فحلات المنتدى عاونوني

اكرام13 · 2013-06-23, 18:11

مساء الخيرااااااااااااااااااااات
حبيت نسقسيكم خبز الكوشة كيفاه ديرولو باه يجي مليح
تعبت وانا نجرب دائما ميجنيش مليح الطريفة لي يقولولي عليها نجربها
وربي يجازيكم

إلهام07 · 2013-06-23, 18:17

شوفي جربي خبز أم أماني وهذي مايغلطك فيها حتى واحد شوفي أنا كي درتو خرج يهبببل إذا عجبك نعطيك الوصفة :

اكرام13 · 2013-06-23, 18:29

ازربي غير حطي رايط ولا الوصفة وهادي حتان تسقسيني
شكرااااااااااااا رلي يفرحك كيما فرحتيني

إلهام07 · 2013-06-23, 18:37

خمريه مليح برك هاهي الوصفة على لسان صاحبتها :

خبز أم أماني

300غ فرينة

300غ دقيق ممتاز
فنجال صغير زيت
مغر كبيرة خميرة
مغرف كبيرة سكر
ملح
نبلها بماء دافي ونعجنها مليح مليح
نرشها بماء ونطري ونعجن حتى نتحصل على عجينة طرية نخليها تخمر
من بعد نقسمها الى كرتين نرش دقيق ونقرصها ونخمرها مرة اخرى
انا المرة لولى خمرتها 45 د
المرة التانية خمرتها تقريبا ساعة
ونطيبها في فرن سخون ونحمرها من فوق

جربوها الأخوات كامل وصلحتلهم فووور يعني وصفة جد مضمونة
هيا وريلنا شطارتك

إلهام07 · 2013-06-23, 18:41

نسيت نقلك أنا زدت فيه السينوج وقرصيه في صينية مدهونة بالزيت

اكرام13 · 2013-06-23, 19:00

مفهمتش السيونج وش هو

اكرام13 · 2013-06-23, 19:03

وزيد نسقسيك
شحال الوقت وشحال القوة نتاه النار

إلهام07 · 2013-06-25, 14:37

أسمحيلي المنتدى مايفتحش هذو يومين هذا وين شفت أسئلتك

اقتباس:

المشاركة الأصلية كتبت بواسطة اكرام13

مفهمتش السيونج وش هو

هذيك البذور السوداء اللي نحطوها في المطلوع بالاك تقولول الحبة السوداء أو السانوج يشبه في الجلجلانية وحبتو سوداء شوفي الصورة راهي من فوق الخبز رشيتو من فوق

اقتباس:

المشاركة الأصلية كتبت بواسطة اكرام13

وزيد نسقسيك
شحال الوقت وشحال القوة نتاه النار

الوقت نتاع الطياب حتى يحمار من تحت شعليلو من فوق وماتحليش عليه حتى يقرب يطيب ( حوالي 20-30د ) على حساب الفور نتاعك
أما القة نتاع النار متوسطة
حوالي 180-200 درجة

أي أسئلة راني هنا