ارجو المساعدة

شذى الرحيق · 2013-04-15, 17:30

السلام عليكم عندي سؤال الى خبيرات الحلويات اداممكن تعاونوني خياتي كاينة وحدة قريبتي راح تتزوج وباش نديرلها الحلوى بصح المشكلة اني اول مرة نخدم للاعراس وماعلاباليش كيفاه يحسبو يعني يحسبو بالحبة ولا بالكيلو اللي تعرف تجاوبني والله راني حاصلة قلتلها في هادو اليومين نرجعلك الخبر راني متكلة على ربي وعليكم على بابالي ماتبخلونيش وربي يجازيكم خير

لميس حواء · 2013-04-15, 23:24

اسفة اختي ماعنديش فكرة نتمنى الاخوات يعاونوك

bint aljazair · 2013-04-15, 23:39

أنا نحسب بالحبة 25دج حتى 30دج في كل نوع 50حبة في الصينية

درة بيتي · 2013-04-15, 23:47

شوفي يا أختي أنا مانيش نخدم للأعراس بصح نعرف ياسر يخدمو للأعراس القاطوات تع النشاء كيما الصابلي والبيتي فور وماشابه يحسبوهم بالكيلو أما القاطوات لخرا لي بالمكسرات والطلية وعجينة اللوز وغيرها يحسبوها بالحبة كيما قالتلك الأخت بنت الجزاير من 25 إلى 30 د كاين حتى لي يلحق 40 د عندنا كي يولي فيه خدمة اليد ياسر والمكونات وبالتوفيق حبيبتي نتمنى نكون أفدتك ولو بالقليل

شذى الرحيق · 2013-04-16, 20:23

شكرا جزيلا لكن اخواتي الكريمات ربي يعطيكم ماتتمنو

زنجبيل11 · 2013-04-16, 21:22

بالتوفيق اختي