انا امهم يعطيك الصحة اليوم وين فحفحت عليا ريحة الحوت

~ حراير ~ · 2013-01-26, 12:55

السلام عليكم و رحمة الله تعالى و بركاته

اخواتي حراير المنتدى وش راكم وش حالكم
اختي التونسية الشاطرة و الكاملة و المكملة انا امهم
تقدري تقوليلي هاد الحي وين جا في تونس ؟؟؟

انا نقدر نقولك بلي هاد الشاب يمثل ما تكنه لك كل عضوة من محبة

ياه ياه ماتهربوش استناو وين رايحين وين هاربين راني راح نحط تطبيقي راني ماغير حبيت نزهي ميمة لوليدات شوية

كالعادة نبداو بالحكاية ماتخافوش مش راح نطول باختصار اني طلبت من اختي انا امهم الطبق التونسي الشهير كسكسي بالحوت
و كثر خيرها انها حطتهولي .... لكن للأسف ماشفتوش حتان نبهتني ليه فقمت في هاديك العشية الضيقة بالشي الموجود عندي و طبقتو

يعني ماتراعيوش لوصفتي لأنها بتصرف
على هك تبعو من هنا خيرلكم

https://www.djelfa.info/vb/showthread.php?t=1190034

جبدت من الكونجيلاتور شوية مرلان منحي راسو مانقدرش نطيبو بيه وااااااااااع يعيفلي قلبي و فوحتو كيما راح تلقاو في الوصفة ... امممممممممممممممممممممممممم ريحة الكروية تقققققققققققققققققققققتل

و قليت البصل و الطماطم كيما قالت لكن ماكانش عندي الكرم "و بكل صراحة مانقدرش ناكلو عندي كولون"
و حطيت عليه الخضر المطلوبة

غير قوليلي لحبيبة انا امهم القرعة الحمراء يخي هي الكابوية الي تجي مدورة كبيييييييييييييرة و يزينو بيها رأس مخيف و مضيئ ليلة عيد الميلاد

المهم و لحت فوقهم المارلان لما طاب خرجتو و خليت الخضرة تكمل طيابها

و الأن الخدمة الي عيات تدخلي لراسي مش خفت انها ماتشربش مرقتها و لكن خفت يقولولي "عطيتينا الفضلة" عذرا اختي انا امهم احنا عمرنا مادرناها هك ..... عموما الحشمة قتلتني من انا امهم لأني نص الوصفة كليتها ايا قلت كورجي يا ام اريج و احشمي على عرضك و ياله

يا يما يا يما الريحة تققققققققققققققققققققققتل "تزطل" امممممممممممممممممممم و البنة مانحكيلكمش ياله جربوها و تشوفو

و ياله في سع في سع حطيتلها الخضرة

نسيت ماقلتش راني تشجعت نصف تشجيع فقط طبعا سقيتها و شَرْبَت و لكن خليت شوية سقيتو على الطريقة الجزائرية

هنا كيما تشوفو حباباتي السلاطة و الحوت المتبقي وحطيت كسكسي انا امهم و كسكسي على الطريقة التونسيجزائرية و شوية مرقة للي يحب يزيد

و درك نجي للمفيد فعلا فعلا نتمنى عليكم تجربوه لأنه بنة عظييييييييييييييمة خارق للعادة
و نحب نقول للعزيزة انا امهم راكي شبعتي دعاوي الخير من كل الأسرة و خاصة مني و من رب الأسرة لأن البنات اكلوه كامل و ماشيبونيش في الماكلة كي عادتهم
شكرا عزيزتي انا امهم ربي يبارك فيك و في صحيحتك و في عويناتك و ربي يحفظلك وليداتك و يفرحك بيهم دنيا و آخرة آمين

ام عبيدة · 2013-01-26, 13:24

بارك الله فيك اختي وكذلك للاخت انا امهم

شكرا

لمسة حنية · 2013-01-26, 13:36

الله الله على الابدااع واحنا خااوه توانس والجزائريين
وتقريبا نفس وصفاتنا
وانت ابدعتي اختى
شكرا لكي ولي انا امهم تحيه من القلب

أنا أمهم · 2013-01-26, 13:40

يا ســـــــــــــــــــــــــلااااااااااااااااااااااا اااااااااااااااااااااااام عليك يا لــــــــــــــــــــــــــــــــــــــــيلى (أريج المسك)

فرحتيني الله يفرح قلبك

و الله كلامك عسل عسل عسل , إن شاء الله ربي يجازيك كل خير على كلامك و على الإبتسامة اللي ترسميها على وجه كل شخص يقرى كلماتك

ربي يكثر منك الناس !!!!!!!

تطبيقك رائع , وعجبتني الطريقة التونسجزائرية متاعك و أكيد التغييرات اللي أدخلتيها على الوصفة تدل على شطارتك في الطبخ!!!!!!

الحمد لله اللي عجبتكم الوصفة , صحة و بالشفاء لكل العايلة , سلامي ليهم.

و بالنسبة لتونس و الجزائر (قلتها و نعاود نقولها للمرة الألف) : أنا لا أعترف بحدود وهمية رسمها الإستعمار بيننا, ما هي إلا خطوط على ورق ..... نحن شعوب واحدة يجمعنا الدين و اللغة , و ما يجمعنا أكثر هو الدم التونسي و الجزائري الذي سال في ساقية سيدي يوسف (أتمنى لو تطالعو التاريخ!!)
كما أأتمنى أن لا تفرقنا تفاهات خطط لها بنو صهيون كمنافسات الفن و الرياضة!!!!

سامحوني على المحاضرة اللي كتبتها ههههههه

نسيت نقوللك : آمــــــــــــــــــــــــــــين للدعاء , و لك بالمثل إن شاء الله

أنا أمهم · 2013-01-26, 13:48

رجعتلك مرة أخرى ههههه

القرع : صحيح هو اللي ينقشو عليه راس وحش مخيف في عيد النصارى هههههه

و الشارع اللي حطيتو صورته, سامحني ما عرفتوش بالضبط لأكن حسب الظاهر موجود في العاصمة

و التغييرات اللي عملتيها في الوصفة , وافقتلك عليها ههههههههه ما تخافيش هههههه

التقييم 10/10

سمراء الدنيا · 2013-01-26, 15:57

الله الله عليك يا ام اريج جبتيها قد قد و الريحة لحقت حتى لعندي يعطيك الصحة و بارك الله في الاخت انا امهم

it's me · 2013-01-26, 16:08

اول حاجة لفتت انتباهي ماشي التطبيق ههههههههه كي كنت نقرا و لقيت رب العائلة هههه فرحتلك كي جا و فوتو المولود كيفكيف
بصحتكم و تطبيق رائع مع اني مانحبش الحوت بصح حبيت ندوقو
واصلي

soriaalg · 2013-01-26, 16:18

واااااااااااااااااااااااااو هاااااااااااايل يا اختي بارك الله فيكما بصحتكم شهيتوووووووووني

feuilleblanche17 · 2013-01-26, 16:30

4444444444444444444444444444444444 يصحتكم
و الشكر موصول لناس تونس و على راسهم انا امهم

fati 17 · 2013-01-26, 16:30

يعطيك الصحة ليلى على الابداع اسلوبك ممتع في الكتابة سلامي لامهم والحاضرات

نزهة الربيع · 2013-01-26, 19:51

ربي بارك قصعة تع حراير تاكلي بالصحة والهناء
و ان شاء الله ربي يخليلك بناتك وديما يسمعو كلمتك ومايشيبوكش ههههه

~ حراير ~ · 2013-01-26, 20:35

اقتباس:

المشاركة الأصلية كتبت بواسطة ام عبيدة

بارك الله فيك اختي وكذلك للاخت انا امهم

شكرا

و فيك بارك الله ام عبيدة شرفتيني بردك نتمنى فعلا انك تجربيها راهي بنييييييييييييييييينة

اقتباس:

المشاركة الأصلية كتبت بواسطة لمسة حنية

الله الله على الابدااع واحنا خااوه توانس والجزائريين
وتقريبا نفس وصفاتنا
وانت ابدعتي اختى
شكرا لكي ولي انا امهم تحيه من القلب

شكرا لك لمسة حنية على ردك الجميل
و فعلا انا امهم مبدعة خصنا غير نطبقو ابداعاتها و مش راح نندمو

~ حراير ~ · 2013-01-26, 20:48

اقتباس:

المشاركة الأصلية كتبت بواسطة أنا أمهم

يا ســـــــــــــــــــــــــلااااااااااااااااااااااا اااااااااااااااااااااااام عليك يا لــــــــــــــــــــــــــــــــــــــــيلى (أريج المسك)

فرحتيني الله يفرح قلبك

الله يسلمك اختي لعزيزة انا امهم و ربي يدوم فرحتك و هناك
شرفتيني بردك و بكلامك الطيب

و الله كلامك عسل عسل عسل , إن شاء الله ربي يجازيك كل خير على كلامك و على الإبتسامة اللي ترسميها على وجه كل شخص يقرى كلماتك

ربي يكثر منك الناس !!!!!!!

اللهم أمين والله كون نظل نخدم مانجيش في نقطة من بحر الخير الي تعملي فيه
ربي يثبت اجرنا و يجعلو من صالح الأعمال
و انا فعلا هاد وش نحب اني نفرح و نْفَرَح :d

تطبيقك رائع , وعجبتني الطريقة التونسجزائرية متاعك

و أكيد التغييرات اللي أدخلتيها على الوصفة تدل على شطارتك في الطبخ!!!!!!
الحمد لله اللي عجبتكم الوصفة , صحة و بالشفاء لكل العايلة , سلامي ليهم.

الله يسلمك حبيبتي
بكل صراحة هاد الطبع فينا في دارنا و في معظم الدزيريات و هو انه ما نكيلوش نخدمو غير عيننا ميزاننا و نحبو نزيدو او نقصو في الوصفة كي ما يحضروش كل مقاديرها يعني نطبقو على واش سخفنا نطبقو حاجة ما تحكمنا على الطياب و الأكل هيهيهيهيهيه

و بالنسبة لتونس و الجزائر (قلتها و نعاود نقولها للمرة الألف) : أنا لا أعترف بحدود وهمية رسمها الإستعمار بيننا, ما هي إلا خطوط على ورق ..... نحن شعوب واحدة يجمعنا الدين و اللغة , و ما يجمعنا أكثر هو الدم التونسي و الجزائري الذي سال في ساقية سيدي يوسف (أتمنى لو تطالعو التاريخ!!)
كما أأتمنى أن لا تفرقنا تفاهات خطط لها بنو صهيون كمنافسات الفن و الرياضة!!!!

كلامك درر و حكم و احنا فعلا نفتخرو بكل تاريخنا و امجادنا و خاصة يوم 8 فيفري وين تخلط دم الدزيري بدم خوه التونسي
لكن صدقيني ماحطيتش الأعلام بسبب الكرة و لكن فعلا هاداك وش نحس اتجاهك و انا فعلا من محبي تونس الشقيقة

سامحوني على المحاضرة اللي كتبتها ههههههه

نسيت نقوللك : آمــــــــــــــــــــــــــــين للدعاء , و لك بالمثل إن شاء الله

والله انك شرفتيني و فرحتيني بكلامك لعسل يا عسل
و بالنسبة للنقطة راني راح نطير بالفرحة بيها يليق بيا نصورها و نديرلها كادر لأنها شهادة نعتز بيها من عند حرة حراير المنتدى

~ حراير ~ · 2013-01-26, 20:56

اقتباس:

المشاركة الأصلية كتبت بواسطة سمراء الدنيا

الله الله عليك يا ام اريج جبتيها قد قد و الريحة لحقت حتى لعندي يعطيك الصحة و بارك الله في الاخت انا امهم

اهلا اهلا سمراء
والله نتمنى انك تجربيها راهي روووووووووووووووعة .... مع شطارتك و البنة تاع يديك هاداك هو الريحة تمشي لتونس و تلحق للسعودية

اقتباس:

المشاركة الأصلية كتبت بواسطة it's me

اول حاجة لفتت انتباهي ماشي التطبيق ههههههههه كي كنت نقرا و لقيت رب العائلة هههه فرحتلك كي جا و فوتو المولود كيفكيف
بصحتكم و تطبيق رائع مع اني مانحبش بصح حبيت ندوقو
واصلي

هيهيهيهيهيه قاعدة غير تعسي شكون الي جا و شكون الي راح
عندك تلقاي لمعلم فوق راسك و انت تتشهي في الماكلة
و ريوقك تسيل :d

اقتباس:

المشاركة الأصلية كتبت بواسطة soriaalg

واااااااااااااااااااااااااو هاااااااااااايل يا اختي بارك الله فيكما بصحتكم شهيتوووووووووني

الله يسلمك صوريا
فعلا بنين نتمنى انك تجربيه و تذوقيه بنفسك

~ حراير ~ · 2013-01-26, 21:01

اقتباس:

المشاركة الأصلية كتبت بواسطة feuilleblanche17

4444444444444444444444444444444444 يصحتكم
و الشكر موصول لناس تونس و على راسهم انا امهم

الله يسلمك حنونة و الشكر موصول لك على مرورك الجميل و كلامك الطيب

اقتباس:

المشاركة الأصلية كتبت بواسطة fati 17

يعطيك الصحة ليلى على الابداع اسلوبك ممتع في الكتابة سلامي لامهم والحاضرات

الله يسلمك فاتي و ربي يخليك حبيبتي

اقتباس:

المشاركة الأصلية كتبت بواسطة نزهة الربيع

ربي بارك قصعة تع حراير تاكلي بالصحة والهناء
و ان شاء الله ربي يخليلك بناتك وديما يسمعو كلمتك ومايشيبوكش ههههه

و ربي يخلييك حبوبتي زوهة و يخليلك والديك و خاوتك
ياله المرة الجاية جيبيلنا حوت فخاش من عنابة و نطيبوها مع بعض