كروكي رايع وما يتشبعش

نورانيات · 2013-10-01, 15:15

السلام عليكم، اليوم درت كروركي جاني هايل حبيت نفيدكم بالوصفة أنتاعو: 4 بيضات +كأس ونصف سكر خلطي مليح أضيفي كأس ونصف زيت وخلطي ثم كيس فانيلا أو قشور الليمون بعده حطي كمشة تاع زبيب يفور وبعد ما يبرد أضيفيه لكأس نتاع نشاع وخلطي ثم فرغي النشاء على خليط الكروكي مع اضافة كيس ونصف خميرة نتاع الحلوى وشيحي بالفرينة مالازمش يكون يابس بزاف ولا جاري بزاف بلي يديك بالزيت واعدلي الكروكي على شكل أعمدة في البلاطو ومن فوق ديري خليط صفار بيضة مع قليل من الحليب وقليل من القهوة الطايبة وملعقة صغيرة سكر اوزيني بالجلاجلانية ثم ادخلي البلاطو للفرن بعدما يطيب خليه يبرد شوية ثم قصيه مستطيلات وقلبيه على الجنب وعاودي ادخليه للفرن باه يتحمر على الجهتين . نتمنى تنجح الوصفة معاكم صدقوني راه رايع وما يتشبعش.