خطيبي السابق

[كوثر 20]

اريد مساعدة منكم وهل انا المخطئة في مثل هدا الوقت من العام الماضي تقدم لخطبتي شخص هو اكبر مني بسنة لم اكن اعرفه بل مرة كنت عند ابنت خالتي وراءني عندها فطلب منها ان يتقدم لخطبتي فسئلتني فما كان عليا الى ان اسئل والديا فوافقا ففي اليوم الثاني تقدم لخطبتي فاستخرت ربي وفي تلك الليلة رايت منام فقلت في نفسي هدا ليس بمكتوبي فبعد مدة سئلنا عليه و...........لكن قلت له انني غير موافقة لكنه عاود الاتصال بي وواجهته بالرفض وهو يتصل بي لكنني لا اتكلم معه مند مدة فانا اريد ان يرزقني ربي بزوج صالح فب اقرب الاجال مادا افعل
شيماء

[مريم الصابرة]

السلام عليكم اختي
وشكون قالك ما راهش صالح على جال رؤية إنت فسرتيها حكمت عليه ما راهش مليح سقسيتو عليه او ممكن إنت في بالك شخص واضح عليها ما عجبكش هذا انا ننصحك كان مليح وسقسيتو عليه تقبلي بسه مادام راه مصر أعرفي هذا الشخص مهتم بيك بزاف شكرا

[achwak crazy girl]

ختي انا ننصحك متسبقيش الاحدااث ماشي على جال منام تشط فيه بلي ما هوش مليح انت سقسي عليه وشوفي ولي فيها الخير ربي يجيبهاا وانا نقلك بلاك انت كشما راكي دايرة واحد في بلاك ماكيش مقتنعة بيه هذا ماكان

[كوثر 20]

ماعندي حتى واحد هو يظهرلي ميتحملش المسؤولية وزاد عائلته على حساب مسقسينا مشي ملاح وصرالي معاه مشكل والله ماعلبالي انا الغالطة ولا هو

[achwak crazy girl]

اكيد دجيري كيما تحبي انت وتاكدي مليح لانو هذا مستقبل ماشي لعبة تولي مرة خرى تندمي

[ayaamira666]

لا تستخيري مرة واحدة و تتزقفي
انما اعيد الاستخارة كل مرة حتى تتضح لك الرؤيا

[achwak crazy girl]

اكيد ولكن هيا كتقول انو معجبهاااش علاه ترمي روحها في وحل كيما هداا

[كوثر 20]

المشاركة الأصلية كتبت بواسطة achwak crazy girl

اكيد ولكن هيا كتقول انو معجبهاااش علاه ترمي روحها في وحل كيما هداا

هو من كل النواحي زين ودين وخدمة الواحد مايكدبش هو كان في عمره 23 وانا 22 والمشكل مشي في العمر هو في المسؤولية

[z.abdo]

قرارك صحيح اختي

[achwak crazy girl]

المشاركة الأصلية كتبت بواسطة كوثر 20

هو من كل النواحي زين ودين وخدمة الواحد مايكدبش هو كان في عمره 23 وانا 22 والمشكل مشي في العمر هو في المسؤولية

اكيد انا مكااش نقول على الزين ولا على الدين اكيد على المسؤولية الراااجل لي معندوش مسؤولية ماهوش راجل

[mitrochka]

عاودي الإستخارة بدون أي تأثير منه و إن شاء الله يرشدك الله تعالى للحل

[naamane3]

انت تقولي ما عجبكش
قوليلو ماعجبتنيش
روح ربي يرزقك من باب خلاف
وانت ان شاء الله تلقاي اللي يعجبك

[كوثر 20]

[QUOTE=naamane3;1053191120][center][size="6"]انت تقولي ما عجبكش
قوليلو ماعجبتنيش
روح ربي يرزقك من باب خلاف
وانت ان شاء الله تلقاي اللي يعجبك [/size
امممممممممممممممممممممممممين يارب العالمين

[الأستـ كريم ــاذ]

السلام عليكم


يا خاوتي ويا خواتاتي

صلوا على النبي


كيما نعرفوا الزواج من بكري اسمه باءة ومسؤولية

والمسؤولية ما راهاش غير مصروف وتعبئة الدار

لكن فيها من الحنان والعطف نصيب

ومن الحب والطمأنينة نصيب

ومن الرحمة والسكن نصيب كبير

والأهم طاعة الله ورسوله


وتذكروا حديث من لا ينطق عن الهوى:
"إن جاءكم من ترضون دينه وخلقه فزوجوه، إلا تفعلوا تكن فـتنة وفساد عظيم"
من المسند للإمام أحمد




بارك الله فيكم أجمعين
ولكم سلامي واحترامي

[أم دارين]

المشاركة الأصلية كتبت بواسطة كوثر 20

ماعندي حتى واحد هو يظهرلي ميتحملش المسؤولية وزاد عائلته على حساب مسقسينا مشي ملاح وصرالي معاه مشكل والله ماعلبالي انا الغالطة ولا هو

السلام عليكم

كيفاه هذا ظهرلك هل عندك دليل
ثانيا يا أختي راني شاكة فيك حابة تقبلي بيه

لأننا بنات ونعرفوا الوحدة كي تكون كارهة واحد وماهيش راضية بيه تليكيديه في رمشة فين

لكن أنتي كتابتك لهذا الموضوع دليل على أنك مترردة
ومراكيش عارفة إذا تقبلي وإذا لا
وكأنك تقولي نسنى نشوف إذا جاني واحد خير نتزوج وإلا لا نرجع نقبل بهذا

هذا إحساسي و الله أعلم يمكن نكون غالطة

وإذا كان اللي قلته صحيح عاودي صلي صلاة الاستخارة

واتخذي قرار حاسم يا إما تقبلي بيه يا إما تخليه يبعد عليك وهكذا ما تضيعيلوش وقتو ولا وقتك وكل واحد يشوف حياتو

وكل واحد فيكم ربي يرزقه من جهة أخرى يا رب العالمين