الغربة
تواحشنا بلادنا وحنا برة....والغربة مكتوبة عنـــــا يا لحرار
عديناها هموم وليالي مورة....وما يحملها غي لي مثلي صبار
خليـــنا لعزيز وذيك دشرة....ولميمة تبكي وقلبها محـــــــــتار
علي راح وخلا فيها جمرة....واش يصبرها على مامو لبصار
خلينا ابلادنا جنا خضرة....وزحفنا بذل لبلاد الكــــــــفار
ولينا عجم في بلاد الكفرة....ولباس يحشم ويفلوش لنضار
لاحشمة لاخوف راحت سترة....ولي عندو نيف ما يحمل العار
رها علينا قسات ياما بالحقرة....ولا خدمة فيها وضيعنا لعمــار
الي نقصد ليه يخزرني خزرة....ويزيد يلاوم عني بحتــقار
لا قدر لاجاه يطفي ذالجمرة....ولا بابور يهزني نراوح لدار
بنت رومية تسحر بنضرة....ويذى بغاتك ما تعمرلك لوكار
تلعب بيك ايام وتلوحك برة....ما بنت صيل تدي مل لخــيار
هيا شوف الزين في بنت الصحرة....ما يجوها فالعين بنات الكفار
الخد اعطر وجبين من القمرة....ورقبة من شفها يحلف بــــلار
اتواحشنا ياما طياب الكسرة....وشخشوخة حارة تفاجي لضرار
وشاي بنعناع من يد السمرة...يا لميمة راه قلبي ليكم طـــــــــار
ياربي يخالقي لــــــيك القدرة....سهلي بجاه النبي المختــــــار
نرجع للجزائر الحورة العطرة...ونا بين ميمتي ننسا لي صار
كلمات محمد لعمارة
( تقرير عن مشاركة سيئة )، و الموجودة أسفل كل مشاركة .
2011-08-10, 23:07
الغربة
العرض الشجري