بوقالات جزائرية

[* عبد الجليل *]

بوقالات جزائرية

السلام عليكم ورحمة الله وبركاته هادو عشربوقالات مختارة كل واحد فيكم ينوي ويقولنا واش هي بوقالتو

1- الناس كسبت الشطب والحطب وانا كسبت الطير اللي منقارو فضة وريشو ذهب

2- المنجل عمرو ما يسوا والقلب مايحب غير اللي يهوى

3- الطمع يتلف الغيبة الخوف يفسد لعزيمة ومكتوبي الزاهي فرح لميمة

4- ساس الرملة لا تعاليه وولد الناس لا تربيه

5- قاعد معاها في التصديرة هو جان وهي صغيرة نطلب ربي يحفظهم من العين والغيرة

6- غالي غالي والغالي ربي مهما تروح وتبعد محبتك في قلبي

7- العازب طلع والعازبة طلعت تنشر تلاقيت العين مع العين والقلب تكسر

8- ماني طبسي نتكسر ماني وردة نذبال راني خاتم في يد سيد الرجال

9- انا وردة في الكاس يضاربو عليا بالمواس على جالي دخلو الحباس

10- السميد سمدتو والدقيق غربلتو ما بقا غير الراجل نشوفولو سعدو