حلوى النواد كوكو و النخالة :)

[حكايات لؤلؤة]

السلام عليكم و رحمة الله
كيف حالكم اخواتي
جبتلكم وصفة بمكون نكاد ما نسعملوهش بزاف فالمطبح تاعنا و ان كان يكون فالخبز مع انو هاد المكون صحي و مفيد جدا عامة و لمتتبعي نظام غدائي او حمية معينة خاصة
و هاد المكون هو النخالة تاع القمح اقصد
نبدا على بركة الله
المقادير :
- 3 بيض
- كاس صغير سكر رطب
- كاس صغير زيت
- 175 غ نواد كوكو
- 250 غ نخاله القمح " لازم تكون رقيقة مش غليظة و لا كانت لازم تفوتوها فالغربال هكا باش تجي مليحة "
- كيس خميرة كيماوية
هدا مكان

التحضير :

في اناء نخلطو جميع المقادير و نضيفو النخالة حتى نتحصلو على عجينة طرية نشكلها كويرات و نرمدها فالسكر قلاصي و نرصها في صينية مدهونة مليح و لازم تطيب على نار هادئة و تبقى بيضة يعني لونها ما يتحمرش
كي تنحوها من لفور ما تخربوش فيها خلاص حتى تبرد لانو بمجرد ما تلمسيها تهبط هدا لانها خفيفة
كي تبرد نوضعوها في كيسات و نقدموها مع القهوة و لا الاتاي تاع لعشية

شهية طيبة يا طيبين