القطب الجامعى ........المسيلة ...........

[بوبكر28]

الى كل من يعرفه او يدرس فيه او يقطن به او يسمع عنه

اليك هذا السؤال

كيف هو شعورك عندما تسمع بكلمة القطب نضرا لحالته الراهنة
ارجو ان تصف لى شعورك الحقيقى ولو في سطرين

علما انى شاهدته ولا ازال اشاهده لليوم واتنقل بين (( حدائقه الغناء )) هههههه

[صلاح الفقير]

والله انا مقيم بالقطب وأدرس بالقطب وعند سماعي للقطب الديقوطاج : لتما الديقوطاج يبلغ اقصى درجاته
لاشان نتاع الريسطو: انا جامي مادرت لاشان لاني ديما حارقو مي كيتكون جيعان وتشوف لاشان تشبع وكمدولك هداك لبلا نتاع لحديد نتاع لمحابسية فيه شوية حمص موش طايب خلاص وما ابيض فيه الكمون يوجعك قلبك
النقل:تجي خارج من الاقامة مع صباح حاسب روحك طالب جامعي هاه وادا بك تلقى روحك طبع وتجري كلمهبول
لعباد : مكاش لطاحلي علقوسطو خلاص
لقرايا: اانا نقرا بيولوجيا ل م د ولتما تشوف الغاش يعاني ولا نخلايها بلا تعليق احسن
واش نزيدكم ديما هو احسن بيكتير من الجامعة ونشالله يديرونا النات في الاقامة ويعدلونا احوالنا
ملاحضة / علاه ناس لتما متتصرفش بعفوية دير شخصية مصطنعة هكا ادا كان واحد منكم يعرف وعلاش يقلي ..................

[احلام 2]

اقطب اجامعي هو في الحقيقة كلام جميل ومعنى اجمل
اي ان في بلادنا مثقفين وليس ثقافة علمية فقط وانما ثقافة عــــــــــــــــــــــــــــــــامة وكذلك اكتساب المسؤولية
تسوفري: ماديا ومعنويا وتتعلم كيف تخرج من المآزق
تتعرف على انواع وانواع من الفصائل البشرية مثل هذه:

وفي الحقيقة اضن انه
كن جميلا ترى الجامعة جميلة احيانا
وعفوا اخي ان خرجت عن الموضوع
وتقبل تحيات اختك احلام 2

[صلاح الفقير]

لم افهم شيء من كلامك اخت احلام يهمني الأمر ارجوا التوضيح

[صلاح الفقير]

ليكن دوما في المقدمة

[لؤلؤة الحضنة]

و الله بالنسبة لرأيي أنا معك 100 % أخي صلاح الفقير ... أنا كذلك مقيمة و أدرس في القطب بيولوجيا ل م د سنة أولى و أتمنى لوكان يتكرموا في القطب و يديرولنا النت و المكتبة في الإقامة .. على الأقل نعودوا نلقاو كيفاش نجوزوا الوقت خير للبنات من التمسخير و الاعراس اللي راها تندار عندنا كل ليلة ( أترك الموضوع بين قوسين ... ) ...
ربي يصلحنا و يصلح أمة محمد أجميعين .. قولوا آميــــــــن...

[بوبكر28]

شكرا لك يــــــا صلاح الفقير

واش نزيدكم ديما هو احسن بيكتير من الجامعة ونشالله يديرونا النات في الاقامة ويعدلونا احوالنا
ملاحضة / علاه ناس لتما متتصرفش بعفوية دير شخصية مصطنعة هكا ادا كان واحد منكم يعرف وعلاش يقلي ..................

1- يا خويا صلاح راك غالط القطب مهما يكون ميكونش احسن من الجامعة (( حسونى )) ما فيهاش الشك
2- لو كان تعطينا امثلة على هذون الناس في اى شئ شفت شخصيتهم مصطنعة ؟

رانى نستنى في الرد تاعك

وشكرا لك

[بوبكر28]

نعم يـــــــا احلام راكى خارجة على الموضوع بــ 120 كم ههههههههههه

لو كان تعرفى هدا القطب الجامعى كفاش عايشين فيه الطلبة تهربى و تسمحى في قراية الجامعة هههههههههه

شكرا لك

:d:d

[بوبكر28]

شكرا لك يـــــــــــــا لؤلؤة الحضنة


وش نقول لختى رانا متضامنين نعاكم احنا اللى نسكنو في حسونى
اما قضية النت والمكتبة فتأكدى بعد مدة طويلة و يا ربى ويديروها (( فيها الشك ميديروهاش حتان تتخرجى ))

اذا كنتى مقيمة في القطب الجديد اللى حلوه هذا العام
شوفى الاقامة اللى قبلكم ( في القطب ) مافيها لا انترنت ولا شئ
وش حبيت نقلك
اذا كان عندك شوية معريفة برك بروفيتيها بلاك تتبدلى خير ما تبقاى في قندهار ((القطب ))

وشكرا لك على المرور و التفاعل

[صلاح الفقير]

أخ بوبكر حاب نقلك و هدا واقع نبات شهر في القطب ولا ليلة في حسوني لتما كلش مسخ انا رحت للجامعة وشفت مدرج من مدرجاتها لقيتهم كاتبين فيه كيذراري صغار كاتبين في لوح هادوك لتريحو فيهم والله حشومة طفل صغير عاد يحشم باش يكتب فوق الطاولة مي القطب والله يعجبني من ناحية البني و صح كتريح في المكتبة نتاع البلوك d تحس بلي راك طالب وانما ميخفاش النقص في الخدمات وهادي في كل جامعات الجزائر ياك رانا الكل في دزاير ام الاخت لؤلؤة الحضنة ادا تبدلت من القطب حتندمي وخاصة راكي تفراي معاي لتما رانا الحمدوالله مقارنة معاهم في حسوني على فكرة درنا اضراب وزادونا 2 كيران الوحدة فيهم تهز 70

[صلاح الفقير]

آه راك نتما يا لبنات كل يوم نسمعوا في تزقريت قلت انا القطب هدا مسكون وادا بيها هم الطالبات ربي يهديهم اهم فرحانين استقلوا من ديارهم وكاين حاجة يا اخت لؤلؤة الحضنة مذابيكم نتما لبنات تخلونا نريحوا معاكم من لول حنا تاني حابين نقراو مي والله حشومة نهار الحد نتاوع الكلاسيكي عل12.30 جيعانين متخليوهمش يخرجوا ونتما لبنات طبعو عند الباب على جال البلاصة لولى على فكرة انا سنة اولى معاك سكسيون aمي نحضر مع b والفوج a7
ويا اخت لؤلؤة الحضنة حابك في مشاراكاتك اجاية تذكري الجانب الايجابي للقطب ادا كان حسوني عاجبتهم حنا في القطب راهي كما جامعة هامبورغ نتاع للمان اهاهاها

[بوبكر28]

يا الفقير نسقسيك انت تقرا وتسكن في القطب ولا تقرا فيه برك

[صلاح الفقير]

نقرا ونسكن لتما

[صلاح الفقير]

وين راك يا بوبكر

[بوبكر28]

اسمحلى والله نسيت روحى
اذا حبيت اعطينى سكيب تاعك نهدر معاك