سوف اجن فكل ضدي

[souzie]

السلام عليكم
انا فتاة ادرس في الثانوية السنة الثانية الكل يحترمني خاصة اساتذتي و الكل يشهد باخلاقي و تفوقي في الدراسة و لكن في هذه ايام حدث لي مشكل مع زميلة لي في القسم فهي دائما تفتعل لي المشاكل و تقول لي كلاما قاسيا و جارحا و انا دائما صامت لانني فتاة حساسة جدا و لا احب المشاكل و لكنها افتعلت المشكل و حدث ما حدث و اليوم كل القسم لم يتكلم معي و بدا يرمقني بنظرات حادة فانا اليوم لا يكلمني احد و انا منعزلة عنهم مما اثر في نفسيتي انصحوني سوف اجن

[mohamed160]

يا الاخت انتى لزام تشتكى بيها الاستاد انتعك او الى الادارى او الى الاهل انتعك ولزام تتشجعى ما تدخلى فى لعبها ما تقيمها خلص انسيها

[souzie]

رحت شكيت بيها مي نهار لي حكموها لاعبتها طلبت مني سماح مي غدوا من داك ولات تهدر في وحد لهدرة تقلق
شكرا لك على مرورك

[mohamed160]

والله يا الاخت ما تسمعى كلام الناس راهم يزيدوا عليها بزاف المهم انتى ابتعيدى عنها

[لبيبة1]

ممكن تقولينا وش قاعدة تقول عليك بالضبط؟

[souzie]

انا عندي مشكل ف نطق ما نقول ف فرنسية d نقول dj كل يوم تعيب عليا حتى كرهت و تفوت عليا و تولي تهدر هدرة لي منقدرش نقولها

[منهاج]

السلام عليكم

هي الموقف صح صعيب فكري في قرايتك وخليها تعيب وتهدر يجي الوقت يبان الصح وشكون الظالم والمظلوم

[امونة الشاوية]

اكيد هاذي وحدة فاقدة الثقة في نفسها و حسودة وغايرة منك لانك تقراي و الاساتذة يحبوك املا انت خليها تهدر وتشبع هدرة واش راح تنحي منك اذا هدرت وديري في بالك قرايتك و حياتك

[dahbi01]

أنصحك بأن لا تبالي ولا تفكري في هذا الموضوع تماما عليك الإهتمام بدراستك واعطي لكل ذي حق حقه وخاطبي الناس على حساب عقولها

[الكنوز]

السلام عليك كل هذا بدافع الغيرة لانك متفوقة فقد تعرضت لنفس الموقف عندما كنت ادرس لدرجة ان كل زملائي قاطعوني احزنني الامر ثم فكرت مع نفسي و قلت بانني جئت لادرس لا لاكون علاقات صداقة و اكملت دراستي حتى وصلت للجامعة وهناك كانت لي الفرصة للتعرف على اصدقاء فقط اثبتي ولا تنفعلي ولا تلقي لها بالا فهي ستبحث عن ابسط خطا منك فافضل حل ان تتجاهلينها فهي كلما احست انك تتحسسين منها زادت في عنادها فان هي قالت عنك شيئا سيئا تحدثي انت عن مميزاتها و قولي لها انها افضل منك و سترين النتيجة ان كل ماقلته عن تجربة شخصية وقي الاخير اقول لك يجب ان تكوني قوية اعانك الله

[كبسولة الاحلام]

كون جيت منك نطيلها طريحة كحلة ياسيدي يظلموني ومانريكلاميش على روحي
متسكتيش عليها

[soha1987]

ايه كيما قالتلك كبسولة اعطيها طريحة درك تعرفك شكون نتي هههههههههههههه راني نتمسخر برك نقولك الصح بعدي عليها وماتزيديش تشوفي فيها خلاص وشوفي وحدة من صحاباتك الثقات وروحي تقراي معاها وروحي معاها وتفاهمو تقتلوها بالبارد ولا كان ماحشمتش شوفي اختك لكبيرة اكثر منك ولا خوك ابعثيهم يهدرو معاها ويخوفوها ديري واش قتلك وشوفي
لاكان مافادوش ابعثي باباك لدارهم يربيوها اما انتي ادي هادا درس ليك باش تقوي شخصيتك وديري حدود باش صحاباتك يهابوك ومايتجرؤش عليك انا كونت قبيحة نهار كونت فالليسي كامل يخافوني لي جات بنت امها تهدر حدايا اختي لازم قوة الشخصية انيها فهاد السن وحطي النقاط على الحروف في تعاملاتك ماتقوليش انا صغيرة لانو نهار تكبري ماتقدريش وزيد تتعبي

[wafa16]

خليك منها كلنا جزنا على هاد العقلية تع المقاطعة و الحصار
يجوز شوية و قت ينساو و يولو يهدرو معاك كاش اسبوع 15 يوم و ينساوك
و هدرتها ما ديريش عليها هادي غيرة تع لبنات امبعد تتهناي منها

[souzie]

والله غير صح خلي كامل ميهدروش معيا مانيش سايلى عليهم الصح فس قرايتي صحيتو

[karim vovinam]

السلام عليكم
أختي هذي واش تعنيلك مراح ديرلك والو ماراح تابنيلك قبر ولا تبنيلك قصر أرمي عليك خطكش كين ربي صبحنو خير من كامل الناس و ولديك عندك وخوتك وش دزيدي و كلما ينقصو ناس تتهناي و تاني يا ختي ناس هكذا متوجعيش و متعمريش راسك بحويدج بلا فيدى ولي يقدرك بخنونتك ميبدلكش ههههههههههه أيا سلام كثري إستغفار