ساعدوني الله ينجحكم انا مترشح حر

ღ.¸¸.عهد الاصدقاء.¸¸.ღ · 2013-03-28, 12:59

السلام عليكم و رحمة الله تعالى و بركاته اما بعد اخوتي اخواتي الطلبة لقد اشتقت الى المنتدى بعد طول غياب بسبب الدراسة الجامعية انا مترشح حر و جبت الباك العام الماضي 15.07 و للاسف ما دخلتش كلية الطب وهاد العام راني نعاود و في نفس الوقت راني نقرا صيانة و امن صناعي في وهرن هاد التخصص الممل الي كرهني فالدراسة انا خفت نضيع العام و مادا بيا تنصحوني هل يكفيني الوقت باه نجيب معدل كبير ام لا و الله انا حاير بزاف معرفتش وش اندير و زيد المعانات لاني سجلت في ولاية الوادي نخاف لي كونطرول يطيحو سمانه الباك ربي يجازيكم عاونوني انصحوني فهموني اول مرة تكون اموري مش مرتبة و يصعب عليا الحل اسف خاوتي شاركتكم همي لكن علابالي غير ربي ومنتدانا الغالي الي يفرجو عليا

linalou · 2013-03-28, 13:08

وعليكم السلام و رحمة الله تعالى و بركاته أخي أنا حسب رأيي انت ابدا اقرا مليح او يكفيك الحال أما بشأن الامتحانات يجيوك مع الباك أنت ركز على الباك والامتحانات تقدر تخليهم لratrapage عندك 2فرصة على عكس الباك
نتمنى نكون نفعتك
والله أعلم
بالتاوفيق لي ولكم

ღ.¸¸.عهد الاصدقاء.¸¸.ღ · 2013-03-29, 09:05

مشكورة مشكورة اختي على الرد اين انتم اين انتم اخوتي بنصائحكم

أنيــس العابر · 2013-03-29, 10:00

انا مترشح حر مثلك
و انت تقول انك جبت الباك بمعدل 15
الموضوع لا يحتاج الى نصائح انت اللي تعطينا نصائح
بلييييييييييييييييييييييز اعطينا نصائح

Flora Gucci · 2013-03-29, 15:31

السلام عليكم و رحمة الله

خويا ما تتقلق ما والو ، انا العام الي فات كنت candidate libre w au mm temp étudiante universitaie و مبديتش نقرا للباك بجدية غير في 3 اشهر الاخيرة و الحمد لله جبت 15.40 بصح مطللعتش 2eme semestre بصح طلعتو بالراتراباج
الحكاية حكاية ذكاء و لعب على الوقت / مادامك مفوت باك من قبل و ضرك معندكش وقت باه تعاود المقرر كامل ، لازم تبدا مباشرة في حل مواضيع و بشوي بشوي تتفكر كلشي ، المهم في كل مرة تحس روحك مش قادر تحل تمرين ارجع للنظري
بالنسبة للاجتماعيات احفظ تاريخ دزاير نوغمالمون يجي ديما و زيد دروس الجغرافيا من ملخصات محمودي عادل و الشريعة راها سهلتلنا الاخت صدى القوافي احفظ من ملخصها فهو بالفعل رائع ، من هنا https://www.2shared.com/file/ZKfGV4yl/__online.html
الفلسفة توكل على ربي و اخدم على المفالات المتوقعة و اكثرهم ، تطبيق المنهج التجريبي على العلوم البيولوجية ، الانا و الغير ، الحرية و المسؤولية ..
اللغات نفس حل المواضيع و راجع القواعد المقررة علينا ، من الملخصات الموجودة بالمنتدى او حتى كتاب الانجليزية المدرسي في الصفحات الاخيرة تقى جزء للقواعد فقط اقرى منو
و لا تنسى طاعة المولى و عبادته و الاكثار من الدعاء
ربّي يوفقك و يهنّيك ، و ان شاء الله تكون طالب في كلية الطب ، العام المقبل باذن الله

zakyass · 2013-03-29, 19:18

كيمل قالك الأخ احنا لي نحتاجو نصائحك الله يبارك جبت 15 ماباقيلكش بزاااف على الطب وانا واش نقول لي جبت 13 مي مازال عندي امل

ღ.¸¸.عهد الاصدقاء.¸¸.ღ · 2013-03-29, 20:13

مشكورين ان شاء الله و ما قصرتوا و الله طلعتولي المورال ربي يخليكم انا هذي اول مرة تصرالي لكن الحمد لله رح ندير جدول و نبدى نقرا طلعت السومستر الاول بعشرة 35 و الزاوج الله يسهل عليه مشكورييين

ღ.¸¸.عهد الاصدقاء.¸¸.ღ · 2013-03-30, 09:49

zakyass · 2013-03-30, 12:31

انت بالاك بلعت العام فالجامعة ,,, انا نقرا هندسة المياه في ليسطو وهران ,,,, مادرتش حتى الامتحانات مالقري كنت نقرا نورمال ,,, بصح راني نقرا و متأملة خير ان شاء الله ,,, راني نحضر للباك ,,, بالتوفيق

ღ.¸¸.عهد الاصدقاء.¸¸.ღ · 2013-04-01, 09:08

و الله تعب كبير لكن الحمد لله بديت و حسيت روحي نسترجع الحمد لله و مشكوريين

ღ.¸¸.عهد الاصدقاء.¸¸.ღ · 2013-04-03, 10:29

السلام يا كرام كاش نصايح و لا والو ما تبخلوش المشاهدات كثيرة و الردود ربي يجيب معليش ربي يحفضكم

أمل الفردوس · 2013-04-03, 16:06

أنا تاني نجحت الباك ب11 مي معجبنيش المعدل و السنة قررت نقرى و نعاود الباك في نفس الوقت
و با\ن الله حننجح ب15

sarah de13 · 2013-04-04, 19:23

سلام أنا تاني مترشحة حرة و رااني خايفة بزااف فاش راكم واصلين فالمراجعة و كيفاش رايحين ديرو فالدروس الي دخلو فالعتبة لعام الي فات

ღ.¸¸.عهد الاصدقاء.¸¸.ღ · 2013-04-08, 09:21

اوكي الحمد لله راني تحسنت فالمراجعة و بإذن الله نحقق المعدل الي نحوس عليه امالا انتوما تاني زيدو استغلو الوقت قدر الامكان