السلام عليكم يا لحراير واش راكم اليوم جيتكم وجبتلكم حاجة جربتها وتعلمتها من احد المنتديات .
الي هي خبز محشي ومضفور رووووووووووووووووعة
مش نشكر في روحي بصح والله الي شافوه وكلاوه اووووووووووكل هبلو عليه
هيا نبداو بسم الله .
اول حاجة
الحشوة :
1- صلصة الطماطم :
انا مكانش عندي لحم الي عندو لحم يقدر يستعملو او دجاج اكبد طبعا وانا استعملت التالي .
طماطم ، بصل ، ثوم ، فلفل اخضر حار ، بهارات ، هريسة حارة، ملح ، سكر .
نحط البصل المقطع قطع صغيرة في شوية زيت لحتاان يذبل ، نضيف فوقو الفلفل لما يذبلو مليح نحط الطماطم المقطعة ونحط عليهم شوية لهريسة ونحط البهارات والملح وشوييييية سكر ينحيلنا الحموضة
وتكون بهذ الشكل .
2- حبات بطاطا نقطعها قطع صغيرة ونقليها في الزيت ونملحها ونحطها على جنب وتكون بهذا الشكل
3- فرماج مبشور وزيتون اخضر مقطع قطع صغيرة (او اسود يعني الموجود عندكم ) بهذا الشكل
ثاني حاجة
العجينة :
ساهلة بزاااااااااااااااف نبداو
3 اكواب فرينة
نص كوب زيت
ملح
ملعقة كبيرة خميرة
شوية سكر
ماء او حليب دافئ للعجن من الاحسن يكوون حليب لانو يجي الخبز هش وخفيف على المعدة
- نخلطو جميع المكونات مع بعض ونخليوها تتخمر لبعض الوقت
-بعدين نعمل كويرات بهذا الشكل
ونبداو بالكويرة الوحدة نحلها رقيقة ونقطعها على الحواف ونحطو الحشوة في النص التكون الصوص الاولى وبعدين البطاطا ويعدين الزيتون وبعدها يالفحلات الفرماج المبشور بهذا الشكل
ونبداو نضفرو نجيب قطعة من اليمين الى اليسار حتى تتضفر معانا كلها ونمسحها من فوق بشوية بيض باش تتتحمر طبعا الصورة موجودة
بعدين نحطها في الفرن الي طبعا يكون سخون ورح يكون خبزنا في الاخير بهذا الشكل
وبالصحة ولهنا على قلوبكم نتمنى تجربوه وتعطيوني رايكم
( تقرير عن مشاركة سيئة )، و الموجودة أسفل كل مشاركة .
2013-11-21, 11:09
خبز مضفور ولا اروع بالصور
العرض المتطور
