من فضلكن كيف نتحصل على فشار ملون

سوسن-سوسن · 2013-02-19, 17:24

السلام عليكم
من فضلكن اريد طريقة صنع فشار ملون
جربت الملون الغذائي في الزيت ولم تنجح الطريقة

الوهرانية 1 · 2013-02-19, 17:51

السلام عليكم حبيبتي
الطريقة نعتمدها انا يعني طريقتي الخاصة نعمل
المالح العادي والمالح بالجبن
والوردي بنكهة الفراولة
والطريقة حبيبتي في التلوين الي راكي تحوسي عليها هي
انك تحطي الزيت والدرة في الطنجرة حتى يتفرقع
بعدها جيبي كمية من الماء ولونيه باللون الي تحبيه قلتلك انا نستعمل فراولة يعني لون احمر وقطرة عطر وشوية سكر
ورشي الحبات وحركي مليح اكيد تقولي راح ينتل يعني يطرى تكوني مسخة الفرن وقرمشيه
نتمنى نكون افدتك حبيبتي
ننصحك رشي بحدر يعني من بعيد حتى يتغير اللون
سلامي

سوسن-سوسن · 2013-02-19, 18:02

بارك الله فيك راني نجرب فيه ونردلك الخبر
شكرا

الوهرانية 1 · 2013-02-19, 18:05

تبعي الخطوات ومن بعد نزيدك طرق كثيرة ونعطيك طريقو شوكولا الفشار راهي رائعة ويحبوها الاطفال

سوسن-سوسن · 2013-02-19, 18:26

من فضلك راني جربت الان
لكن ذاب الفشار
يعني مثل ما نضعه في الفم
ما علاباليش وين غلطت
زيدي دبري عليا الله يخليك ومشكورة مسبقا

شلال فرح · 2013-02-19, 19:40

خلطي شوية ملون مع قطرات ماء و ضيفيهم للسكر و حطيه ينشف فوق المدفئة

ديري الزيت في الكوكوت

و ديري قدر نص كاس بشنة حبات

و لما تسمعي انها بدات تطرطق

رشي من فوق هداك السكر غير بالشوية و اغلقي الكوكوت

درك يذوب هداك السكر بفعل الحاررارة و تتلون البوب كورن نتاعك