خرجت الاستدعاء و يا ريت,,,,,

mer ilham · 2013-04-19, 19:25

أنا اليوم خرجت الاستدعاء و يا ريت ما خرجتوش تقول طلبت منهم يبعثوني سياحة كل عام يلحوني في بلاصة ابعد من ختها ساعات يجي في بالي نبكي و الله كرهت اول مرة يهبطلي المورال كي نشوف الاستدعاء كيما هكا و انتوما واش لخبار عندكم؟؟؟؟؟

فارس البرايجي · 2013-04-19, 20:26

هههههه ربي يعينك انا نحرج ندخل

raouaderradj · 2013-04-19, 21:17

على لاقل انت خرجلك انا محبش يطلعلي كامل

~~Hamza touazi05521763~~ · 2013-04-20, 07:21

الهام مبقاش قد اللي فات صبرا اختاه بادن الله راكي من قائمة الناجحين انصحك بزيارة المركز الدي ستجرين فيه الاختبار اياما قبل الامتحان حتى لا تتوتري يوم الامتحان وتبحثين عنه متقلقيش روحك ظوك مع الوقت يولو يبعتوك فوبلديتك انا خمس سنين يبعتونا بعاد مي هاد العام بعتوني فبلديتي الحمد لله متقلقيش روحك

mer ilham · 2013-04-20, 17:10

صحتك فارس أنا المسافة فايت 3 كم ربي يكون معايا , raouaderradj ختي زيدي حاولي ان شاء الله يطلع هاد المرة,meci حمزة ان شاء الله لعام لجاي الباك و نتهنى قول أمين

djaloule21 · 2013-04-20, 19:36

بالتوفيق للجميع

raouaderradj · 2013-04-20, 20:32

والله بدون فائدة محبش يطلعلي

chouchou23.22 · 2013-04-20, 21:42

انا الحمد لله نعقب في متوسطة ماهيش بعيدة ياسر بصح لازم نروح بالسيارة ربع ساعة ماهيش بعيدة ياسر
ربي ينجحنا ان شاء الله
انا اول مرة نعقب بالمراسلة راني خايفة ومتوترة ياسر انا هذا العام 1 ثانوي اداب وفلسفة
ادعولي
انا من ولاية بسكرة نحوس على وحدة تقرى في بسكرة

raouaderradj · 2013-04-20, 22:52

ربي يوفقك وينجحك
مام انا اول مرة نعقب بالمراسلة

~~Hamza touazi05521763~~ · 2013-04-21, 08:32

اللهم امين خاوتي معليش على هادي لازم ديرو فبالكم النجاح فقط ولا غير رانا نسوفرو صافي نشاء الله تعبنا ميروحش خسارة

رواسي · 2013-04-21, 08:53

أنا بعتوني بعيد ساعة بالسيارة على بيتنا

فوق 40 كلم وعلاش والله راني نبكي معنديش ألي يديني

ياربي قولو لي وش نعمل

الباك ماشي المراسلة

~~Hamza touazi05521763~~ · 2013-04-21, 09:47

لازم تروحي نتي ختي سمحيلي معندكش يماك او ابوك اسف للسؤال ولكن ادا عندك احد الوالدين روحي برك يمات قبل الامتحان شوفي المركز ومبعد روحي وحدك نهار الامتحانات والله راح تلقاي بنات بزاف كما نتي ويسكنو فمنطقتك متشفايش العام لفات كاش وحدة جوزتي معاها دوزيام اني مراسلة ومزالكم على تواصل عيطيلها وسقسيها وين بعتوها اكيد بعتوها كما نتي انا طحت مع واحد صحبي نحمد ربي لاكمتقلقيش روحك الباك يجي بالتعب واش حبيتي نديرو مديريش سبة بالبعد عادي اطلب العلم ولو كان فالصين

رواسي · 2013-04-21, 10:39

بارك الله فيكم
للأسف لا أعرف أحد في هذاك المركز بعيد
كل ألي نعرفهم يفوتو قريب والله كاين ألي يشوف الليسي من التاقة تع دارهم

علاش بعيد هك في وقت راه فيه الخوف

إن شاء الله نحاول نبحث على المركز هذا وين

بالتوفيق

chouchou23.22 · 2013-04-21, 10:47

ربي ينجحنا ان شاء الله لازم نحطو حاجة وحدة في بالنا وهي بلي رانا راح ننجحو برب ان شاء الله ننجحو

chouchou23.22 · 2013-04-21, 10:50

اختي raouaderradj انت في اي عام تدرسين