مشكلتي

[sasou2013]

سلام الله عليكم شكرا لكم

[OU SS AMA]

ربي يهديها الوالدة عمرهم الدراهم مكانو كلش بالعكس كونن متوفقش عليه رايحة تندم بزاف بزاف وكيما قلتي في هاذ الزمنن لي رانا فيه قليلل واين تلقاي راجل فيه هاد الصفات قوليلها تراجع نفسها مليح ولكان عندك بباك شوفي واحد منن العائلة يقنعو والهدرة تولي ليه هو الوقت لي رانا فيه صعيبب والسترة مليحة انا عن نفسي رايحة ندعيلك وانت صلي وادعي ربي يهدي امك وربي يقدم لي فيه الخير متتقلقيش لعاد من نصيبك تديه تديه اصبري برك والله المستعان

[إلهام07]

والله يا أختي هذا راهو المكتوب مازال واش تقولي أنا صاري معايا العكس تماما ، ماما قاتلي ماعليش يجي برك و باباه و يماه ماحبوهش يخطب قالولو مازالك صغير ( 30 سنة في عمرو ) ولازم الدار وهذي وهذي مع أنه يخدم و يسلك 30000دج و مرسم عند الدولة و عندو دار في نتاع عدل رايحين يمدوهالو في 2013 ، كل مرة يخرجو سبة ، لازم حتان يزوجو خاوتك الكبار ، حتان تزوج أختك ، نريبو الدار و نعاودو نبنيو ...... وهاذي كامل سبايب لاخاطر ماهمش قابلين يتزوج بيا ( أنا عمري 31سنة ) ، وهو مسكين متمسك بي و الله غير متربي و ناس ملاح بزاف ، رايحة نهبل ، دارلي انهيار عصبي في الصيف اللي فات لبنات كامل تزوجو و يمكرو كي يشوفوني يحبو يغيروني باللي مازلت بايرة .
مالا أختي أتهناي راهو حالك حال 1000000 طفلة في الجزائر

[ام سليمى]

يا لحبيبة واش رايحة تعملي هذي امك وهذاك حبيبك ؟؟؟؟اصبري وادعيلها ربي يهديها وقوليلها بلي الرسول عليه الصلاة والسلام بارك فالزواج القليل وقال ...التمسوا ولو خاتم من حديد صدقيني يا اختي البركة راهي فالقليل والمهم هو الهنا رانا شفنا قداش من حالة زواج مدولهم لي بارور والشرط 18 و20 مليون وفينالمون طلقوا ولا راهم فالمحاكم والشروعات و كيما قاتلك الاخت الى راهو مكتوبك والله غير هو الي تديه والى ما كانش مكتوبك راكم تتزوجو وترجعو طلقو امالا اصبري وعليكي بالاستخارة و الالحاح في الدعاء وربي يجيبلك الي فيه الخير يا رب..

[raboha]

بسم الله الرحمن الرحيم
يا ختي أطلبي الهدايا لأمك و قوليلها الدراهم ميديرو والو بالعكس تتمنى ليك السترة و الهنا
حتى و ميكونش شهار و تتزوجي بيه تعيشي معاه عيشة الملوك و تكونو هانيين
و الله يا ختي ماش كي الهنا
خويا كان خاطب وحدة مدة 4 سنين و كل مناسبة يديلها حقها غير الغالي و مهرها كان غالي و ذهبها غالي
و كي قرب العرس بدات يماها تتشرط زيد دير ذيك و ذيك و لازم طايور التصديرة أنت تجيبو...... حتى فركتت الحالة و طلقو
عندهم 3 سنين مطلقين هي بنتها راها قاعدة بلا زواج و خويا ربي عطالو وحدة على نيتو و قريب نفرحو بيه
و الله يا ختي الدراهم يفرقو و ميولدوش السعادة
صلي صلاة الإستخارة و إدعي ليماك تقبل بيه و ربي يهنيك

[شلال فرح]

يا اختي الله يهديك

علاه تبقاي في علاقة مع واحد ما بينك و بينو حتى حاجة و كون يزيدو والديك يسمعو ما يرضاوش عليك

علاه تمسخي بسمعتك و كرامتك

حتى لو نفرضو انو صح مكتوبك ان شاء الله

يااختي لي كاتبها ربي ما تمحيها اليدين لكن اصبري باه تبقاي بكرامتك و عزيزة عندو و عند اهلك

و زيد ممكن ربي ما شافش فيها الخير ليك

علاه تتمسكو بالوهم في حين ممكن الخير راهو فالطريق

طون يبعثلك ربي ولد حلال و ميسور ماديا و يسمع بيك بلي راكل مع راجل اخر ماش حا يتقدم ليك طبعا هو ولا 100 غيرو لانهم سمعو بيك

اصبري يا اختي و بعدي على هذ الراجل علاقتك معاه حرام و استناي مكتوبك بكرامة

و فالاخير نقولك و عسى ان تحبوا شيئا و هو شر لكم

و عسى ان تكرهو شيئا و هو خيرا لكم
راجعي نفسك ماش علاجال راجل تخسري سمعتك و كرامتك حتى لو كان يحبك و تحبيه

[أم محمد تاج]

حبيبتي واش راح نقولك غير الدعاء ثم الدعاء ثم الدعاء واستخيري ربي معاك وجينا نحلو مشكلتك زادت مشكلة الأخت الهام 07 ربي معاكم هذا مانقوللكم يارب يفرج عليكم آميييييييييييين

[SarSouRa28]

يا اختي شوفي انا صرالي نفس المشكل وغير لوكان جات مع ماما .بابا هو لقالي ربي فوق وانا تحت لوكان ديتيه-خاطر هو من ولاية غير ولايتي - انا مربحتلو لعيب موالو وراكي تعرفي بلي حنا حواء منعياوش مالا شوفتلو واحد يعرف بابا ويعرف صاحب راجلي ايا را راجلي مع صاحبو وداو صاحب بابا وراحو لبابا خخخخخخخخ بابا زاد قال لالا قتلو معليش انت عليك بترقاق القرص وانا معليا بالماكلة مرتين وبديت كل مرة نبعث راجلي لواحد من معارف بابا يديه معاه ويروح بعد عامين بابا استسلم ملا انت تاني ديري هكداك ادا يماك واعرة بزاف روحي شوفيلها ناس لتحشم منهم كل يوم تجيها وحدة تقلها سهلي لبنتك راهي تولي معلوقت تستسلم ليوم راني صايمة والله مع لفطور ندعيلك ربي يسهلك ان شاء الله ويكتبهولك عاجلا غير اجلا

[zhor1970]

ربي ايفرج علي كل وحدة راهي مغبنة فالزواج وربي يهدي كل غالط امين


كثرو من الدعوة وتوسلو لربي سبحانه ومرت حد مايديها حد هكذا كانت اتقول جدتي الله يرحمها


والعبد في التفكير والرب في التدبيروانشاء الله الفرج قريب

[sasou2013]

شكرا صدقوني بعد ما قريت واش قلتولر حسيت روحي ارتحت شوية ماتنسوناش بدعاء و لكم بالمثل إن شاء الله

[nouhati]

السلام عليكم اختي كل شيء بالمكتوب و مايدي غير اللي كاتبتلوا لازم اديري هدا الشيء في بالك رايحة ترتاحي وبلاك تديري فكرة انه اذا ماديتيهش رايح كاش مايصرا فيك ثقلي روحك فكري بلي ادا كان ربي كاتبهولك تديه و ادا كان ماهوش كاتبهولك ماتدهيش كاينين اللي لحقوا لنهار الدخول و بطلت لحكاية على اتفه الاسباب استخيري ,صلي كثري من الدعاء و لوحي تكلانك على ربي سبحانه وتعالى اذا كان هو مصر راه يعرف واش ايدير يشوف ناس عندهم كلمة يهدرو مع والديك و بالاك ثم بالاك تخسري والديك على جال راجل الا خسرتيهم على جالوا راح يحتقرك و مايديرش فيك الثيقة منبعد املا الصبرثم الصبر ثم الصبر فالصبر مفتاح الفرج و الاكثار من الدعاء و انشاء الله تكون نهايتكم حلوة كيما هادا القسم من المنتدى و كثرينا الحلـــــــــــــــــــــــوى