ادخلوا شوفوا واش درت لشيخي

اميرة في دنيا حقيرة · 2013-04-13, 19:45

سلام حبيباتي لبارح الجمعة و كنت رايحة لعند شيخي ربي يحفضوا و هو يموت على الحلويات و ليت بزربة درتلو سويس رول بالكريم شانتيي الصراحة كان الوقت ديق مادقنتهاش كيما العادة
لكن سامحوني حبيت نوضح حاجة كاين من الاخوات لي شكوا في نزاهتي ليكم و قالوا بلي الوصفة السابقة ماهيش وصفتي نقلهم روحوا ربي يهديكم لانوا انا قبل ما ننضم للمنتدى عندي صفحة خاصة بالحلويات على الفيس و كنت نحط واش درت فيها و لاني مكنتش نعرف نكتب اسمي على الصورة اكيد لي يحب يهزها يهزها و الان صوري اكيييد حصرية للمنتدى و بعد ما ام رامي ربي يخليها دارت موضوع علمتنا فيه كيفية وضع الاسم على الصورة نتحدى اي وحدة تقلي الموضوع مش موضوعك سامحوني الا طولت عليكم بصح غادني الحال

نرجوا لموضوعنا انا الوصفة ماهيش نفس الوصفة الاولى لكن الاتنين ناجحين
الوصفة=

1- كوب وربع من الدقيق.
2- كوب واحد من السكر (بودرة).
3- خمس بيضات.
4- ملعقة واحدة صغيرة فانيليا.
5- ملعقة واحدة صغيرة من مسحوق خميرة الحلويات
6-كيم شانيي للتزيين
7-ملونات=احمر-بنفسجي-وردي-اخضر-اصفر-بني المهم الالوان لي تحبيها

التحضير=
نخلط بياض البيض مع نصف كمية السكر و الصفار مع باقي السكر ثم نجمع الخليطين و نضيف لهما باقي المكونات الجافة مع التقليب من فوق لتحت
شوفوا حنوناتي الصراحة راهي مالفة تجيني خير من هكا قلولي علاه=
1-ابدا ما تستبلوا ورق الزبدة بورق الالمنيوم لانوا لبارح فدلي ورق الزبدة استعملت الالمنيوم لصقتلي شوي و تاني حمارتلي ليه ليه و هي مالزمش تحمار تقعد بيضة
2-التزين او الرسم لي ديروه فوق ورق الزبدة دخلوه ثواني يحكم روحوا و تنحيوه
3-و بعد تصبي باقي الخليط فوق التزين وترجعيها طيب تاني متخليهاش تحمار

واليكن الصور حبيباتي

[IMG]https://www.up.djelfa.info/uploads/136587664934571.jpg[/IMG

وكيما قلتلكمى حبيباتي راهي متحمارش انا حمارتلي لاني كنت يد في القاطو و يد في الكسرة

و الان حبيباتي نطب منكم حاجة وحدة دعواتكم لابي و امي بالرحمة و باذن اللله نوعدكم المرة الجاية نديرها بالخطوات و بالتفصيل الممل و احلا من هادي بالف مرة