مهرجـــــــــــــان الحــــــــلوى للجميـــــــــــع

نجمة ساطعة · 2013-08-09, 12:47

أولا صح عيدكم كل عام و أنتم بخير و تقبل الله منا و منكم صالح الاعمال

ثانيا حبيتكم تشوفوا واش خدمت بصح قبلها خلوني نحكيلكم ههههههه

طبعا العام الماضي مقدرناش من سخانة و كتبتها في موضوعي تاع العام اللي فات بصح هاذ

العام رحمة ربي مش لانو السنة ابرد لا العكس السنة اسخن و لكن الفرق هاذ العام مخرجناش من

الكليماتيزور ليلا و نهارا ساكنين ثم أيا مالا قلت نتخلص شوية من الكسل و نطيب

القاطو فطيبت القاطو تخيلوا والله العظيم طيبت القاطو فقلت والله غير تشوفوه ما تحشمونيش

هو صح لا يرقى الى مستوى جهابذة الطبخ هنا هههههههه مل تقولوش ما فهمناش جهابذة ننتحر

من هذا المنبر نقولهم والله يعطيكم الصحة لاني خادمة القاطو و شايفة وش معناها بسيط بصح يقلق

تقولي نلوحوا فمابالك نخدم بالحبة و نطبع وردة و نلوي حسب طبيعتي الشخصية منقدرش لانو

لازم نقتل واحد باش نفرغ طاقتي ههههههه

المهم اللي تدخل تكتبلي رأيها باش ندعيلها من قلبي ربي يحققلها وش حابة قولوا آمين

[CENTER]

هذا قاطو جاهز ما يطيبش

هذا قاطو الصيّار ديت الوصفة من العام اللي فات من عند اختي الصوامعية شكرا ليك مجددا على الوصفة

هذا تشاراك سوريا محشي لداخل

هذا كريات الثلج محشية لداخل

هذا قاطو القظيفة تاع فلة اشكرها كذلك على الوصفة

هذا قاطو سيك من عند فلة بصح غيرت الشكل برك اشكرها كذلك

هذي غريبية

هذي حلوى تعرفوها يخي هههههه من عندي هدية

في الاخير استغل الفرصة لشكر اي سيدة هنا تضع وصفات و تتعب عليها اقول لها جعلها الله

في ميزان حسناتكم و بارك الله فيكم

تقبلوا تحيتي و قبلاتي لكم

أم ريمة* · 2013-08-09, 12:57

ما شاء الله بنتى حلويات روعةومتقنة راكى مرا ونص الله يبارك شراك سوريا كما انتاعنا؟؟او كاين اختلاف؟؟

أم بدر الدين · 2013-08-09, 13:00

مشكورة و سلمت يمناك جميل جدا توكلوه بالصحة و الهناء وتقبل الله منكم صالح الاعمال

ام رزيقة · 2013-08-09, 13:02

صح عيدكم حلويات شابة يعطيك الصحة

نجمة ساطعة · 2013-08-09, 13:10

اقتباس:

المشاركة الأصلية كتبت بواسطة أم ريمة*

ما شاء الله بنتى حلويات روعةومتقنة راكى مرا ونص الله يبارك شراك سوريا كما انتاعنا؟؟او كاين اختلاف؟؟

اقتباس:

المشاركة الأصلية كتبت بواسطة أم بدر الدين

مشكورة و سلمت يمناك جميل جدا توكلوه بالصحة و الهناء وتقبل الله منكم صالح الاعمال

اقتباس:

المشاركة الأصلية كتبت بواسطة ام رزيقة

صح عيدكم حلويات شابة يعطيك الصحة

الله يبارك على الحراير طلعوا المورال و ذرك في تلفون خالتي قاتلي يعطيك الصحة

وش عاد يرقدني عينيا تحلو

نجمة ساطعة · 2013-08-09, 13:13

اقتباس:

المشاركة الأصلية كتبت بواسطة أم ريمة*

ما شاء الله بنتى حلويات روعةومتقنة راكى مرا ونص الله يبارك شراك سوريا كما انتاعنا؟؟او كاين اختلاف؟؟

تشاراك سوريا

500غ زبدة طريقة و قابسة ياؤورت و شوية فاني و شوية ملون هذا مكان راني نسيت الفرينة طبعا تلمي بالفرينة حتى توصلي لعجينة طرية

يذوب في الفم و بنين ياسر و لداخل الحشوة كاش سكر + زوج كيسان نواد كوكو

و جمعتهم بماء الزهر غير طاب درتلو سكر قلاصي