الشكمبة تاع عنابة

lamis23 · 2013-10-09, 21:09

السلام عليكم خواتاتي حبيت نسال الأخوات اللي من عنابة عن أكلة اسمها الشكمبة على ما اضن يعملوا ناس اللي عندهم عرس وذبحوا هداك النهار يديروا لمالين الدار هادي الشكمبة هي عبارة عن لوبيا بيضاء وغرنوق او الكرشة اللي تعرف الوصفة تعطيهاللنا وشكرا مسبقا

zamilio · 2013-10-09, 22:12

عمرى لسمعت بها اسفة حبيبتى

lamis23 · 2013-10-10, 08:37

شكرًا أختي ان شاء الله يدخلوا العنابيات ويقولولنا عليها

nour inasse · 2013-10-10, 08:40

ماعندي حتى فكرة اختي ممكن يساعدوك لبنات

بيلسان11 · 2013-10-10, 12:10

الشكمبة نظن يعملوها ناس الطارف كذلك. سمعت هذا الاسم عندهم , ممكن نفيدك بالطريقة تاع اللوبياء بالكرشة بصح ما علاباليش اذا هي نفسها الشكمبة

koukou23 · 2013-10-11, 07:34

الشكمبة يا أختي عبارة عن كرشة طيبيها وحدها ولا مع لحم الراس كيما تحبي ومن بعد تزيدي تحطي عليها الللوبيا ....وفي نص الطياب تحطي االبصل والثوم والطماطم وتابل وكروية وثوم وفلفل اكحل وملح.... أحنا نهار العيد نديروها مع لحم الراس ومنحطوش معاها اللوبيا مي في الاعراس نحطو عليها اللوبيا نعملوها غداء للضياف ... وأي إستفسار اخر أنا هنا في الخدمة

رحيق الورد · 2013-10-11, 10:52

salam okhti chkemba taee annaba kayen li dir alkercha maaha tabaan lmassaren wkayen li hout maaha houmss
wkayen li dir loubya bel kercha w lmssaren
wkayen li dirha maa l battata wel houmss

almouhim almarqa taeeha taqrib nafssha toum wchwiya bassla tabel wel karwiya chwiya rass lhanout ida maandekch mech lazem almouhim toum wtabel karwiya yetaqalew maa lkercha wlmssaren ida hatiti loubya tzidi tomate conserve w tmarqi w taqfli la cocotte 20 min moumkin tettaleb waqt akter

ama ida taybiha waheda qasdi lkercha wlemssaren nefss marqa hamra
amma ida maa lbattata wl houmss taqfli eela lkercha wlmssaren fel la cocote 20-25 min men baad tlahgi qalil min battata

nchalleh fhemti wlimazid min tafassil rani fil khidma

lamis23 · 2013-10-11, 10:52

شكرًا أختي لولو بارك الله فيك هده هي اللي تحوس عليها

lamis23 · 2013-10-11, 10:55

رحيق الورد شكرًا لك ربي يعيشك أختي الشرح كان جد واضح ان شاء الله نطبق طريقتك في العيد مع الراس. وشوية كرشة يعطيكم كامل الصحة على ردودكم

hasna19 · 2013-10-11, 12:34

الشكمبة

بصلة وحبة طماطم مرحيين تقليهم في الزيت مع ملح وتوابل وتضيفي الكرشة والمصارن والرية يتقلاو مليح وتزيدي مغرف هريسة وطماطم كونسارف وتضيفي كاس لوبية طرية وتمرقي ووجدي التهريسة اللي هي ثوم وفلفل اكحل ومعكر وتابل وكروية كي تقرب تطيب اللوبية وتخثار الصوص حطي التهريسة وقرن فلفل حار وخليها تغلي خمس دقايق وطفي وحطي الدبشة اممممممم تجي تهبل تهبل

الشكمبة كانو بكري يعلموها نهار السهرة تاع العرس يعني نهار الحلايل اما درك تبدلت ولاو يعملو شخشوخة الفطير او كسكسي او مقرطفة

واساس الشكمبة باه تجي بنية تكون الكرشة اكثر من اللوبيا يعني حطي كمشة فقط

lamis23 · 2013-10-11, 15:41

شكرًا أختي حسنة الله يبارك عليكم يا العنابيات

oumadoumawayouta · 2013-10-11, 15:50

chmenka be touniss hiya keracha en sauce