السلام عليكم ورحمة الله وبركاته
هذا الطبق حضرته البارحة للعشاء وكان لذيذا فاردت تشاركنني اللذة وهو سهل وبسيط
اليك بدون اطالة
اللوبيا الخضراء تقطعينها وتسلقينها في ماء مغلي ومملح مدة 15د ومن تريدها اكثر طراوة تذوقها وانت وذوقك
تحضري لصوص انتاعك
طراف لحم الدجاج ولا غنمي - انا حضرتها بالدجاج- 3فصوص ثوم الى4 مرحي+حبة طماطم مكرفجة بدون قشرتها +ملح+حرور+شوية كمون+ شوية سكينجبير مرحي + نصف عود قرفة +شوية طماطم مركزة وطبعا اشوية زيت للقليان وتمرقي بشوية ماء وتخليها يطيب بعد الغليان على نار متوسطة وماتخليهاش تنشف
البطاطا البيضاء تقطعيها كيما تحبي المهم تصغري شوية تقطاعها وتدريلها شوية ملح وشوية حرور وتحمسيها في شوية زبدة في المقلاة مع التحراك من حين لاخر وتراقبي طيابها ومن بعد اتضفيها للمرقة انتاعك اللي تكون ثقلت شوية وطاب اللحم وتنقصي النار تحتها
اللوبيا تضعينها في مقلاة وتزيدلها شوية حرور 2فصوص ثوم مرحي +شوية قصبر مفروم ناعماوتحمسيها في شوية زبدة مع التحراك دائما مدة 5 الى 7د
ثم تضيفينها الى المرقة انتاعك وتخلطيها مدة 2 الى3د فقط ثم طفي النار
وبالهناء والشفاء
لا تعاتبوني على الصور لانكن شاطرات من دونها اليس كذلك حنوناتي
لا تنسوني من صالح دعائكم
( تقرير عن مشاركة سيئة )، و الموجودة أسفل كل مشاركة .
2012-09-05, 11:19
ام لذيذ..........
العرض الشجري