لسكان العاصمة ( ليجان) شحال تدير عندكم

medscd · 2013-04-13, 22:35

السلام عليكم

انا راني حاب نشري الفميجان والبوق

لكن الصراحة راهي غالية بزاف عندنا كلش بالدوبل

وحتى غالية وما راهش كاينة في ولايتي

لذا حاب بلاك نطلع للعاصمة نجيب

حبيت نستفسر شحال راهي تدير الفميجان

معروف كاين زوج انوع

تاع الخيط وتاع المسمار

وتاع المسمار تعجبني انا الصراحة

رغم انهم كيف كيف في الاشتعال

والبوق نحوس نعرف ثان شحال راه يدير صغير والكبير

لتوضيح صورة مع الارقام

رابط الصورة ان لم تظهر
https://www.hostingpics.net/viewer.ph...1779289766.jpg

1
اللفميجان

2
بوق كبير

3
بوق صغير

راني حاب نحرقها كامل

هههههههههههههههههههههههههههههههههههههههه

ملاحظة الصورة الاخيرة في توقيعي توضح ما اريد عمله

medscd · 2013-04-14, 13:31

وين راكم

راهو قريب يوم السبت الله يحفظكم

ملاك العاصمية · 2013-04-14, 17:32

روح للعلمة الاسعار اقل من الاسعار بالعاصمة
العاصمة الفرق كثيرة والكل يشتريها لذا هي غالية
عليك وعلى العلمة يا خالي

medscd · 2013-04-16, 21:40

اقتباس:

المشاركة الأصلية كتبت بواسطة ملاك العاصمية

روح للعلمة الاسعار اقل من الاسعار بالعاصمة
العاصمة الفرق كثيرة والكل يشتريها لذا هي غالية
عليك وعلى العلمة يا خالي

اختي انا اعرف والله يحفظك تسلمي على الرد

لكن العلمة وين راهي ووين راهي عين دفلى بعيدة بزاف

والاحسن هي العاصمة

انا ما رانيش رايح نشري كونتيتي ( نسبة بزاف) نبيع ونشري

انا رايح نشري حوالي 800 الف

يعني تجيبلي وحد 2 فميجان وكاش 5 بوق بزاف عليا

لاني رايح نتفرج على فريقي ولقاء مصيري

يعني ضروري العودة بنتيجة ايجابية على الأقل التعادل

يعني ضروري مساندة الفريق وعمل ضجة له

مُحمد رازي · 2013-04-17, 10:14

خويا الله يهديك و يهدينا كامل
واش من فريق تناصره و تضيع علا جاله 800 ألف
علاش ما تناصرش و و تساند بهاذ 800 ألف الدين تاعك
روح تصدق منهم ولا اشري مصحف و حطه في كاش مسجد
ولا الأمور تاع الخير راهي بزاف و غدوا كي تموت تلقى الأجر تاعهم
لي يفيدك و يدخلك للجنة
مشي الطراطق لي يخلاصو في دقيقة و مافيهم حتى فايدة
و غدوا فاني كي تموت و يسقسيك ربي يقولك أعطيتك 800 ألف واش درت بيها ؟
قوله أنت شريت فيميجان باش نسيبورتي.
الله يتوب عليك و على كامل الشباب
و الله يخرجهم من غفلتهم و يهديهم لطريقه

يقول الله تعالى ( مثل الذين ينفقون أموالهم في سبيل الله كمثل حبة أنبتت سبع سنابل في كل سنبلة مائة حبة والله يضاعف لمن يشاء والله واسع عليم ) (سورة البقرة آية 361 )

medscd · 2013-04-18, 20:19

اقتباس:

المشاركة الأصلية كتبت بواسطة goldway

خويا الله يهديك و يهدينا كامل
واش من فريق تناصره و تضيع علا جاله 800 ألف
علاش ما تناصرش و و تساند بهاذ 800 ألف الدين تاعك
روح تصدق منهم ولا اشري مصحف و حطه في كاش مسجد
ولا الأمور تاع الخير راهي بزاف و غدوا كي تموت تلقى الأجر تاعهم
لي يفيدك و يدخلك للجنة
مشي الطراطق لي يخلاصو في دقيقة و مافيهم حتى فايدة
و غدوا فاني كي تموت و يسقسيك ربي يقولك أعطيتك 800 ألف واش درت بيها ؟
قوله أنت شريت فيميجان باش نسيبورتي.
الله يتوب عليك و على كامل الشباب
و الله يخرجهم من غفلتهم و يهديهم لطريقه

يقول الله تعالى ( مثل الذين ينفقون أموالهم في سبيل الله كمثل حبة أنبتت سبع سنابل في كل سنبلة مائة حبة والله يضاعف لمن يشاء والله واسع عليم ) (سورة البقرة آية 361 )

الله يحفظك اخي وتسلم على الرد

سقسي عليا يقولولك راني معروف

لكن من ناحية كرة القدم غير اسمحلي

عشق بلا حدود

نقدر نسمح في كلش غير كرة القدم

افهمها كيما تحب

نعاون ونبقى نعاون كل من يحتاج مساعدة

لكن تقولي اخطي البالو مستحيل

انا كرة القدم بسببها هي من تجعلني سعيد

واسعد الناس معي

يعني بكرة القدم اصبح مرتاح كثيرا

علما انا ما نعرف والو في دنيا

العبادة والعمل وكرة القدم

خاطيني كامل واش راه يصرا في لبلاد

ومعروف ماشي غير في عين دفلى في شحال من ولاية

حتى في الجلفة ويعرفوني أقصد في الولاية ( ولاد نايل و وسارة ........الخ)

~~knives55~~ · 2013-04-18, 22:05

يخي تحوس غير على نار

اشري بيدون ايسونس يغي هذي بلاصة فيمجان

ولبوق اسرق تاع جامع

وكي توصل لصداد صب ليسونس على كاش ناس به يلهبوا الحالة وبرح من البوق

ان شاء الله ترجع عقل بعد هذ مشوار

biks · 2013-04-18, 22:48

أخي في الله أنصحك بأن لا تغرنك الحياة الدنيا و تذكر أن الله تعالى سيسألك لا محالة عن أموالك أين أنفقتها.

أريد أن أسألك سؤالا واحدا : ماذا ستستفيد من كرة القدم ؟؟؟؟؟

هم - اللاعبون - يأخذون الأموال و أنت تجني الريح

قل لي بربك ماذا تسمع في الملاعب ؟؟ ذكر لله ؟؟ صلاة على النبي - صلى الله عليه و سلم - ؟؟؟ قراءة القرآن ؟؟؟

أرجوك لا تقل عني بأني متخلف و رجعي و و و و و

أنا لما كنت شابا في حدود 13 - 19 سنة كنت مولع بكرة القدم و ليس لدرجة التعصب، أما الآن فعمري 38 سنة و منذ سنة 1994 لم تطأ قدماي أي ملعب كان و أحمد الله الذي هداني لترك الملاعب.

و في الختام أنصحك نصيحة أخوية في الله : أنت عندك 8000 دينار ، إذا كان عندك المتسع من المال إشتري كرسي متحرك بـ 15000 دينار و قدمه لأي مسجد و أنويه صدقة جارية على نفسك تخدم عليك في حياتك و في مماتك خاصة و شهر رمضان على الأبواب.

و إذا لم بعجبك إقتراحي و أصريت على شراء الفيميجان فأنا لا أملك لك من الله شيء و أدعو الله أن يهديني و إياك إلى إتباع طريق الحق و أن يغفر ذنوبنا.

و شكرا

رعد السحاب · 2013-04-18, 23:08

السلام عليكم
أخي كي تشريهم مالعاصمة قادرين يحبسوك الدرك الوطني والشرطة وينحوهملك
عندهم كواشف