها ما صرتش

[*نآدرة~]

ربي سبحانه ويغفر الذنوب فمابالك حنا،ماشكيتش في هاذ الدنيا انسان ما اذنبش ولا معصاش ربي،كلنا تغلبنا نفسنا ويزيينا الشيطان بغض الاعمال لي تعضب ربي بالصح من بعد وكي نعرفوا نندمنوا ونتوبوا،هو على حساب الشوفة راهو ندمان وزيد بطل ياخي راه يصلي ومحافظ على اوقاته وصدقيني انه خبرك راه قطع شوط كبير كان قادر يخبي عليك وكون تسمعيها مرة أخرى اكيد نتصدمي،انت استخيري ياختي وربي يديرلك لي فيه الخير
انا بغيت نقولك حاجة وان شاء الله تفهميني،ماذابيك تبطلي تهدري معاه لخاطر حاجة شرعية ماكانش بيناتكم خلي حتى يكتب ربي ويتقدملك رسمي وثم احكوا كيما تبغوا،وحتى هو مادامو مدين ومصلي رايح يتفهم هاذ النقطة
ربي يسهل عليكم ويوفقكم ويثبته على الطريق المستقيم ويغفرله زلاته

[عادل عبد الله]

السلام عليكم أختي في الله لا تجعلي اليأس يسيطر عليك كوني شجاعة وساعديه على التوقف عن تعاطي الخمر لأنه يضر صحته كثيرااا أسأل الله رب العرش العظيم أن يبعد عنه هاته الآفة شرب الخمر اللهم آآآآآآآآآآآمين .

[طالع هابط]

ربي يجمع بينكما في الحلال

[~ ســارة ~]

المسلسلات التركية دارت حالة في الشعب الحب و الغرام و شرب الخمر اصبح نورمال ربي يهدي ماخلق مانعرفشي لاكم تكتبو و اذا راكم تتمسخرو ربي يهديكم

[هبة الله 26]

السلام عليكم اختي
«كل ابن آدم خطاء، وخير الخطَّائين التوّابون »
مادام تاب لاحوف عليه
توكلي على الله وكوني له عونا

[عبد البر المسلم]

هو شربه وتاب وهذا في القديم ام ما زال يشرب فيه الان؟
اجعلي والدك او اخوك يسأل عنه بشكل جيد

[doba]

الله غفور رحيم وربي يسهلك أختي

[صالح القسنطيني]

السلام عليكم


اخية اردت النصيحة فلا تخلطي و تكلفي نفسك ما لا طاقة لك فيه

اولا هو معندوش ذنب الظروف ( لانو يتيم مكانش اللي ينصحوا و يقولو حرام و حلال )

بل عليه ذنب و الواجب عليه أن يتوب


ثم كلامك غير واضح هل هو اقلعع عن شرب الخمر ام لا

فاذا اقلع و تاب فالتائب من الذنب كمن لا ذنب له

و اذا لا يزال مدمنا عليها فابتعدي عنه و لن اقول لك انصحيه لأنك اجنبية عليه و ما انت عليه معه اصلا لا يجوز فاما ان يقلع عن الذنب و يعجل بالزواج بك و اما ان تبتعدي عنه سواه ترك الخمر او لم يتركها




و قد يكون ردي فيه نوع من القسوة و لكن انظري بعين الخير لنفسك

[mira mira02]

واش نقلك .......كل بني ادم خطاء و خير الخطائين التوابين

[سجل أنا جزائري]

كان عليه ان لا يقولك على هذا الشي

مادام اقلع عنه و تاب خلاص

ربي سترو و هو يفضح في روحو الا اذا مازال يشرب هنا حكاية أخرى

المهم هو غلط نورمالمو ما يقولكش هذي ربي اللي يحلسبو عليها مش نتي