كرهت من الناس

[مشكلتي]

بسم الله الرحمان الرحيم
حبيت نعرف برك علآه الناس دايما يعايروا بزاااااااف
انا في ذاتي كرهت منهم مشكلتي انو انفي شوية كبير بصح الحمد للله مليييحة وكامل يقولي راكي تهبلي وكان خرين يقولولي وشبيه خشمك كبير يخليوني دايما نبكي نوكل عليهم ربي و ربي يهديهم هذي حاااجة نولمالا في العبد خلقني ربي هكاواش نديييير نقتل روحي ولا واش عيييييت منهم حتي كي نشوف بنات خير مني الزي نغييير جربت وصفات بزااااف كرهتتتتتتتتتتتتت والله منسمحلهم
واش راححححححح ندييييير عاونوني
و جزاكم الله خيرا

[بصمة قلم]

السلام عليكم ورحمة الله وبركاته

أختي الفاضلة ، من خلقنا ؟ أليس الله

فبكل بساطة من يضحك على انفك لا يسخر منك بل يسخر من نفسه فهو يستهزء بخلق الله وبالتعدي فهو يتهم الله بالنقص

كوني قوية واكثر ثقة في نفسك واللي يضحك عليك قوليلو وبكل برودة اعصاب "بارك الله فيك ماكش تضحك عليا راك تضحك على الله عز وجل"

وما نضنش كاين واحد رح يقدر يزيد يخرج النفس بعد هذا الكلام

ثمّ يا اختي أليس من العيب أن نتذمر من خلق الله ؟؟؟

ماذا لو خُلقتِ بتشوه في وجهك ، هل ستنتحرين ؟؟

انظري الى ما وهبك الله من صحة وجمال واحمدي الله على ذلك فغيرك مصاب بأمراض مزمنة لا شفاء لها ويتمنى ذهاب كل شيء مقابل عودة صحته

وعن موضوع الغيرة فاسمحي لي اختي الفاضلة واعتذر منك عن هذا الكلام ، لا يغار من الشكل الاّ ناقص عقل، كوني ارقى من هذا اخيتي ، ودعي عنك هذه الغيرة التافهة

اغبطي الناس على اخلاقهم وعلى دينهم وحاولي ان تكوني مثلهم فالمرؤ هو الذي يصنع اخلاقه وهي مكسبه، أما الشكل فلم نرى يوما شخصا خلق نفسه.

[لمسة ابداع]

اختي الكرييييييييييييييييييييمة كون تكملي هكدا بالعقلية هادي تتعقدي
جامي تقلقي من واحد يجي يضحك عليك على حاجة خلقها ربي كون ضحك على عقليتك ولاخايبة ولا............بلاك تقلقي مناه انت الهكاك بصح حاجة خلقها لك ربي جامي تقلقلي
ربي ينحي حاجة و يمد حاجة خير منها
شوفي مع الحوايج الملاح فيك يطلع المورال احمد ربي مناه خلقت عندك عينين صحاح يدين رجلين......... عندك عقل ماكيش معوقة..........الزين هو اللخر
و زيد بركاك من الوصفات هادو اللي جربيهم كاش ما يصرالك مناه الانف يصغار غير بالعملية الجراحية
هاد الناس لا تعيريهم حتى اهتمام

[فاطمة الزهراء31]

السلام عليكم
ختي لحبيبة ماتسمعيش للناس شكون لي يهدر في ناس غير العباد لي معندهمش مستوى فارغين شغل ديما تفائلي وضحكي وماتسمعيش للناس ربي خلقك هكا ومكانش انسان كامل مشي شرط تعجبي الناس الحمد لله على الصحة برك كاين عباد عميين وكاين طرشيين وكاين معوقين مايتمشاوش وتلقايهم عندهم ارادة يقراو وحامديين ربي اذا انتي مراكيش مقتنعة بروحك كيفاش حبيتي ناس يشوفك مليحة لازم تكون عندك إرادة وشخصية كيما يقول لمثل ياجبل مايهزك ريح وأصلا الناس حاجة ماتعجبهم خليهم يهدرو وكي يعياو يسكتوا وكاين عباد الله يهديهم خدمتهم التمنشير خليك منهم المهم تكوني انتي مقتنعة بروحك وماتخليش ناس ماعندهم حتى مستوى يعقدوك كوني طموحة ودايما كوني قوية وماتتأثريش بالناس ...بغيتي تعرفي علاش ناس تهدر دروك نجاوبك انا وكان جيت فارغة شغل ونلقا واحد خير مني نهبطلوا المورال فهمتي واش بغيت نوصلك الناس الناقصة كي ماتلقا واش دير وتلقى عباد خير منهم يبداو يهبطولهم في مورال حتى يكرهولهم حياتهم ويولوا كيفهم قراي وتعلمي وخدمي ولي في خطرك وصليها لاخطر الوقت يفوت بلخف استغلي وقتك وصغرك في صوالح مفيدة وفي طاعة الله واذا قعدتي تسمعي للناس ماديري والوا في حياتك وتندمي على الوقت لي ضيعتيه وانتي تسمعي لناس فارغين شغل نساي كلشي ختي وماتعمريش راسك وربي يوفقك في حياتك.

[الدر المكنون]

ربي يهديك

لازم تكوني على ثقة كبيرة بروحك وتامني بلي ربي خلقك هكذا لاختريواتيك لو كان جاء نيفك صغير على قولك ما يواتيكش

في بعص الاحيان نعيبو الخلقة وما علابالاناش بلي كلش بحسن تدبير المولى ابسط مثال الفنانات نشوفهم على طبيعتهم نيفهوم كبير ويديرو عملية تجميل يغيرو الخلقة يبشاعو

من الاخير الاخت قولي للناس وكلامهم من وراء الطوفان

[أمة محمد]

السلام عليكم ورحمة الله وبركاته أختي في الله لا تتعجبي أبدا من تصرفات جل البشر حتى لا نعمم فليس البلية في أيامنا عجبا بل السلامة فيها أعجب العجب سئل إبراهيم بن الأدهم لم لا تخالط الناس ؟ فقال : إن صحبت من هو دوني أذاني بجهله وإن صحبت من هو فوقي تكبر علي وان صحبت من هو مثل حسدني ,فاشتغلت بمن ليس في صحبته ملل ولا وصلة انقطاع ولا في الأنس به وحشة،و سأل الإمام أحمد بن حنبل مرة عالم الورع والزهد حاتم بن الأصم أخبرني يا حاتم أنى السلامة من الناس فقال له :يا أبا عبد الله في ثلاث خصال ،قال:ما هي قال:تعطيهم مالك ولا تأخذ من مالهم شيئا،وتقضي حقوقهم ولا تستقضي منهم حقا،وتحمل مكروههم ولا تكره واحدا منهم على شيء،فأطرق الإمام أحمد ثم رفع رأسه وقال:يا حاتم إنها شديد من يستطيع فعل هذا؟ فرد عليه حاتم : وليتك تسلم وليتك تسلم وليتك تسلم،إذا كان هذا في زمن الصفوة فما بالك بعصرنا هذا لاتتعجبي ولا تأبهي لما يصفون فلو يعلمون ماذا أعد الله للمظلوم لحسدوك يومها كما لا تنسي أن نبي الله نوح وقد سخر منه، قال تعالى: {وَيَصْنَعُ الْفُلْكَ وَكُلَّمَا مَرَّ عَلَيْهِ مَلأٌ مِّن قَوْمِهِ سَخِرُواْ مِنْهُ قَالَ إِن تَسْخَرُواْ مِنَّا فَإِنَّا نَسْخَرُ مِنكُمْ كَمَا تَسْخَرُونَ }هود38 والسلام ختام

[مناد بوفلجة]

إهزميهم بعقلك

كوني عاقلة بزاااف

حتى تستطيعين التفوق عليهم

المرأة ليست دوما جمال و شكل ،
بل أيضا عقل و معاملة

[محمد " ادرار"]

بسم الله الرحمن الرحيم



سافر أحمد بن حنبل إلى بلد ، فقصد مسجداً وتهيأ للنوم فيه ..
لكن حارس المسجد منعه من ذلك ، فقال الإمام – رحمه الله تعالى
إذاً أنام موضع قدمي بجوار المسجد
فقام الحارس يجرّه ليبعده عن المكان وهنا رآه خبّاز على هذه الحال
فعرض عليه النوم في بيته ، ولما دخل أحمد بن حنبل البيت لاحظ أن الرجل يعجن العجين ويكثر من الاستغفار ؟
فسأله الإمام أحمد وقال

هل وجدت ثمرات الاستغفار ؟
فقال الخبّاز: ما دعوت دعوه إلا أجيبت ! ،

إلا دعوة واحده لم تستجب
قال الإمام أحمد : وما هي ؟
قال الخبّاز : أن أرى أحمد بن حنبل
قال أحمد : ها أنا أتيت أجر إليك جراً .


هل تريد راحة البال. وانشراح الصدر وسكينة النفس وطمأنينة القلب والمتاع الحسن ؟
عليك بالاستغفار: {اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعاً حَسَناً} [هود: 3].
هل تريد قوة الجسم وصحة البدن والسلامة من العاهات والآفات والأمراض والاوصاب ؟
عليك بالاستغفار: {اسْتَغْفِرُوا رَبَّكُمْ ثُمَّ تُوبُوا إِلَيْهِ يُرْسِلِ السَّمَاءَ عَلَيْكُمْ مِدْرَاراً وَيَزِدْكُمْ قُوَّةً إِلَى قُوَّتِكُمْ} [هود: 52].
هل تريد دفع الكوارث والسلامة من الحوادث والأمن من الفتن والمحن ؟
عليكم بالاستغفار: {وَمَا كَانَ اللَّهُ لِيُعَذِّبَهُمْ وَأَنْتَ فِيهِمْ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ} [لأنفال:33].
هل تريد الغيث المدرار والذرية الطيبة والولد الصالح والمال الحلال والرزق الواسع ؟
عليكم بالاستغفار: {اسْتَغْفِرُوا رَبَّكُمْ إِنَّهُ كَانَ غَفَّاراً * يُرْسِلِ السَّمَاءَ عَلَيْكُمْ مِدْرَاراً * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً} [نوح :1012].
هل تريد تكفير السيئات وزيادة الحسنات ورفع الدرجات ؟
عليكم بالاستغفار: {وَقُولُوا حِطَّةٌ نَغْفِرْ لَكُمْ خَطَايَاكُمْ وَسَنَزِيدُ الْمُحْسِنِينَ} [البقرة: 58].

الاستغفار هو دواؤك الناجح وعلاجك الناجح من الذنوب والخطايا، لذلك أمر النبي صلى الله عليه وسلم بالاستغفار دائماً وأبداً بقوله: (يا أيها الناس استغفروا الله وتوبوا إليه فإني استغفر الله وأتوب إليه في اليوم مائة مرة) .
والله يرضى عن المستغفر الصادق لأنه يعترف بذنبه ويستقبل ربه فكأنه يقول: يارب أخطأت وأسأت وأذنبت وقصرت في حقك، وتعديت حقوقك، وظلمت نفسي وغلبني شيطاني، وقهرني هواي وغرتني نفسي الأمارة بالسوء، واعتم دت على سعه حلمك وكريم عفوك، وعظيم جودك وكبير رحمتك.
فالأن جئت تائباً نادماً مستغفراً، فاصفح عني، وأعف عني، وسامحني، وأقل عثرتي، وأقل زلتي، وأمح خطيئتي، فليس لي رب غيرك، ولا إله سواك.



يارب إن عظمت ذنوبي كثرة ***** فلقد علمت بأن عفوك أعظم
إن كان لا يرجوك إلا محسن ***** فبمن يلوذ ويستجير المجرم
مالي إليك وسيلة إلا الرضا ***** وجميل عفوك ثم أني مسلم



في الحديث : ( من لزم الاستغفار جعل الله له من كل هم فرجا، ومن كل ضيق مخرجا، ورزقه من حيث لا يحتسب ) . # ضعفه الشيخ الألباني في السلسلة الضعيفة#




ومن اللطائف كان بعض المعاصرين عقيماً لا يولد له وقد عجز الأطباء عن علاجه وبارت الأدوية فيه فسأل أحد العلماء فقال: عليكم بكثرة الاستغفار صباح مساء فإن الله قال عن المستغفرين {وَيُمْدِدْكُمْ بِأَمْوَالٍ وَبَنِينَ}[نوح :12]. فأكثر هذا الرجل من الاستغفار وداوم عليهن فرزقه الله الذرية الصالحة.
فيا من مزقه القلق، وأضناه الهم، وعذبه الحزن، عليك بالاستغفار فإنه يقشع سحب الهموم ويزيل غيوم الغموم، وهو البلسم الشافي، والدواء الكافي

[لبيبة1]

ههههه انا زمان كانو يعايروني كي عدت سمرا و يعايروني بابشع الالقاب و مشني سمرا بزاف خمرية برك و مشكلة نتعاير من اقرب الناس و امام الناس اييييه وش عقبت ربي يغفرلهم و يهديهم كنت نكره روحي كي كنت صغيرة اما درك تعجبني روحي و ما يهمني راي حتى واحد في شكلي (و بالعكس نحمد ربي بلي هذا هو لوني ) اه بصح يهمني راي زوج المستقبل برك ان شاء الله يكون رايو فيا ايجابي ( اذا كان موجود طبعا )
طيشي علييييييك و عيشي ادعيلهم بالهداية ايا سلام يا الزينةاااااا

[leila ben]

قال تعالى {لَقَدْ خَلَقْنَا الْإِنسَانَ فِي أَحْسَنِ تَقْوِيمٍ (4)}الآية 4 من سورة التين
معناه أن الله خلقنا في أجمل صورة يا أختي شكل أنفك طويل لكن لديك صفات أخرى تميزك خاصة أنه أنعم عليك بالحواس والعقل وسلامة الأعضاء
ان وضعنا موضوع مادا يكره الانسان في نفسه نجد هناك من له أنف مفلطح وهناك طويل وهناك أسود البشرة وهناك القصير والأصلح ومن له بثور في وجهه ...................................وهناك من يحمل عاهات وحامد ربي
مزال ماشفت انسان كامل المهم هو الأخلاق
زعافك منهم يعني أنك درت عليهم وجهلت وليتي كيما هم استغفري ربي واعلمي أن الكامل هو ربي سبحانه
متعمريش راسك بالناس همهم يهدوا معنوياتك لو كان جاو يحشموا ميضحكوش على خلقة ربي وهو القادر على كل شيء

[لقرع بوكريشة]

[QUOTE=مشكلتي;12937508]بسم الله الرحمان الرحيم
حبيت نعرف برك علآه الناس دايما يعايروا بزاااااااف
انا في ذاتي كرهت منهم مشكلتي انو انفي شوية كبير بصح الحمد للله مليييحة وكامل يقولي راكي تهبلي وكان خرين يقولولي وشبيه خشمك كبير يخليوني دايما نبكي نوكل عليهم ربي و ربي يهديهم هذي حاااجة نولمالا في العبد خلقني ربي هكاواش نديييير نقتل روحي ولا واش عيييييت منهم حتي كي نشوف بنات خير مني الزي نغييير جربت وصفات بزااااف كرهتتتتتتتتتتتتت والله منسمحلهم
واش راححححححح ندييييير عاونوني
و جزاكم الله خيرا


هل تسمحين لي ايتها الاخت الكريمة ان قلت لك ان مشكلتك مدعاة للضحك والبكاء في ان واحد.. لهول ما نحن فيه وما آلت اليه اخلاقنا نحن المسلمين.....ستسالينني لماذا؟؟؟ ساخبرك....
انت طرحت مشكل ليس لك دخل في وجوده ولا لأي شخص اخر...وفي المقابل من ذكرت يضحكون ..ويستهزؤون
من ذالك....ايضحكون على المخلوق ام الخالق......!!! بئس ما يفعلون...والمصيبة الكبرى انت تعيرين ذالك اهتماما كبيرا...رغم انك راشدة عاقلة متزنة راشدة وواعية....وتعرفين بالتاكيد ان كلنا من صنع خبير عليم بصير قادر مقتدر..يخلق ويصور ما يشاء يعطي ما يشاء وبقدر ما يشاء ...ياخذ وينزع ما يشاء ممن يشاء في الوقت الذي يشاء....ولك ان تتاكدي ذالك بنفسك في كل مكان وعبر العصور والازمان...وهل يستطيع مخلوق ممن ذكرتهم او غيرهم ان يعارض ويمنع ما قدر رب العزة ان ياخذ ه منه...؟؟؟ الاخت الكريمة انت تعرفين كم من بات سليما فاصبح مصابا....وكم من اصبح مالكا فامسى فاقدا....وهنا تحضرني قصة احد المعارف حين اسر لي يوما بانه عاير مريضا بالبهاق في لحظة غضب ...فابتلاه الله به..وهو لحد الان مقر بذالك ونادم اشد الندم .... وزد على ذالك ايتها المحترمة من منا على وجه الارض خال من العيوب...فوالله لا يخلو احد من ذالك...فهذا ثخين وهذا ذميم وهذا قصير وذاك اعرج وتلك ضعيفة بصر والاخرى تشكو كثافة الشعر ....و..و من عيوب خلقية بفتح الخاء اما العيوب الخلقية بضم الخاء فحدث ولا حرج.... واذكرك اختي بقاعدة خذيها من اخيك الاقرع بانه والله لو انعزلت عن الناس واغلقت الباب دونك لانتقدوك وقالو فيها كذا وكذا....ظلما وعدوانا ولرموك بما يعرفون او ما لا يعرفون....هاته هي حقيقة البشر..به كل العيوب السبعة...حسد .. غل .. طمع ..انانية..تعصب..كذب..تكبر..نميمة..نفاق..ضعف بدن..ضعف ايمان..و..و..
لذا ايتها الاخت وجب ان تتسلحي بالايمان القوي الصادق ثم الثقة بالنفس العالية...فقول البشر ما يقدم ولا يؤخر في شيئ...واحمدي رب العزة انك احسن من ملايين من بنات جنسك او غيرهم ..فهم يشكون ما يشكون...فوالله لو اطلعت على ما يشكون لملئت رعبا ولوليت هربا....والتعلمي ان الرزق والروح متلازمان حتى نفنى...وهما بيد الواحد الاحد وليسا بيد البشر....فوالله لو ان الرزق والاجل اوكلا لهؤلاء البشر لما رزق مخلوق ولا بقي احد على وجه الارض .. فلك الحمد يا عليم يا رزاق يا محيي يا مميت...يا غفار الذنوب ويا ساتر العيوب......اسف على الاطالة........................................... ...........................اقرع..و بوكريشة ايضا

[لبيبة1]

[quote=لقرع بوكريشة;13001614]

المشاركة الأصلية كتبت بواسطة مشكلتي

بسم الله الرحمان الرحيم
حبيت نعرف برك علآه الناس دايما يعايروا بزاااااااف
انا في ذاتي كرهت منهم مشكلتي انو انفي شوية كبير بصح الحمد للله مليييحة وكامل يقولي راكي تهبلي وكان خرين يقولولي وشبيه خشمك كبير يخليوني دايما نبكي نوكل عليهم ربي و ربي يهديهم هذي حاااجة نولمالا في العبد خلقني ربي هكاواش نديييير نقتل روحي ولا واش عيييييت منهم حتي كي نشوف بنات خير مني الزي نغييير جربت وصفات بزااااف كرهتتتتتتتتتتتتت والله منسمحلهم
واش راححححححح ندييييير عاونوني
و جزاكم الله خيرا


هل تسمحين لي ايتها الاخت الكريمة ان قلت لك ان مشكلتك مدعاة للضحك والبكاء في ان واحد.. لهول ما نحن فيه وما آلت اليه اخلاقنا نحن المسلمين.....ستسالينني لماذا؟؟؟ ساخبرك....
انت طرحت مشكل ليس لك دخل في وجوده ولا لأي شخص اخر...وفي المقابل من ذكرت يضحكون ..ويستهزؤون
من ذالك....ايضحكون على المخلوق ام الخالق......!!! بئس ما يفعلون...والمصيبة الكبرى انت تعيرين ذالك اهتماما كبيرا...رغم انك راشدة عاقلة متزنة راشدة وواعية....وتعرفين بالتاكيد ان كلنا من صنع خبير عليم بصير قادر مقتدر..يخلق ويصور ما يشاء يعطي ما يشاء وبقدر ما يشاء ...ياخذ وينزع ما يشاء ممن يشاء في الوقت الذي يشاء....ولك ان تتاكدي ذالك بنفسك في كل مكان وعبر العصور والازمان...وهل يستطيع مخلوق ممن ذكرتهم او غيرهم ان يعارض ويمنع ما قدر رب العزة ان ياخذ ه منه...؟؟؟ الاخت الكريمة انت تعرفين كم من بات سليما فاصبح مصابا....وكم من اصبح مالكا فامسى فاقدا....وهنا تحضرني قصة احد المعارف حين اسر لي يوما بانه عاير مريضا بالبهاق في لحظة غضب ...فابتلاه الله به..وهو لحد الان مقر بذالك ونادم اشد الندم .... وزد على ذالك ايتها المحترمة من منا على وجه الارض خال من العيوب...فوالله لا يخلو احد من ذالك...فهذا ثخين وهذا ذميم وهذا قصير وذاك اعرج وتلك ضعيفة بصر والاخرى تشكو كثافة الشعر ....و..و من عيوب خلقية بفتح الخاء اما العيوب الخلقية بضم الخاء فحدث ولا حرج.... واذكرك اختي بقاعدة خذيها من اخيك الاقرع بانه والله لو انعزلت عن الناس واغلقت الباب دونك لانتقدوك وقالو فيها كذا وكذا....ظلما وعدوانا ولرموك بما يعرفون او ما لا يعرفون....هاته هي حقيقة البشر..به كل العيوب السبعة...حسد .. غل .. طمع ..انانية..تعصب..كذب..تكبر..نميمة..نفاق..ضعف بدن..ضعف ايمان..و..و..
لذا ايتها الاخت وجب ان تتسلحي بالايمان القوي الصادق ثم الثقة بالنفس العالية...فقول البشر ما يقدم ولا يؤخر في شيئ...واحمدي رب العزة انك احسن من ملايين من بنات جنسك او غيرهم ..فهم يشكون ما يشكون...فوالله لو اطلعت على ما يشكون لملئت رعبا ولوليت هربا....والتعلمي ان الرزق والروح متلازمان حتى نفنى...وهما بيد الواحد الاحد وليسا بيد البشر....فوالله لو ان الرزق والاجل اوكلا لهؤلاء البشر لما رزق مخلوق ولا بقي احد على وجه الارض .. فلك الحمد يا عليم يا رزاق يا محيي يا مميت...يا غفار الذنوب ويا ساتر العيوب......اسف على الاطالة........................................... ...........................اقرع..و بوكريشة ايضا

ما شاء الله كلامك راقي جدا
لكن حبيت نسالك فضول فقط علاه سميت روحك لقرع بوكريشة ؟ هل هذا وصف لك؟ و هل انت معجب بهاتين الصفتين؟

[medscd]

حل مشكلتك هو بسيط

لا تهتمي بالاخرين ولا تعطيهم اهتمام افعلي مثلي

لان مثلا لو بنت قالت عليك حول خشمك لا تعطينها اهتمام يوم يومين تصبح عادي

لكن اذا اظهرت بانك منزعجة البنت الشريرة التي تهدر فيك ولا تعايرك تواصل هكذا

خلاصة القول وبالعامية

قيسيهم في ثقيل

ومكاش واحد ما راهوش خالي من العيوب

انا العيب اللي فيا اكبر من هذا المشكل التاعك

ومشكلتي الصراحة تضحك في الجتمع التاعنا
( مانقدرش نقولها في المنتدى)

يا ليت كان خشمي طويل او مانيش عارف كيفاه جيت والله لا يهمني شكلي

رغم اني اعمل والحمد لله

لكن الدنيا كانت مليحة بكري

كان القوي يرفد الضعيف

كان الجار يروح يسقسي على جارو يلا تعشى ولالا يلا راهو مريض ولالا

هل الان مازال يفعلها

تقريبا نقولو نادرا

الصراحة صماط كلش

[لقرع بوكريشة]

[QUOTE=لبيبة1;13003163][quote=لقرع بوكريشة;13001614]

ما شاء الله كلامك راقي جدا
لكن حبيت نسالك فضول فقط علاه سميت روحك لقرع بوكريشة ؟ هل هذا وصف لك؟ و هل انت معجب بهاتين الصفتين

لا هذا ولا ذاك الاخت الكريمة.....تاكدت يقينا ان الجمال ليس جمال المظهر بل جمال المخبر....فجمال الروح انقى وابقى وارقى....لكن جمال الشكل مهدد بين لحظة واخرى................واقرع وبوكريشة ليسا بعيب.......
.......واقرع مثلي قط لم تر عيني.*** واكرش مني لم تلد النساء..................شكرا

[AMINA.Z]

الصراحة ضحكت عندما قرات المشكلة و اعتذر ان كان هذا سيضايقك
ربما لاني كنت اعاني من نفس مشكلته الحقيقية و هي انعدام الثقة بالنفس
و على الرغم من ان الناس لم يعيروني بشيء الا اني كنت اقارن نفسي دوما بالاخريات و لا اقتنع بشكلي
الى ان جاء يوم كنت اتناقش فيه مع زميلة لي و كانت ماشاء الله جميلة و لكن قصيرة قالت لي كلمات حفرت في عقلي

"انا نقول الحمد لله و ما يهمني راي حتى واحد كيما كاين اللي خير مني كان اللي قل مني "

قولي الحمد لله و الشعب هادا ماراح يدخل للجنة و ماراح يخرج من جهنم وحدو ربي سبحانو هو الصح

و مادام كاين اللي قالولك راكي مليحة علاه راكي حاطة في بالك غير اللي قالو ماش مليحة
و اذا كنت مازلت صغيرة نقولك عادي كي تكبري راح ترجي تضحكي على روحك

قولي الحمد لله