الدرس الرابع

[la pitch]

فلان كرامال ّ بالمايزينة


اولا كراميل تقدري تشريها جاهزة راها تتباع فليساشي و تذوبيها في الما

و تاني تقدري تخدمي وحدة يعني ايلا ما عندكش اخدميها سكر و ما و راهي فرات

ديري سكر كمية لي تحبي مع قليل من الماء القليل القليل موش بزاف كي تشوفي لونها بدا يتغير و رجع ذهبي نقصي النار و ضيفي الماء لا تخافي انو يتكتل و لا نو راح شوية و يتفكك وحدة اخلطيه بشوية و زيدي الماء اذا احتاج الامر

للعلم الماء عادي ما تسخنيه ما تبرديه جيبي الماء مباشرة



مقادير الفلان

1 لتر حليب

شوية كراميل

اذا درتي كراميل بزاف نقصي شوية سكر

الفلان العادي يحتاج 4 ملاعق سكر ،،، كي ديري كرامال نقصي ملعقة

يعني ديري 3 ملاعق كبار و انتي و ذوقك

ملعقة كبيرة و نصف نشاء

الطريقة


غلي الحليب السكر الكراميل على النار كي تشوفيه بدا يغلي ضيفي المايزينة تكوني حللتيها في حليب او ماء

يعني ماتديريش المايزينة من الاول


حتى يغلي الحليب مليح تشوفيه قريب يفيض ديري المايزينة
و حركيها شي 5 دقايق تشوفي فقاعات علامة النضج تاعو و يثقال

و افرغيها في اكواب او صحون التحلية او في اي شيء تريدين و زينيه بالكراميل او يمكنك الاستغناء عن ذلك