عمل المرأة..... انقلاب السحر على الساحر

[YACINE HAMLAOUI]

حقيقة عمل المرأة اصبح سلاحا ضدها .............من كل لنواحي المرأة لا تحتاج الى اعفاء من الخدمة الوطنية وبالتالي مع تخرجها من الجامعة ستعمل ان وجد مكان شاغر في حين الشاب المحظوظ هو من يأتيه نداء الخدمة الوطنية ولا يبقى اعوام ينتظر لا هو بالعمل ولا هو بالخدمة الوطنية ........المرأة ترضى ولا اقول كلهم بل اغلبهم يرضون بأقل الاجور ولا يهم التأمين ولا الوقت الاضافي عكس الشاب..............حقيقة واااااااااضحة
كل النساء اليوم تعمل وتلوم الشباب عن جلوسه في المقاهي ...........وتقول اعمل اي شيء يعني ان شاب حامل شهادة ليسانس اعمل في البناء او اعمال اخرى لا لشيء الا لان الاخت غير مطالبة بشهادة الخدمة الوطنية وغير معنية بمدى تلاؤم المرتب مع ضرورة فتح بيت زوجية وغير مطالبة كذلك بجبال لعقبات التي نحملها نحن ..........بعد سنوات ستعمل كل النساء بفضل جهود الدولة للقضاء على البطالة وحرية المراة ......ونبقى نحن (نجرو ورا ورقة لارمي والشهرية الزينة لي نقدرو نسلكو بيها الشرط....ونسكت خير ) ارجو النقاش الجاد لهذا الموضوع ومحاولة طرح حلول وعملية وواقعية

[مارس]

[YACINE HAMLAOUI]

شكرا اخي لكن هدفن النقاش وبحث الوضع الذي نتخبط فيه

[سلاف26]

الرزق بيد ربي سبحانه و كل واحد يأخذ رزقه و لا يمكن لأحد أخذ رزق أحد
مشكور على الطرح و ربي يرزق الجميع

[اليتيمة العصماء]

سمي رجل بسبب المصاعب التي يجب ان يمر عليها و ليس له الحق ان يحاسب المراة

[YACINE HAMLAOUI]

الاخت مشكورة لكن نريد الواقعية وليس المثالية عمليه حسابية بسيطة البنات مكانش في الخدمة شكون لي يخدم والشباب وشكون لي رايح يروح يخطب الشباب يعني منعمرورش الخدمة بالبنات لي يقبلو كل شيء الاجر الزهيد التامين غير موجود زيادة اوقت العمل دون زيادة الراتب مغريات كثيرة لرب العمل انا اول ناس نخدم طفلة وما نخدمش شاب بصح كي يكونوا ماكانش رب العمل يكون مجبور يخدم شباب باجر لائق وبكل الشروط القانونية الواجبة مش نفسدو ونقولو الرزق على ربي شوية الواحد يكون منطقي وشكرا

[اليتيمة العصماء]

و لكن نحن ايضا بشر نحتاج الى العمل مثلنا مثلكم و الحكمة تقول قفز تعيش ادا نتوما راقدين معانا منديرولكم تقبل مروري اخي

[YACINE HAMLAOUI]

الاخت fati-fleur لم افهم سؤالك؟؟؟؟؟؟؟؟؟

[YACINE HAMLAOUI]

معليهش عدنا احنا لي راقدين بالله عليك كي تروح تخدم ويقولك ورقة العسكر كي تروح تخدم ويقولك السن القانوني كي تروح تخدم ويقولك مكانش تامين ولازم تجي تخدم كل ما نعيطولك بل ما نزيدوك الشهرية تبانلي ما يقبله غير لبنات عندك اخوتك ذكور ومن لمفروض تعرفي

[اليتيمة العصماء]

انا اكبرهم يعني ربما ليس عندي خبرة و لكن انا لم اقول عكس ماتقول فكل ماقلته صحيح . انا احاول ان ادافع عن البنات لا غير . فحسب كل ما قلته يعني لسن سبب بطالتكم بل المسؤلون . و نحن نقبل هده الاعمال بهده المبالغ الزهيدة لنعبر عن وجودنا او لحاجتنا لها خصوصا مع الظلم و العنف الممارس ضدها شكرا لك اخي و عفوا تقلت عليك .

[YACINE HAMLAOUI]

شكرا اختي لكريمة لكن (ماهكذا تورد الابل يامعاذ)

[بسمة2009]

اقفز تعيش
ولات الخدمة بالوجوه

[YACINE HAMLAOUI]

ارجو ان تكون بالوجوه برك كان عادت هاك راهي نعمة بصح راهي بحوايج اخرى احن ما نقدروش عليها

[عطر الجنه]

وعليك السلام اخي
موضوع فعلا واقعي واختلط فيه الحابل بالنابل بمعنى انه ليست النساء كالرجال فالاولوية ف العمل للرجل ثم المراه لكن مانراه غير دلك اصبحت كل من تتخرج تبحث اتوماتيكيا عن العمل وهدا خطا لان هكدا راح نقلب الموازين كاين نساء لازملهم العمل لكن اخريات من الاحسن ان تنمي شيء اخر في حياتها والله مره فتاة جاءت تبحث عن العمل سالتها لمادا قالت لي بنت خالي راهي خدامه انا تاني لازم نخدم والمشكله مستواها السنه السادسه اساسي دهشت لما لحق له الموضوع عند الفتيات وهدا واقع ومالازمش نتهربو منه ...في رايي المتواضع لازم الدوله تتدخل بقوانين تمنع النساء العمل في بعض الميادين كدلك على الاداره ان تاخد بعين الاعتبار نسبة الدكور وتخليها دائما هيا لاكثر من نسبة النساء والابتعاد عن المحسوبيه والمعارف تقبل تحياتي اخي واسمحلي على الاطاله فقط موضوع يحتاج للكثير من المناقشه الجاده

[YACINE HAMLAOUI]

شكرا اختي الكريمة كلام عقلاني والاهم انه صادر من بنت حقيقة شكرا على منطقك وفكرك الواعي وتمنيت لو اطلتي لكلام