pancake امريكي من مطبخي

[ام ملاك.]

السلام عليكم جبتلكم اليوم بعد غياب كبير ههه
pancake امريكي عجبني بزاف وطبقتو خرجلي روعة يمي يمي يمي يشهي بنين وخفيف بلبزاف للقهوة نتاع الصباح وحتى لعشية ثاني للضياف يحمر الوجه
باسم الله نبداو في المقادير:
كاس ونصف فرينة
كاس حليب
لافاني
3 بيض
3 مغارف زيت
3 مغارف سكر واللي تحبو حلو بزيادة تزيد مغرفة
ملح
نص شكارة خميرة قاطو




نبداو في الطريقة

تخلطي صفار البيض مع الحليب والزيت وتحطيهم بجهة
تخلطي الفرينة والسكر والملح والخميرة ع بعض
من بعد تخلطي معاهم الصفار مع الحليب وخلطوه مليح بالباتور
خليه بجهة الخليط نتاعك
تضربي بياض البيض اللي نحيتيه حتان يطلع كي الثلج مع رشة ملح باش يطلعلك
ومن بعد تخلطيه برفق وغير بلعقل مع الخليط نتاعنا
المرحلة المهمة هي انك تحطيه في الفريجيداروتغطيه مليح باش يرتاح هذي مرحلة جدا مهمة على الاقل نصف ساعة
ومن الاحسن توجديه بالليل وتطيبيه الصباح



درك نخليكم مع الصور











غير تشوفيها تثقبت قلبيها باش تكمل تحمار ماتديش اكثرمن دقيقة راه طيابو سهل للغاية
وفي كل مرة تنحي وحدة تمسحي مقلاة نتاعك بالزبدة وشيفونة مليح باش ماتلصقلكش الدوزيام
ان شالله نكون وفقت في الشرح









راني زدت حطيتلكم بعض الصور للامانة ماشي نتاوعي با ش تدو افكار في طريقة التقديم برك



[IMG]https://nutritionforswimmers.com/resources/wp-*******/uploads/2012/01/pancakes.jpg[/IMG]



واش رايكم اذا عجبكم ماتنساوش الرد والتقييم

[faizarbh]

يعطيك الصحة مونية نموت عليه يم يم يم

[أم شيماءْ]

يعطيك الصحة كنت نحوس عليه ومعرفتش واش هذا :d
الفشك حبيبتي

[om anous]

يعطيك الصحة راه جاك خير من البانكيك الامريكي
فعلا لديد مع الصباح وخاصة مع شراب القيقب اممممممم

[ام ملاك.]

المشاركة الأصلية كتبت بواسطة faizarbh

يعطيك الصحة مونية نموت عليه يم يم يم

الله يسلمك حنونة ربي يخليك فايزة نورتي صفحتي ارفدي حبة ماتحشميش هه

[ام ملاك.]

المشاركة الأصلية كتبت بواسطة ouricia

يعطيك الصحة كنت نحوس عليه ومعرفتش واش هذا :d
الفشك حبيبتي

ان شالله تجربيه وتنجحي فيه يخرج روعة امممممم

[ام ملاك.]

المشاركة الأصلية كتبت بواسطة om anous

يعطيك الصحة راه جاك خير من البانكيك الامريكي
فعلا لديد مع الصباح وخاصة مع شراب القيقب اممممممم

الله يسلمك حنونة فرحني ردك
اذا جا خير من تاع امريكا معناها راني هايلة في التطبيق احم احم حوحو يشكر وحو هههههه

واشنو هو شراب القيقب؟

[الأمنيات]

[بشرى2008]

رووووووووووووووووووووووووعة

[ام ملاك.]

المشاركة الأصلية كتبت بواسطة الأمنيات

مرسي اختي ربي يخليك

[ام ملاك.]

المشاركة الأصلية كتبت بواسطة بشرى2008

رووووووووووووووووووووووووعة

الله يسلمك اختي ربي يخليك

[ساندي 28]

هايل يا مونيه يعطيك الصحه يشهي

[miri_27]

بصحتكم عزيزتي ديما أنديرها في الصباح باش نفطر بيها أحنا نسموها المخمرة و نضيفو على مقاديرك شوية خميرة الخبز تجي خفيفة رووووووووووووووعة

[ام ملاك.]

المشاركة الأصلية كتبت بواسطة omnadjem.10

هايل يا مونيه يعطيك الصحه يشهي

الله يسلمك اختي ام ناجم ربي يخليك

[ام ملاك.]

المشاركة الأصلية كتبت بواسطة miri_27

بصحتكم عزيزتي ديما أنديرها في الصباح باش نفطر بيها أحنا نسموها المخمرة و نضيفو على مقاديرك شوية خميرة الخبز تجي خفيفة رووووووووووووووعة

الله يسلمك
يعني كاينة في الجزائر ؟؟ انا ماكنتش عارفة نعرف بللي عندنا البغرير (الغرايف) برك ولي كراب نتاع فرنسا
يعطيك الصحة نورتي صفحتي