هل أذهب الى الترونسيت أو إلا الثكنة مباشرة؟

[jallaljallal]

السلام عليكم
إخواني الكرام جاتني لوردبال في المدرسة العليا للإشارة القليعة ويتوجب عليا الذهاب يوم :15/03/2013 هل أذهب إلى مركز العبور أم مباشرة للمدرسة؟؟
ثانيا هل هناك فحص ثاني في الترونزيت؟؟؟؟
ثالثا.: في حالة عدم ذهابي ماهي العواقب؟؟ مع العلم أنها لوردبال الثانية ومعها ورقة بيضاء.كما أني أعمل أستاذ مرسم وعمري 27سنة.
رابعا: شكرا لكم و الله يرحم الوالدين.

[sailor]

اخي لازم عليك تدي قرار الانتداب وتوفق عليه في المؤسسة لي راك تقري فيها ومن بعد تديه مديرية التربية مع نسخة من استدعاء الخدمة الوطنية ...هكذا باش كي تكمل الخدمة الوطنية تولي للمنصب نتاعك بصفة عادية ورسمية ...
اما في مايخص مركز العبور هي من الافضل الالتحاق مباشرتا بالمدرسة لانو راح تسوفري شوي في مركز العبور وفي التنقل ..
في حالة عدم ذهابك العواقب؟ هي انك ابسط مثال تكون مسافر وانت في حالة سيفيل يعني مدني ويحكموك في مركز تفتيش يعني براج ويطلبو منك الاوراق راح يسنيالوك بالراديو اذا كان خرج فيك بي روشارش راح يرفدوك من المكان لي حكموك فيه مباشرتا الى الثكنة العسكرية يعني ميعطولكش حتى فورصة الذهاب الى البيت..
لوردبال الثانية ومعها ورقة بيضاء تسمى بي دروت هذي تسمى الالتحاق فورا بالثكنة يعني هي راهم يسنيليولك بلي راح يخرج فيك بي روشارش ...اذا عصيت الامر .....واذا كنت في المدرسة العليا للاشارة بالقليعة مرحبا بك رانا كامل في رحبا ونجوزهم بالصحة والهناء..واذا كان عندك امر اخر او دوسي اوي اي شيء يهنيك من الخدمة و 18 شهر ننصحك غير ديرو ومتروحش احسنلك ...احنا رايحين معندنا والو لاخدم لا والو لا عقود لازم علينا نروحو

[المنتخب الجزائري]

اخي ارجوك انا عندي ملف طبي هل ممكن يعملولي فحص في مركز العبور و يعفوني من هناك ام مخصص للنقل فقط

[TAREKCH34]

على حسابها القليعة راح تكون معمرة بزاف لي نعرفهم بعثولهم القليعة

[jallaljallal]

معناه أخي الكريم منروحش خير لي.

[المنتخب الجزائري]

اخي ارجوك انا عندي ملف طبي هل ممكن يعملولي فحص في مركز العبور و يعفوني من هناك ام مخصص للنقل فقط

[Cayote]

قاع رانا في لقليعة ..... ان شاء الله تسلك على خير .....

[sinopointic4]

مباشرة للمدرسة

[زياني الجزائري]

خاوتي انا نقوللكم روحو احسن لكم

اولا لوردبال جاية جاية ذروك ولا من بعد

لذلك روحو احسن ليكم

انا حاليا انهيت الستاج تاعي وراني نقارع في الميتاصيو

بالنسبة للسؤال نقولك روح للقازيرنا ديريكت خويا افضل لك ودير الروطار حتى 20 او 25 يوم نورمال خو ومتخافش

[khayraddine]

ِ شيخ و 27 سنة / يا خويا كون جيت بلاصتك مانروحش صراحة / ماغري انا فوتها

[serza]

[b]اخطيك من الترونسيت او تكره حياتك روح مباشرة للمدرسة [/b]قادر تقعد اسبوع وانت تسنى

[الصادق الناصح]

ماتروح لا للترونزيت لا للكازيرنة راك مليح في داركم

[ViVeAhMeD]

نتلاقاو في القليعه

دير على صالور

[ayyoub adam]

خوكم ايوب معكم في القليعة هههههههههههه تبا

انا الاستدعاء ب 15 مارس مي انا ناوي نجي في 23 مارس

رحبو بينا برك هههههههههههه

[lalib40]

المشاركة الأصلية كتبت بواسطة ayyoub adam

خوكم ايوب معكم في القليعة هههههههههههه تبا

انا الاستدعاء ب 15 مارس مي انا ناوي نجي في 23 مارس

رحبو بينا برك هههههههههههه

راك مريض ولا واش انا رحت ب22 وقعت 20 يوم باش البست ، ننصحك دير روطار ب 15 او 20 يوم .