la purée من مطبخي

[toulay]

سلام عليكم

اليوم حبيت نوريلكم la purée لدرتها اليوم صراحة منيش professionnelle راني مزالني débutante

سامحوني تاني لاني مدرتش المراحل بالصور درت برك الصورة تاع la purée طايبة

اولا حكمت البطاطا قشرتها وغسلتها ودرتها des dés بصح كبار شويا وحطيتها طيب فالماء وفيه الملح بعدها رحت وجدت la sauce
la sauce درت فيها شويا دجاج ثوم ملح وفلفل وزيت وخليتهم يتقلاو ومبعد باش ميتحرقليش الثوم درت شويا ماء وخليتها مبعد مين تقلات مرقت بالماء وخليتها حتى طيب

قبل ماطيبلي la sauce كانت déja طابت البطاطا لدرتها حطيت شويا زبدة وحليب والبطاطا وشوياو ماء تاع البطاطا في واحد الصحنة جاية شويا غامقة واستعملت le mixeur ومين كملت غطيتها حتى توجدلي la sauce

ومين وجدت درنا la sauce في la purée

وهاذي كانت النتيجة النهائية



شكرا