تطبيقاتي لعمرة والديا

[أم أحمد عبد الصمد]

السلام عليكم ورحمة الله و بركاته
أولا أشكر كل من ساهم في هذا القسم من قريب أو من بعيد
في البداية كنت محتارة شا نصنع من كثرة الوصفات الناجحة و الرائعة الموجودة في هذا القسم ، قررت و نظرا لضيق الوقت بسبب الحراسة تاع شهادة البكالوريا أختار بعض حلويات جديدة مكنتش مجربتها من قبل :
نبدأ على بركة الله :
أول مرة نصنع التشاراك معتادة ماما تصنعولي كنت مكلفة حبيبتي تصنعهلي لكن الله غالب كان عندها ظروف قررت نجربو من كثرة ما عجبني و هو للغالية أم أماني (تشاراك بالعجينة السحرية ) فعلا روعة و يذوب فالفم و أسهل ما يكون أما القلاصاج فستعملت تاع حبيبتنا أم محمد تاج كنت نقلتو من عند حبيبتنا إلهام 07 أم الوردات تاع عجينة اللوز صنعتهملي حبيبتي خيرة ربي يحفظها و يسترها
أسفة الرابط مراهوش عندي الأن لأنو الوصفات راني طابعتهم ، نخليكم مع الصور




الحلوة الثانية : حلوة الغريلاند حاطتها حبيبتنا سليلة الغرباء و كانت جربتها حبيبتنا minaflawer الله يعطيهم الصحة قاطو هايل و زيد يقطع مليح


و هذا رابط الوصفة :
https://www.djelfa.info/vb/showthread.php?t=1057855

الحلوة الثالثة : لحبيبتنا أم أماني روووووووووووووووووووعة يذوب فالفم قلوب بالشيكولاطة بالكوكاو و الجلجلانية فقط حبات عندما كنت نزينهم من كثرة التعب البوختمونجي قلبلي معرفتش شتا ندير بيهم
من كثرة ما عجبني زدت مقدار آخر الله يهطيك الصحة




و هذا رابط الوصفة
https://www.djelfa.info/vb/showthread.php?t=1335692

الحلوة الرابعة : فو مشوك للغالية أمي متعودة نخدمها بطريقتها أظن من أحد كتب الحلويات ، إن شاء الله يرجعو بخير



الحلوة الخامسة : تاع الشمسية الوصفة تاع حبيبتي نوال، ربي يوفقها في حياتها الجديدة


أما المقروط و البقلاوة حبيبتي كريمة و أختها دلال غادي تصنعهم لي لي عودة فيما بعد إن شاء الله باش نحطلكم صورهما
شكرا للجميع بدون استثناء و ربي يحفظكم .
هاذو الحلويات لحبيباتي في هذا المنتدى الغالي