مشكلتي اتعبتني

[nari21]

السلام عليكم لقد ارهقتني مشكلي حتى اصبحت لا انسها ابدا بعد ان حان موعد ولادتي مات طفلي وتدهورت حالتي فضطرو الاطباء الى استصال رحمي وهدا يعني انني لا استطيع الانجب مة اخرى فتحطم حلم الامومة لدي ودهورة حالتي النفسية جداا وبعدمدة حدة الله على مااعطني ورديت بنصيبي لكنني لا اريد ان احرم زوجي من نعمة البنين فطرحت عليه موضوع الزوج مرة ثانية فرفض ورغم تكرر نفس السيناريو فانه يرفض دائما فم ذنبه هو ولمادا يحرم من الابوة فهو كيم نقولو حنا ميستهلش من نهار تزوجت بيه ماشفت غير الخير منو فهل من حل

[saadi-2008]

////////////////////////////////////

[عُمرُ]

السلام عليكم..
حفظ الله لك زوجك وأدام الألفة بينكما..
يبدو أنك طرحت العرض على زوجك بالزواج ثانية في فترة لا تبعد كثيرا من الوقت عن ما حدث لك..فإن كان كذلك فإنك تسرعتِ بما فعلت..
ولكن اسألي نفسك..
هل الخشية من أن يتزوج زوجك ثانية هو ما دفعك الى دعوته للزواج ؟؟؟
قد يكون هاجسا لديك من الأمر فسارعت لما فعلت ولعل الزوج شعر أن ما تفعلينه من دعوته للزواج لم يكن بجد طيب خاطر فخشي أن يؤثر ذلك على علاقتكما الودية ..فهل لمس شيئا من ذلك لديك ؟؟؟
أنا هنا أطرح توقعات فقط ...تمنحك فرصة لإعادة المراجعة أتمنى أنك فهمتني..
المهم..
إن رأيت في زوجك اصرارا على موقفه ..فتجاهلي الأمر وفكرا في تبني طفل يملأ عليكما حياتكما...وتأكدي إنكم ا ان فعلتما ذلك فإنه مع مرور الوقت لن تشعرا غير أنه ابنكما ...
زوجك لايقبل بالزواج ثانية ..لأحد الأسباب التالية..
إما أنه يحبك حبا عظيما ولايريد أن تدخل امرأة طرفا ثالثا..
إما أنه يحافظ على مشاعرك ويدوس على مشاعره..
إما انه يمر بفترة صمت ولايريد أن يتخذ أي قرار في الوقت الراهن..

[fofol]

rabi yaj3alak mkhraj tamasaki billah howa arazak

[alger1]

قد تاتي الزوجة الثانية وتصبحين انت في المرتبة الثانية وتندمين اشد الندم اقعدي كيما راك وانساي الموضوع وعيشي حياتك ما اصابك قضاء وقدر وهناك الكثير لم يرزقهم ربي بالاولاد ولكن تستطيعين ان تغيري حياتك بالكثير واذا تزوج بالثانية ستصبح هي ام الاولاد وينساك نهائيا وفقك الله

[* الحلم سكر *]

يا اختي ربي سبحانه خلق كل واحد عندو نقص يكملو آخر .. كيما كاين أزواج محرومين أولاد كاين أبناء محرومين والدين ....
انتي ربي سبحانه اختارك و ابتلاك و ان شاء الله يكون ايمانك قوي انتي بركاي ما تعذبي في روحك و تحسي بالذنب زوجك رفض عرضك و متمسك بيك و الحمد الله خلاص كاين حل يخليكم مع بعض و يعوضكم احساس الابوة و الامومة تبــناو صغـيـر و استمـرو في حياتكم و ماراكمش اول و الا آخر حالة
حبيبتي كان قادر يكون السبب حاجة خلاف لكن النتيجة واحدة خلي تفكبرك يروح لحلول واحدة اخرى
راجلك فاهم لي راكي حبا فيه آثرتيه على نفسك لكن هو رفض خلاص علاه تزيدي لروحك هم على هم فكري في تبني طفل و بجدية صدقيني انا عايشة حالة مشابهة و و الله العظيم لوكان تشوفي حياة الزوجين لي نعرفهم بعد ما تبناو فتاة حتى البهجة دخلت دارهم و مربينها احسن من اللي عندهم و لاد و مستحيل تحسي بلحظة انها ماهيش بنتهم سواء منها او منهم
عملي على ربي اختي و حاولي اخرجي من همك و حسرتك ان شاء الله ربي يهنيكم و يريح بالك يا رب

[biti]

تكفلي بيتيم تاخذي الاجر و تعيش معاه الامومة وبالنسبة لزوجك خليه على راحتو

[مريم الصابرة]

السلام عليكم اختي
ربي يكون معاك إنت فعلا مرا شجاعة وربي يقدرك على تحمل هذا واختي هذي حاجة ربي في كل شي عندو حكمة معليش الحمد لله على كل شي
راجلك إنت قلتيلو وهو ما حبش ما تظليش تلحي عليه خليها تجي منو نهار يرضى كوني مأصلة وأرضاي وعادي من حقو يكون عندو اولاد ولكن ما راهش حاب وباغي يعيش معاك بلا اولاد خلاص ونعم الزوج
ولكن ممكن تربو يتيم وتتكفلو به ويكون حديث ولادة والأم اللي تربي أكثر من الام اللي تولد ربي يكون معاك

[سومية88]

انا في راي تكفلي بيتيم لان الطفل في الدار يدير الحيوية الله اعلم ماانصحكش باش يتزوج لان رايحة تندمي يبقي راي شخصي

[ام مريومة]

ختي ربي يعوضك خيرا انشاء الله اتكفلي بيتيم احسن من انو زوجك يتزوج لانو اذا تزوج و جابتلو ولاد انتي رح ينساك املا اغلقي على هذا الموضوع و فكري كيفاه تسعديه و تخليه دايما مرتاح و فكرو في تكفل بيتيم

[maiar]

ربي يكون معاك بصح حبيبتي ما تبقايش كل مرة تجبديلو الحكاية لا انت و لا هو تعيشو على راحتكم تبقى هذيك الحساسية بيناتكم علاه يا اختي قلتيلو مرة خلاص و كاين قداه حل و كيما قالو الاخوات و الاخوة اكفلي يتيم و تربحي الاجر انت و الزوج تاعك في عايلتي مثل الحالة تاعك و اخ الزوج مدلو 2 بناتو رباوهم و كبروهم و زوجوهم و كي تشوفيهم تقولي بناتهم صح ربي يسسرلك امرك و يكتبلك الخير ان شاء الله

[kaderkader1541]

فرج الله همك و عوضك بالخير ان شاء الله
يمكن لك تربية يتيم و تكفليه و تعرفين اجر كافل اليتيم
اما فيما يخص زوجك فيمكن له الزواج بامراة اخرى وقت ما شاء
هذا حقه الشرعي لا يحتاج في ذلك الى طلب الاذن منك
شرط ان يكون قادراا و أن يعدل بينكما

[**د لا ل**]

ربي يصبرك اختي ويجعلها في ميزان حسناتك
نعم الزوجة انت ِ
ربي يعوضك بكل خير

[ايمان نور الجزائر]

ربي يصبركم ويوفقكم ان شاء الله
++
بالنسبة لزوجك خليه براحتو مادام انو راضي بالوضع
واذا تغير رأيو مستقبلا....ساعديه ان كنتي تحبينه وكنتي تريدين البقاء معه والعيش مع ضرة

[ذكرى أبي]

ربي يعوضك خير إن شاء الله ، أنا نصيحتي كيما الأخوات تكفلي بيتيم ، و نعرف شحال من ناس ما عندهمش أطفال و الراجل ما عاودتش الزواج