إلى الأخت سيريناد

[old young miss]

صباح النور أختي

ان شاء الله تكوني لاباس مازال مالحقتش 1000 مشاركة لذلك ماقدرتش نبعثلك رسالة

بصح ماقدرتش نخليك بلا رد شكرا لانك ثقتي في اختي

نعرفك بنفسي نظن أنك ماتعرفينيش

انا اسمي ريان

17 سنة من غليزان

شعبة علوم تجريبية

تحصلت في الفصل الاول على معدل 15 اما الثاني 17.38 و الحمد لله

نجاحي أولا و آخرا بفضل الله عز و جل فالحمد له

انا أعتمد بنسبة كبيرة على تنظيم الوقت يعني

أنا لما نخلصو دراسة في اليوم و نرجع للبيت نتوظا و نصلي و بطبيعة الحال نشرب قهوة مع العائلة

و نجي للجلفة نشوف الجديد

قبل المغرب مانقربش من محفظتي ابداااااااا ماتحلاليش القراية قبل المغرب

بعد صلاة المغرب نبدا نريفيزي المواد العلمية

أحدها فقط مات او فيزياء او علوم يعني نحل تمارين أو أذا ماكنتش فاهمة الدرس مليح نحاول نفهمه غايةالغاية

و من بعد نحل واجباتي المنزلية الأخرى يعني لي نحتاجها غدوا ان شاء الله

نكمل على 10 و لا 10.30 هاكا نروح نرقد حقيقة مانرقدش انا نتفرج مسلسل الوغد في الجزائرية الثالثة مانضيعوش ابدا

هههه مع الصباح نوض بكري على 5.30 و لا 6 نحفظ درس من المواد الادبية إما تاريخ او اسلامية او جغرافيا هي في

الحقيقة تكون مراجعة لما حفظت لاني احفظ في الويكند

في الويكند كيما قلتلك سابقا كل مرة نحفظ درس لما تقرب الفروض و الاختبارات مراجعة طفيفة

و مشكلتي مع المصطلحات بياربي 6 سوايع و انا نحفظ و نعاود فيها ربي يجيب الخير

معليش انا هذ هي مراجعتي اليومية هكدا ندير و الحمد لله

أما بالنسبة للاختبارات

نوض كل يوم على 5 تاع الصباح نريفيزي المادة لي نحتاجها يعني لي عندنا اليوم و احنا في الاختبارات ندخلو على 10

يعني من 5 حتى 10 مراجعة و الله روعة و الحمد لله لقيت راحتي

اما الفرنسية و العربية و الانجليزية لما يقولو عندنا المساء هاد المادة باه نريفيزي يعني نضرب طلة خفيفة على الكايي

انا مانستعينش بكتب خارجية

معدا الوافي في العلوم الطبيعية


ونقرا نصوص فرنسية من الانترنيت

هدا ماكان

نتمنى نكون افدتك اختي

تحيـــــــــــــــــــــــــــــــــــــــــــــــ ـــــاتي

[سيريناد]

الله يبااارك اختي سأحاول ان اعمل بنصائحكي علي اتحصل على 17 بعد تحصلي على 15
سأعتمد على تنظيم الوقت بادن الله جزاااااكي الله خيرااا
اتمنى لكي مزيييدا من التفوق عزيزتي

[نورهان سالم]

عذراااااااا على التدخل
شكراااااااااااااااااااااااااااااااااااااا لك اختي ريان و سيرناد ايضا
بالتوفيييييييييييييييق للجميييييييييييييييييع
ان شاء الله

[سيريناد]

لا يوجد مشكلة اختي مرحباا بتواااجدك عزيزتي و ادا لديك نصااائع قدميها لنا

[old young miss]

المشاركة الأصلية كتبت بواسطة سيريناد

الله يبااارك اختي سأحاول ان اعمل بنصائحكي علي اتحصل على 17 بعد تحصلي على 15
سأعتمد على تنظيم الوقت بادن الله جزاااااكي الله خيرااا
اتمنى لكي مزيييدا من التفوق عزيزتي

ان شاء الله اختي

ولك ايضا غاليتي

تحياتي

[جرف اسامة]

عذرا
و لكن يا الاخت ريان ما شاء الله تنظيم موفق للوقت اتمنى ان استطيع الدراسة كل هذا الوقت و لكن الله غالب لا استطيع ههههههه
اظن ان هذا ما جعلني اخذ 16 كنت قادر نجيب كثر و لكن الحمد لله العام القادم ابذل جهد جبار و ساعتمد على طريقتك ان شاء الله

[fadoua2]

c est bien allah ybarek
merci

[old young miss]

المشاركة الأصلية كتبت بواسطة جرف اسامة

عذرا
و لكن يا الاخت ريان ما شاء الله تنظيم موفق للوقت اتمنى ان استطيع الدراسة كل هذا الوقت و لكن الله غالب لا استطيع ههههههه
اظن ان هذا ما جعلني اخذ 16 كنت قادر نجيب كثر و لكن الحمد لله العام القادم ابذل جهد جبار و ساعتمد على طريقتك ان شاء الله

ان شاء الله اخ اسامة

مام انا كنت قادرة نجيب كثر مي الله غالب

شكرا على المرور الطيب

[مشتاقة لربها]

ماااااااااااااا شاء الله




يعطيك الصحة أختي


أن شاء الله كامل نديزو النيف و نطلعو المستوى تاعنا

[قدوتي رسولي]

تستاهلي كل خير صديقتي ريان انا ايضا سبق واستفدت من نصائحك
وباذن الله سأعتمد عليها بالدرجة الاولــــــــــى
احبك في الله♥

مزيد من التوفيق
شكرا

[kkiki]

mercii bouceaup alah yewaf9ak