حبوباتي البيتزا تاعي

أم محمد تاج · 2013-03-17, 10:56

حبوباتي الغاليات صباح النور حبيت نحطلكم البيتزا تاعي مانيش نفوخ بصح والله خيرمن لي تتباع بشهادة الجميع هام ليكم الصور:

أسمحولي ماحطيتش الطريقة على خاطر ساهلة وانتوما اكل تعرفو طريقة عمل البيتزا بصح هاهم المقادير تاعي:
ل 2 سنيوات كبار لازم: 700غ فرينة حطيلها 2 مغارف صغار ملح و3 مغارف كبار زيت الزيتون و مغرف صغيرة معبية سكر ومغرف كبيرة خميرة الخبز وبليها بالماء الدافىء واعجني وماتجريهاش كي تولي تعمل نبولات وتطرطق بزايد عليها وحطيها تطلع كي تطلع قرصيها على 2 سنيوات وحليها مليح وخليها ترتاح مدة 3دقايق ثم شعلي الفور وخليه يسخن مليح وأثقبي العجينة تاعك وحطيها داخل الفور حتان تشيح وخرجيها وديريلها لاصوص والزيتون والفرماج شيدر إذا حابة وعاودي رجعيا للفور حتان تحمار من لحواشي كي تحمار خرجيها وقطري عليها زيت الزيتون وزينيها باه تحبي ( أنا ندير فيها عظمة مشرشمة ومرابية وفرماج روج ومايوناز وطون تاع الزيت وأنا نحبها بالمعدنوس بصح راجلي وولادي مايشتيوهش في البيتزا) هاذي العجينة وطريقة الطياب أما فيما يخص الصوص فهي كالتالي:
دائما لزوج سنيوات لازم: 8 حبات طماطم متوسطين نرحيهم في الميكسور مع راس بصلة صغير و2 سنينات ثوم ونزيدولها 2 مغارف كبار زيت الزيتون و2 مغارف كبار زيت عادي ونملح ورشة صغيرة زعتر و2 ورقات رند ونحطها حتان تخثار مليح ونستعملها. وفيما يخص لهريسة 3 مغارف صغارهريسة أنا نحطلها 4 مغارف كبار صوص قبل ماطيب و مغرف كبيرة زيت الزيتون و3 مغارف كبار ماء ونخلط مليح تجي روعة.
شكرا لكن لصبركن حنوناتي ونشالله تعجبكم وأنا راني هنا على اي استفسار

kadikirou · 2013-03-17, 11:07

baraka lahou fik okhti chahitini

tasnime_ess · 2013-03-17, 11:08

راهي تشهي يعطيك الصحة

kadikirou · 2013-03-17, 11:09

okhti ki dirilha 3 magharaf zit zitoun bark matjikach naksa bsous

أم محمد تاج · 2013-03-17, 11:36

اقتباس:

المشاركة الأصلية كتبت بواسطة kadikirou

okhti ki dirilha 3 magharaf zit zitoun bark matjikach naksa bsous

بارك الله فيك حنونة لالا ماتجيش ناقصة على العكس تجي تقرمش هايلة

إلهام07 · 2013-03-17, 12:55

على بالي بلا ما تفوخي راهي بنينة ، أكيد من يديك روعة
أحلى حاجة في منتدانا أننا نتبادلو الخبرات باش نتعلمو من بعضانا ،
راني توحشتك بزاف ساعة على ساعة طلي علينا في قسم واش طيبتي اليوم

أم عاتكة · 2013-03-17, 12:59

يعطيك الصحة
راهي تشهي

layansandi · 2013-03-17, 13:42

يعطيييييييييييك الصحــــــــــــــة

أم محمد تاج · 2013-03-17, 13:53

اقتباس:

المشاركة الأصلية كتبت بواسطة إلهام07

على بالي بلا ما تفوخي راهي بنينة ، أكيد من يديك روعة

أحلى حاجة في منتدانا أننا نتبادلو الخبرات باش نتعلمو من بعضانا ،
راني توحشتك بزاف ساعة على ساعة طلي علينا في قسم واش طيبتي اليوم

ههههههههههههههههههه والله ياإلهام لسانك حلو كي قلبك ياغالية ربي يحفظك نشالله ويبارك فيك

أم محمد تاج · 2013-03-17, 13:54

بارك الله فيكم حبوباتي وشكرا لكن على الردود